Kolose 3:16 - Loina Tabu Auwauna NT

¹⁶ Wate Keliso 'ina ona bobo'ai'ailidi 'atemiya sida tabwa bobo'ana, be 'enega 'ebweuna 'ebweuna 'enaya wada e'ie'ita be wada loguloguguya mwalatoi 'ai'aila 'enega, be 'imi wali be Same walinao 'ediyega, be edale walinao Yaluyaluwa Tabuna 'enega 'ediyega, ma imi lokagutoki Yaubada 'ena 'atemiya.

Kolose 3:16 Kruisverwysings

Madiu 26:30

'Enega wali 'ebweuna siwaliyena ga siapwesa ta situ'e 'Oya Olibe 'enaya.

Luke 2:51

'Enega ma'enao siila limana Nasaleta ga nada 'idi ona 'iematamatanedi. Ta esi sinana yage gete manudi 'inuwanuwa sinabwana.

Yoni 15:7

Ta 'abo 'eguya wamiyami ta wate 'abo 'igu ona 'emiya 'imiyami, 'enega 'abo to'ase nuwanuwami wada sida manudi be walobadi.

Loma 10:17

Ta 'eguma Keliso manuna taloguguya, 'iabe tomota 'aidi sinono be siemisa.

Loma 15:14

Gosegwao, ni'atu yamwalatoi 'ai'ailimi 'aene 'omi tomota bobo'ami ta sinasinapumi, 'enega sawesawemiya be 'ebweuna 'ebweuna 'enaya wada e'ita.

1 Kolinita 14:15

Ta 'ilobwenegu be ma igu mwalatoi be wate yaluyaluwaguyega yada sidasida, ta yada wali tuputupu Yaubada 'enaya yaluyaluwaguyega ta wate ma igu mwalatoi.

1 Kolinita 14:26

Gosegwao, 'abo tapwalolo manuna walulugu, 'ebweu tai wali 'ida alalagasi, 'ebweuna 'ida e'ita, 'ebweuna lotoona auwauna 'ida simana apwese, be 'ebweuna mali 'enana 'enega 'ida ona, be 'ebweuna ona nina 'ida gibuni, be 'enega guinuwa nidi 'ediyega boda sida lemedi.

Epeso 1:17

Ta 'igu sidasida manumi 'aene 'ida 'Inapwana Yesu Keliso 'ina Yaubada, tauna Tamada ta Toesaesa sinabwana, 'ida gienuwa sabwalenimi, be tauna wada mwalatoi 'ai'aili,

Epeso 5:17

'Enega geya'abo waeuwauwa, ta esi nuwami 'ida sabwalena, to'ase Yaubada 'ina nuwanuwa manumi nadigega.

Epeso 5:19

wada waliwali magosemiyao, wali tapwalolo, be Same walinao, be wate edale walinao 'ediyega, ma imi gwausowala 'atemiyega wawawali 'Inapwana 'enaya,

Epeso 5:26

'ada gie'esasa manuna, nate 'ida to'umalina 'ana 'ebe'utu bwasina 'ina ona 'enega,

Kolose 1:28

Tauna Keliso nina 'asimasimane, ta 'ima mwalatoi 'ai'ailega 'aloguguya ta 'ae'ie'ita tomota maibo'ami 'emiya, be 'aene Keliso 'ana toemisao 'omi 'ada gieapwesemi ma imi bubuna maibo'ana bobo'ana, ta matuwana.

Kolose 1:9

Tuta nina tetelimi 'agimi nonona ga 'ana laba batuwa, nigeya 'ima sidasida manumi 'ada losa'u, ta esi Yaubada 'ena 'a'awa'awanoi be 'aene Yaluyaluwa Tabuna 'ida gienuwa sabwalenimi, be 'enega wada mwalatoi 'ai'aila to'ase 'ina nuwena manumi,

Kolose 4:6

Nuwa'ole'oleyega tuta yauna wada onaona ma imi mwalatoi 'ai'aila, be 'enega 'abo gosemiyao sienaidemi wada e'ie'isadi ona palupaluna 'ediyega.

1 Tesalonaika 1:8

Ona'ai'aila, 'ida 'Inapwana tetelina ni'atu 'emiyega 'ilelewana me Masidonia be me Akaya 'ediya, ta wate 'omi 'imi emisa Yaubada 'enaya tetelina ni'atu 'i'elelewana sena maibo'ana 'ediya. 'Enega 'abo to sena 'ena 'atatauya, nigeya sawesawemaya manumi 'aemwaemwasala,

1 Tesalonaika 4:18

'Enega tetela gete 'enega wada giegwausowalimi.

2 Tesalonaika 3:15

ta watoo be geya'abo waeetalauwale, manuna tauna tasidai, 'enega e'ita namo wa'ebwa'e.

