Loma 10:15 - Loina Tabu Auwauna NT

¹⁵ Ta 'abo 'Inapwana tologuguyao 'ietunedi, be sitatauya 'ediya, 'iabe Yesu tetelina sinono, be siemise, be 'enega 'abo 'ana esanega sisidasida, 'ida 'etoseyedi. Manuna ni'atu Buki Tabu 'ena nadigega 'isimana'esa, 'igwae, “Tologuguya nidi taudi tetela bobo'ana sime'ena 'edaya, manudi tada gwausowala.”

Loma 10:15 Kruisverwysings

Madiu 9:38

'enega Tonibagula 'enaya wasisida be topaisewao 'ida etunedi 'ina bagulaya sabi sesoi.”

Luke 10:1

Tuta gete mulinaya, Yesu 'aina wate 'ana tomuliyao 'iesinuwedi, sebeniti 'adi yau, ga 'eluwa 'eluwa 'ietune nuganedi 'aina 'asa 'ediya be toni'asa sigibubudi Yesu 'ina mai 'ediya manuna.

Luke 2:10

'Enega anilose nina 'ieonedi, 'igwae, “Geya'abo wamatamatauta, ta esi wada gwausowala, manuna ale bobo'ana yame'ena 'emiya be 'enega 'iabe tomota maibo'adi wate 'idi 'ebe gwausowala.

Luke 2:14

sigwaegwae, “Yaubada galewaya tada tupui, ta bale'uya taudi 'iobobomedi sida miya gwausowala.”

Luke 8:1

Ga muliyega Yesu 'itoolo ga 'itauya 'asa sinabwadi be gidalidi 'ediya, Yaubada 'ina loina 'ana tetela bobo'ana sabi loguguyaena, ta 'ina tononoyao nidi site tuwelo ma'enao.

Yoni 20:21

Ta Yesu wate 'ediya 'igwae, “Geya'abo wamatamatauta. Tamagu tauna 'ietuneguma, ta 'abo'agu wate nadigega yada etunemi.”

Guinuwa 10:36

Ta To'etoseyana Yesu, tauna maibo'ada 'ida 'Inapwana, ga Yaubada 'ina tetela bobo'ana Yesu 'i'ebwa'ena, 'abo'ama me Isileli 'ima 'ebe gwausowala manuna. Ta 'omi tetela nina wamwalamwalatoni,

Guinuwa 13:26

“Tasigwao, 'omi Ebelaamo 'ina susuyao, be wate 'omi mali senega Yaubada 'ana to'amayabao, wanono 'aene 'etoseyana tetelina gete 'edaya ni'atu 'imai.

Guinuwa 22:21

'Enega 'Inapwana nina 'ieonegu, “Gete 'enega 'uapwesa be 'iabe yaetuneyo be 'utatauya 'asa 'edasolaya, taudi nigeya me Yudia 'ediya.”

Guinuwa 9:15

Ta 'Inapwana 'ieonena, “Tuwa tuga, 'uda tauya 'ena. Manuna Saulo nina ni'atu yaesinuwena be teteligu 'ida simana taudi nigeya me Yudia 'ediya, be toloina sinabwadi matadiya be me Isileli wate 'ediya.

Loma 1:15

'Enega 'omi wate me Loma nuwanuwagu sinabwana 'emiya Tetela Bobo'ana yada guguyae.

Loma 15:20

Manuna nuwanuwagu be sena auwaudi namo 'ediya yada gimi loguguya, taudi sena nidi nigeya Keliso tetelina sinoono, manuna geya nuwagu be mali tologuguyao 'idi guinuwa yaloeposeyane.

Epeso 2:17

'Enega Yesu nina 'iwai ga siwalowa 'iloguguyaena 'omi tomiya 'edasola 'emiya, be 'abo'ama wate selabenaya 'amiyami 'emaya.

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

Epeso 6:15

be 'aelawa nate nuwasiwalowa, tetela bobo'ana 'enega walo'aelawa.

1 Pita 1:12

Ta Yaubada palopitao nidi 'ie'itedi 'aene onaupaupa nidi sigimi simanedi nigeya taudi manudi, ta 'omi esi manumi, ta yage nina lowa manuna siona ni'atu gete wanononodi, tetela bobo'ana 'ana tosimanao 'ediyega, nate Yaluyaluwa Tabuna galewega 'ina waiwaiyega. Ta yage nidi bobo'adi manudi sieonemi, aniloseyao galewaya nuwanuwadi be taudi wate sida mwalatoni.