Kolose 3:22 - Loina Tabu Auwauna NT

²² 'Omi toguinuwao wate 'imi 'inapwanao bale'uya 'enadi wada ematamatanedi yage yauyaudi manudi. Ta geya'abo 'abo tuta nina silomata'i'isimi namo 'enaya wada paisewa ma imi gwaunuwa, be 'enega 'aene wada giegwausowalidi, ta esi tuta maibo'ana 'ediya ma imi 'atetagwala, Yaubada 'ana 'amayabega.

Kolose 3:22 Kruisverwysings

Madiu 6:22

Matada 'atuwa ooda 'ana mayale. 'Enega 'eguma matada 'esasedi ooda maibo'ana maemaedanina,

Madiu 8:9

Manuna 'abo'agu loina yamwalamwalatoni, ta 'agu toloinao 'idi ona 'ana toematamatana, ta wate 'igu tolosaiyao yaloiloinedi, ta 'abo 'ebweu 'enaya yagwae, ‘'Utauya,’ 'itatauya tuga; ta 'abo 'ebweu wate 'ena yagwae, ‘'Umai,’ wate 'imama; ta 'abo 'igu topaisewa 'ebweu yaeona be yagwae, ‘Gete 'uguinuwe,’ 'ida guinuwa tuga.”

Luke 6:46

“Ta to'ase manuna wa'awa 'Inapwanaegu, ta 'igu ona nigeya wada ematamatanedi.

Luke 7:8

Ta wate 'enana gete nadigega 'igwae, ‘'Abo'agu loina yamwalamwalatoni, ta 'agu toloinao 'idi ona 'ana toematamatana, ta wate 'igu tolosaiyao yaloiloinedi, ta 'eguma 'ebweuna yaeonai “'Utauya”, 'itatauya tuga; ta 'abo 'ebweu wate 'ena yagwae “'Umai,” wate 'imama, ta 'abo 'igu topaisewa 'ebweu yaeona be yagwae, “Gete 'uguinuwe”, 'ida guinuwa tuga.’”

Guinuwa 2:46

'Enega 'asiyata 'ebweuna 'ebweuna 'ediya ma idi 'atetagwala sitapwatapwalolo Anuwa Tabu 'enaya, ta taudi 'idi anuwaya ma idi gwausowola si'e'ai egogona,

2 Kolinita 7:1

Gosegwao, Yaubada 'ina onaoboboma getedi tada nonodi be ooda be yaluyaluwada tagie'esasedi yage baibailidi 'ediyega, be ta'esasa 'ai'aila ma ida 'amayaba Yaubada 'ena.

Galetia 1:10

Mwa'adega, tomota nidi 'adi tuputupu manuna yanuwanuwa, nai Yaubada 'ana tuputupu? Manuna 'eguma tomota 'idi nuwanuwa yaguiguinuwa, nigeya sawesaweguya be Keliso manuna yaetoguinuwa.

Kolose 3:20

Gogama 'omi wate tuta yauyauna tamamiyao be sinamiyao 'enadi wada ematamatanedi, gete 'ida 'Inapwana 'ina 'ebe gwausowala.

1 Tesalonaika 2:4

Manuna 'ima paisewa gete Yaubada 'itagwala 'emaya be tetela bobo'ana 'asimana apwese, 'enega 'ima simana nina nigeya to'ase tomota nuwanuwadi, ta esi to'ase Yaubada nuwanuwana. Manuna nuwanuwa nidi 'atemaya simiyami, nai bobo'adi, nai to'umalidi, Yaubada taunamo 'imwalamwalatoni.

Pilimoni 1:16

Lowa tauna 'imu toguinuwa, ta gete tugai nigeya 'aene 'ietoguinuwa namo, ta tauna wate tada 'awatasina Yesu Keliso 'enega. 'Abo'agu ni'atu ya'awa tasinena, ta 'oyo 'ilobweneyo be 'u'awa tasina 'ai'aile, manuna tauna 'imu toguinuwa ta tasiyo wate 'ida 'Inapwana 'enega.