Kolose 3:3 - Loina Tabu Auwauna NT

³ manuna ni'atu wamwawasa, ta gete tuga yawasimi Keliso ma'iyana Yaubada 'enaya.

Kolose 3:3 Kruisverwysings

Madiu 11:25

Tuta gote 'enaya Yesu 'igwae, “Kagutoki Tamagu, 'oyo galewa ta bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega, ta esi gogama gidalidi 'ediya 'ue'itaena.

Yoni 14:19

“Ta tuta gidalina namo 'ena be yapilisinemi, be geya'abo me bale'u si'ita'itagu, ta 'omi ma'etamo wada 'itagu mayawasigu yamiyami, 'enega 'omi wate nadigega mayawasimi wamimi.

Yoni 3:16

Ta Yaubada sa'i tomota maibo'adi bale'uya 'iobobomedi ga natuna tebweuna 'itagwalena be 'enega yaisigedi tauna 'ena siemisa, geya'abo simwawamwawasa ta esi yawasidi ataya sida loba.

Yoni 4:14

ta 'eguma 'ebweu yaita bwasi nina 'eguyega 'inumai, geya'abo wate tona'ana 'iyapayapasa limana. Manuna bwasi nina tauna yada 'ebwa'e 'atenaya be 'ida ewewelupwa ta yawasina ataya 'enega 'ida loba.”

Yoni 5:21

Nadigega tuga Tamagu tomwawasa 'igietoolodi ga yawasidi 'i'ebwa'edi, 'abo'agu wate nadigega yawasi auwauna yada 'ebwaya tomota 'ediya, yaisigedi taudi yaesinuwedi.

Yoni 5:24

“'Enega yasimana 'ai'aila 'emiya 'abo yaisigedi 'igu ona sinonodi be tauna 'ietuneguma siemisei yawasidi ataya sida loba, be geya'abo 'asiyata bwa'omatana 'ena silugulugu, manuna ni'atu mwawasa 'ina sena sipilisinena ga siabala yawasi auwauna 'enaya.

Yoni 5:40

Ga 'enega geya nuwami be yawasimi ataya manuna wamama 'eguya.

Loma 5:10

Ona'ai'aila, lowa Yaubada taetalauwalena ta gete tuga Natuna 'ina mwawasa 'enega ni'atu ma'eda tae'ebweu, be Natunana yawasina manuna 'i'etoseye 'ai'ailida.

Loma 5:21

'Enega tamwalatonina 'aene to'umalina uwana nate mwawasa 'iewaiwai tomota 'ediya, ta Yaubada 'ina 'ebwayadaita uwana 'iewaiwai wawasae, nate miya bobo'ana be yawasi ataya, 'ida 'Inapwana Yesu Keliso 'enega.

Loma 6:11

'Omi wate nadigega wada nuwa'i'isi 'aene Yesu Keliso ma'edai tamwawasaya, 'enega bubuna to'umalina 'edega 'ilosa'u, 'enega Yesu Keliso ma'edai Yaubada 'ena mayawasida tamiyami.

Loma 6:2

Nigeya sa'i! Manuna bubuna to'umalina ni'atu 'edega 'igumwala, 'enega nigeya sawesawenaya be 'edaya wate 'ida miyami.

Loma 8:2

Yesu Keliso ma'edai, 'enega Yaubada yaluyaluwanega to'umalina be mwawasa 'idi loina 'ediyega 'ili'amida, ga yawasi auwauna talobena.

1 Kolinita 15:45

Buki Tabu 'ina simana wate nadigega 'igwae, “Tai nuganuganina, Adama, bwalana mayawasina,” ta tai 'eluwena yaluyaluwana 'enega tomota yawasida 'i'ebwa'eda.

1 Kolinita 2:14

Ta esi 'abo nigeya, geya'abo sa'i simwalamwalatoni, manuna 'ediya 'aene yage kabakabaleya tuga. 'Enega nigeya sawesawediya be yage nidi simwalamwalatonidi, manuna Yaubada yaluyaluwana geya'abo 'igiegienuwa sabwalenidi.

