Kolose 2:5 - Loina Tabu Auwauna NT

⁵ Gete tuga tomotenigu 'imiya 'edasola 'emiyega, ta 'igu nuwanuwa 'emiya 'imiyami, ga yagwaugwausowala 'imi miya bobo'ana be 'imi emisa pa'alina Keliso 'ena manuna.

Kolose 2:5 Kruisverwysings

Guinuwa 2:42

ga sitagwala 'ai'ailedi tosimanao nidi 'idi e'itao 'ediya, ta siegosigosiyana 'ai'ailedi, ta si'e'ai leleleya, ta wate sisidasida Yaubada 'ena.

Guinuwa 20:21

ta 'igu e'ita 'emiya leleleya tuga, 'omi me Yudia, be 'omi mali sena tomoteninao, maibo'ami yaloguguya 'emiya be 'aene 'imi bubuna to'umalidi 'ediyega wada sanaila Yaubada 'ena, be 'Inapwana Yesu wada emise.

1 Kolinita 11:34

Ta 'abo yaita 'ibotanaya, 'ina anuwaya nada 'ida 'e'ai nugana, be 'enega geya'abo 'i'e'ai sinabwana tapwalolo solanaya, 'abona nai Yaubada 'igamwasowalemi 'imi tapwalolo 'ana 'ita to'umalina manuna. Nate namo, loina gete manuna. Ta esi 'aina 'ami loina wate simiyami, 'enega 'abo tuta nina yawawai 'emiya, loina nidi yada giepaepaludi 'emiya.

1 Kolinita 14:40

Ta wate yage maibo'adi palupaludi ta bobo'adi 'imi tapwalolo 'ediya wada guinuwedi.

1 Kolinita 15:58

Ta wate gosegwao yalokagutoki sinabwana 'emiya, be yaloguguyami be wada toolo pa'ala, be tuta yauyauna wada etapewa 'Inapwana 'ina paisewa 'enaya, manuna ma'etamo 'Inapwana 'ina paisewa nina 'enega uwana tada loba.

1 Kolinita 16:13

Gosegwao wa'ita'i'isimi, be ma imi emisa 'ai'aila wada toolopa'ala be wada ewaiwai,

Kolose 2:1

Nuwanuwagu be wada nuwasabwalena 'aene 'abo'agu yaetaetapewa sinabwana 'omi manumi, be me Laodisia manudi, be wate taudi 'etamo maninigu nigeya si'ita'ita manudi,

1 Tesalonaika 2:17

Gosegwao, lowa 'apilipili sinemi ga nigeya wate 'ada 'ita limemi, ta ma'etamo nigeya 'anuwanuwa pupulemi, ta 'atootoo waiwai be 'aene 'awawa sabi 'italimami.

1 Tesalonaika 3:8

'Enega 'imi toolopa'ala 'Inapwana manuna 'ama lotoona 'ibobo'ana.

Ibeliu 3:14

'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya.

Ibeliu 6:19

'Ida nuwayaina nina 'atuwa 'ida loomu waiwaina, be 'enega kaleko pitaupa talubwale be talulugu Yaubada 'ina 'ebemiya 'ena.

1 Pita 5:9

Ta geya'abo wamatamatauta, ta 'imi emisa 'ena wada toolopa'ala, manuna wada mwalatoni 'aene gosedao taudi Yesu 'ana toemisao mwau nidi silobalobadi sena maibo'adi 'ediya.