Loma 10:16 - Loina Tabu Auwauna NT

¹⁶ Ta esi tomota maibo'adi nigeya siemiemisedi, manuna ni'atu Aisea 'isimana manudi, 'igwae, “'Inapwana ye, 'imu ona gete manuna nigeya siemiemisegu.”

Loma 10:16 Kruisverwysings

Madiu 13:14

Tomota getedi manudi lowa Aisea 'igimisimana, 'igwae, ‘Ma'etamo waenoenono ta geya'abo nuwami 'isabwasabwalena. Be wate wadunedune tuga, ta geya'abo sa'i wa'ita'ita.

Yoni 10:26

ta tuwa tuga nigeya wada emisegu, manuna 'omi nigeya 'igu sipiyao.

Guinuwa 28:24

'Enega 'aidi siemisena ta 'aidi sipa'ala.

Loma 1:5

Yesu Keliso tauna 'iobobomegu, ga 'iesinuwegu be 'aene tauna manuna yada etosimana sena yauyauna 'ediya, be 'enega tauna 'ena sida tagwaledi ta sida emise.

Loma 11:17

ga taudi me Yudia nidi 'atuwa nadigega Yaubada 'ina kaiwe, manuna nalinao 'aidi 'ilasedi ga 'omi 'emiyega 'ielopa'eludiya, manuna 'omi mali kaiwe nalinao ta esi 'i'ewemi ga 'ina kaiwe 'ena 'itubwemi, 'enega 'ina kaiwe nina 'ana bwasiyega wanumanuma, nate Yaubada 'ina oboboma tuta yauna walobaloba.

Loma 16:26

ta esi gete tuga ni'atu 'igieapwesena 'edaya palopitao 'idi 'etoladiyao 'ediyega, ta wate Yaubada miyamiya atayana 'iloina be 'aene sena maibo'ana tomotediyao tetela gete sida mwalatoni, be 'enega sida emisa be sida muliye.

Loma 2:8

Ta sa'i, 'aidi tomota egewagewana 'aledi be 'eda bobo'ana siguitoyase, ta 'eda to'umalina simulimuliye, 'enega Yaubada 'ida gamwasowaledi be 'ida loinedi.

Loma 3:3

Ta mwa'adega, 'abo 'aidi ni'atu Yaubada siguitoyasena, wanuwena 'aene Yaubada wate 'ida guitoyaseda aga?

Loma 6:17

Ta ona'ai'aila, 'omi lowa bubuna to'umalina 'ana toguinuwao, ta esi tetela bobo'ana wanononaya ga 'atemi watagwaledi 'enaya, ga 'enega 'imi to'umalina 'igumwala. Ta Yesu 'ili'amimi be 'aene 'omi bubuna palupaluna 'ana toguinuwao, 'enega tada lokagutoki sinabwana Yaubada 'enaya, yage gete manudi.

Galetia 3:1

'Omi me Galetia uwauwami! Yaita sana 'ilonabwasuwemi ga 'igiekwanimi? Lowa 'ae'itemi ga nuwami 'isabwalena 'ai'aila Yesu Keliso manuna, 'aene keloseya 'imwawasa ta sa'i wanuwa pupulena! 'Enega wanuwena 'aene Mosese 'ina loina 'ana ematamatanega 'etoseyana walobai?

Galetia 5:7

'Omi lowa wapili waiwai emisa 'ina 'eda 'ai'aila 'enega, 'enega yaita 'isa'u bodemi?

2 Tesalonaika 1:8

ta taudi 'ida 'Inapwana Yesu Keliso tetelina siguitoyasena, ga Yaubada siemwagemwageyena, 'adi e'isa mwauna 'ida 'ebwa'edi.

Ibeliu 11:8

Ebelaamo wate 'ina emisega Yaubada 'ina bwau 'imuliyena be 'aene 'ina 'asa 'ida pilisine ta 'ina 'asa auwauna mali esenaya 'ida loba, 'enega 'itoolo ga 'itauya ta nigeya 'imwalamwalatoni to sena 'enaya 'itautauya.

Ibeliu 4:2

Ona'ai'aila, tetela nina 'i'ebwa'eda, taudi wate lowaenei 'i'ebwa'edi, ta tetela nina nigeya 'ilemelemedi, manuna sinononaya ta nigeya siemiemise.

Ibeliu 5:9

ga 'enega 'ina bubuna maibo'ana palupaluna. 'Enega 'abo'ada wate 'abo taematamatanei, 'etoseyana ataya Yesu nina 'enega taloba,

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

1 Pita 2:8

Ta wate 'igwae, “'Ola gete tomota 'idi 'ebe esetupe, ma'etamo 'enaya siesetupedi ta sibebe'u.” Ta siesetupedi 'enaya manuna ona nigeya siemiemise. Gete nadigega Yaubada 'ina gimiloina manudi.

1 Pita 3:1

Nadigega 'omi wate toai mewainemi mwanemiyao wada 'amayabedi, 'enega 'abo taudi nigeya Yaubada 'ina ona siemiemise, 'omi 'imi guinuwa bobo'ana 'amayabega wada e'itadi, be 'enega sida emisa.