2 Kolinita 5:14

Keliso 'ina obobomega 'aonaona, manuna tauna tuga 'ama toloina. Ona'ai'aila, tauna maibo'ada manuda 'imwawasa, 'enega maibo'ada 'atuwa tomwawasa.

2 Kolinita 5:7

manuna 'ida emisa 'enega tatautauya ta nigeya duneyega.

Galetia 2:20

Ona'ai'aila, Keliso ma'iyagu ni'atu sigiekeloseyema, 'enega mwawamwawasigu ta nigeya taugu yawasiguyega ta esi Keliso yawasina 'eguya 'imiyami. Gete tuga mayawasigu yamiyami, ta yawasiguna 'alena nate 'igu emisa Yaubada Natuna 'enaya. Manuna Yesu nina 'ina obobomega tauna 'itagwalena ga manugu 'imwawasa.

Epeso 3:9

be wate tomota maibo'adi sida mwalatoni 'aene Yaubada tauna yage maibo'adi 'adi tomweluluwa, ta tuta dudulana 'ediya 'ina nuwanuwa 'ikwaiyena, ga ni'atu 'igieapwesena,

Pilipai 4:7

be Yaubada 'ina lemao tosinabwa sadi 'ediyega 'ida giegwausowalimi, be 'enega Yesu Keliso ma'emiya, 'atemi be 'imi nuwanuwao sida miya bobo'ana.

Kolose 1:5

manuna wanuwanuwayaina 'aene 'imi 'ebe gwausowala ma'etamo galewaya waloba, nadigega lowa tetela bobo'ai'ailina wanonona.

Kolose 2:20

Lowa wamwawasa Keliso ma'emiya 'enega bubuna bale'u 'ina loina 'emiya ni'atu 'ilosa'u, ta to'ase manuna 'etamo waguiguinuwa 'atuwa me bale'u 'idi guinuwa nadigega?

Kolose 2:3

Ta Keliso nina 'ena sinasinapu be mwalatoi maibo'adi simiyami, nate 'ida esaesa sinabwana.

Kolose 3:4

Manuna yawasida bobo'ana Keliso nina 'enega ta'ewena, 'enega tuta nina 'abo Keliso 'iapwesama, 'omi wate Keliso ma'emiya waapwesa 'ina esaesa tuyatuyayalina 'enaya.

Ibeliu 7:25

Ta Yesu nina tuta maibo'ana sawesawenaya 'i'etoseyeda, 'eguma 'ana emisega talulugu Yaubada matanaya, manuna Yesu miyamiya atayana, ta tuta yauna manuda 'isidasida Yaubada 'ena.

1 Pita 3:4

ta esi 'atemi wada eiyalidi iyalao miyamiya atayadi 'ediyega, taudi nadigega bubuna nuwana be nuwamwa'uta 'ediyega. Wada nuwa'i'isi 'aene yage gete yage sinabwana Yaubada matanaya.

1 Pita 4:2

'Enega 'ida tuta maibo'ana bale'uya tamiyami, tada tagwaleda Yaubada 'enaya be tauna 'ida loineda, ta 'ida yalakwaiya geya'abo 'iloiloineda.

1 Yoni 3:2

Gosegwao, gete tuga Yaubada 'i'awanatuneda be ma'etamo to'ase 'iapwesa 'edaya? Nate namo tamwalamwalatoni 'aene 'ina ilalimanama 'enaya 'ana 'ita tauna tada 'ita, ta 'abo'ada 'ada 'ita 'iesa'u gelasedi be tauna nadigega.

E'ita'ita 2:17

“'Enega 'abo 'omi yaita matenana, Yaluyaluwa Tabuna 'ina ona toekalesiyao 'ediya 'ida nono. “Ta 'abo yaisigedi 'omi Seitani waewaiwai sinena, masula kwaikwaiyina yada 'ebwa'emi. Ta wate 'ebweuna 'ebweuna 'enaya yada eguyai gulewa wakewakekedi, ta gulewa nidi 'ediya 'ami esanao auwaudi simiyami, nate nigeya 'ebweu yaita sawesawenaya be 'imwalatonidi, nate namo taudi to'ewa nidi simwalamwalatoni.”