Loma 11:1 - Loina Tabu Auwauna NT

¹ Ta mwa'adega, ona'ai'aila Yaubada 'ina tomotaiyao me Isileli 'ie'idi'idiyediya? Nigeya! Manuna 'abo'agu 'ebweu goma Isileli susu Beniamina 'enega, ta 'ima susu sinabwana 'ana esana Ebelaamo.

Loma 11:1 Kruisverwysings

Luke 20:16

“Ona'ai'aila 'inapwana nina 'imama be toguinuwa nidi 'iloemwawasidi, be 'enega bagula nina mali to'ita'i'itao 'i'ebwa'edi.” 'Inapwanao nidi Yesu 'ina ona gete nadigega sinonona ga sigwae, “Ona'ai'aila, 'abo'ada geya'abo wate nadigega!”

Guinuwa 22:3

'Abo'agu goma Yudiagu, Tasisi, Silisia 'asana, 'ena yatubuwa, ta bada Yelusalema 'enaya yasikulu, 'igu toe'ita 'ana esana Gamelieli, ta 'ie'itegu tubudao 'idi loina pa'alina 'enega, ga Yaubada 'ina guinuwa 'ena yatagwala 'ai'ailegu, nadigega gete tuga 'omi 'imi tagwala.

Guinuwa 26:4

“Me Yudia maibo'adi simwalamwalatonigu 'aene 'igu bubuna, 'igu tuta gwamega yae'alena taugu tuga 'igu 'asaya, ga muliyega Yelusalema 'enaya,

Loma 11:11

'Enega taudi me Yudia nidi siesetupedi, mwa'adega 'adi loina? 'Aene ni'atu sibe'u ataya be geya'abo sitoolo limana, aga? Nigeya! Ma'etamo sida toololimana. 'Enega wada nuwa'i'isi 'aene 'omi nigeya me Yudia 'etoseyana walobena be me Isileli nidi sida e'ipi'ipiyemi.

Loma 3:4

Nigeya sa'i. Ona'ai'aila, 'abo tomota maibo'ada kabokaboda, ta Yaubada tebweuna palupaluna, ga tauna manuna Buki Tabu 'isimana, 'igwae, “'Imu ona 'enega sida 'awa palupaluyeyo be 'enega 'imu etala 'enaya 'uda ewaiwai.”

Loma 9:3

Ta yanuwanuwa sinabwana 'igu susu nidi manudi be 'aene Yaubada 'ina oboboma nina 'i'ebwa'egu, nate Yesu Keliso, 'aene 'eguyega 'ida 'ewa be 'igu bodao nidi 'ida 'ebwa'edi, ta 'abo'agu yada miyaila Keliso 'enega, taudi manudi.

2 Kolinita 11:22

'Abo taudi me Ibeliu, 'abo'agu nadigega. 'Abo taudi Isileli 'ina susuyao, 'abo'agu nadigega. 'Abo taudi Ebelaamo tubunao, 'abo'agu nadigega.

Pilipai 3:5

manuna 'abo'agu goma Isileli 'ai'aila, 'igu susu Beniamina, ga silodabegu 'asiyata eita 'igu tubuwa mulinaya, ta Palisiyao 'idi loinao yamuliya 'ai'ailidi,