1 Timoti 6:17

Ta bale'u 'ana toesaesao 'uemataluwedi be geya'abo sinuwanuwa tu'e 'idi esaesa manudi, ta wate geya'abo siemiemisa 'aene ma'etamo 'ebe lema sinabwana 'idi esaesa 'ediyega silobaloba, manuna esaesa nidi sawasawalidi. Ta esi Yaubada namo 'ena sida emisa, manuna Yaubada tauna To'ebwaya bobo'ana, ta 'ida 'ebe gwausowala maibo'ana tauna 'enega siapweapwesama.

2 Timoti 3:15

Ta 'oyo tauyo wate 'imu tuta gwamega ga batuwa Buki Tabu 'ina onao 'ana tosawa, ga 'ie'itemu 'aene 'ida emisa Yesu Keliso 'enaya 'ada 'ebe 'etoseyana.

Taito 3:6

Ta 'ada To'etoseyana Yesu Keliso 'enega Yaubada Yaluyaluwa Tabuna 'i'etosiwena 'atedaya.

Yemesa 1:5

Ta 'abo yaisigedi 'omi Yaubada 'ana mwalatoi 'ai'aila nigeya 'emiya, Yaubada 'ena wada sidasida, be 'emiya 'ida 'ebwaya, manuna tauna Totagwala ta To'ebwaya 'ai'aila.

Yemesa 3:17

Ta 'abo yaita 'ina sinasinapu galewega 'imai, tauna 'ina bubuna nugana 'esasena, ta wate nuwasiwalowa 'alena, bubuna nuwana 'alena, egosigosiyana 'alena, 'atenuwa'ole'ole 'alena, ta 'aina wate uwanao bobo'adi siapweapwesa, ta nigeya gosenao 'ida e'idi'idiyedi nai 'ida kaboedi.

Yemesa 5:13

Ta 'abo yaita 'imiyamwau, 'ilobwenena be 'ida sidasida Yaubada 'enaya. Ta 'abo yaita ma ina gwausowala, waliyega Yaubada 'ida tupu.

1 Yoni 2:14

'Ena'iyao ye, ona gete ya'etoladinawa manuna 'omi tauna lowaenei ga batuwa 'imiyami ni'atu wamwalamwalatoni. Tubuwauyao ye, ona gete ya'etoladinawa, manuna 'omi toewaiwai sami ga Yaubada 'ina ona 'imiyami 'emiya, 'enega tauna toto'umalina sana ni'atu waewaiwai sinena.

1 Yoni 2:24

'Omi lowa tetelidi wanonona, 'enega 'abo tetela nina 'emiya 'imiyami tauna be Tamana ma'emiyao wamiyami,

1 Yoni 2:27

Ta mwalatoi nina ni'atu wamwalatonina, manuna Yaubada Yaluyaluwana ni'atu 'i'ebwa'emi, ga ma'emi wamiyami, ta 'ie'itemi. 'Enega nigeya 'ebweu wate tai sawesawenaya be 'ie'itami, ta esi Yaubada 'ina 'ebwaya 'enega mwalatoi yauna wasinapuna, nate mwalatoi 'ai'aila manuna. Yaubada Yaluyaluwana nigeya sawesawenaya be 'ikaboeda. 'Enega 'ina e'itao wamuliyedi, be Keliso ma'emi wamiyami, ta geya'abo wapilipilisine.

2 Yoni 1:2

manuna mwalatoi 'ai'aila 'atedaya 'imiyami be 'edaya 'ida miyaataya.

E'ita'ita 14:3

Ta tomotai nidi 'ebemi esaesa matanaya sitoolo, be wate yobai nidi ata, ta wate 'inapwanao nidi, matadiya sitoolo, ga wali auwauna siwaliyena. Ta wali nina nigeya 'ebweu yaita sawesawenaya be 'imwalatoni, nate namo taudi boda nidi wani analedi be potipowa tausani sawesawediya, taudi me bale'u, ta Yaubada 'igimwanedi ga 'i'etoseyedi.

E'ita'ita 15:3

ga maibo'adi Mosese walina siwaliwaliye, tauna Yaubada 'ina toguinuwa, ta wate Lami walina siwaliwaliye, sigwae, “'Inapwana Yaubada Toewaiwai sayo, 'imu guinuwao sinabwadi ta 'ebe nuwaowanao, ta 'imu bubuna maibo'ana bobo'adi ta palupaludi, ta wate 'ebeloina maibo'adi 'uloiloinedi.

E'ita'ita 19:10

Ta 'aenaya yabe'u sanamwa'uta ga yabwagobwago 'enaya, ta 'enega 'igwae, “Geya'abo nadigega. 'Abo'agu tuga Yesu 'ina toguinuwa, 'oyo nadigega, ta wate nadigega tasimwao taudi Yesu 'ana tosimanao, Yaubada esi 'ena 'uda bwagobwago.” Manuna Yesu 'ana tosimanao 'adi lotoona nadigega palopitao 'adi lotoona Yaubada yaluyaluwana 'enega.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.