Kolose 2:13 - Loina Tabu Auwauna NT

¹³ 'Omi lowa lodaba nigeya walobaloba, ta 'imi loegesiyao manudi 'atuwa mwawamwawasimi, ta esi Keliso ma'edai yawasi bobo'ana Yaubada 'i'ebwa'eda, ga 'ida loegesiyao 'inuwataudi,

Kolose 2:13 Kruisverwysings

Luke 15:24

Manuna natugu gete lowa 'imwawasaya, ta batuwa mayawasina taloba limena.’ 'Enega sie'ale be silosagali ma idi gwausowala.

Luke 15:32

ta esi tasiyo gete 'imwawasaya, ta gete tuga mayawasina taloba limena, 'enega 'ilobweneda be batuwa ma'edai tada egwausowala.’ (v 33) Tetela gete 'enega Yesu Palisiyao be loina 'ana toe'itao 'iona semalimaliyedi.

Luke 9:60

Ta Yesu 'igwae, “Tuwa nada tamayo, ta taudi tomwawasa 'idi tomwawasao sida sa'u'ali'aliyedi. Ta 'oyo esiya 'imu paisewa 'aene 'uda etosimana Yaubada 'ina etoloina manuna.”

Yoni 5:21

Nadigega tuga Tamagu tomwawasa 'igietoolodi ga yawasidi 'i'ebwa'edi, 'abo'agu wate nadigega yawasi auwauna yada 'ebwaya tomota 'ediya, yaisigedi taudi yaesinuwedi.

Yoni 6:63

Ta Yaluyaluwa Tabuna tauna yawasimi 'ana to'ebwaya, ta bwalami nigeya sida lememi. 'Igu ona gete ni'atu ya'ebwa'emi, be 'enega ona nidi Yaluyaluwa Tabunega yawasimi sida 'ebwa'emi.

Loma 4:17

Nadigega Buki Tabu 'ena 'igwae, “Ni'atu yaeesemu 'aene 'oyo sena yauyaudi tamadiya.” Be 'enega onaupaupa nina Yaubada Ebelaamo 'i'ebwa'enaya 'iemisena Yaubada matanaya. Tauna Yaubada nina tomwawasa 'adi togietoolo limana, ta wate to'ase nigeya siapweapwesa, 'iona be siapwesa.

Loma 6:13

Ta wate geya'abo 'ebweu welawela'ami watagwatagwale guinuwa to'umalina manudi, ta esi Yaubada 'ena wada tagwalemi manuna mwawasega 'igietoolo limemi, ga batuwa mayawasimi, be 'enega welawela'ami maibo'adi watagwaledi Yaubada 'ina guinuwa palupaluna manuna.

Loma 8:11

Ta Yaubada Yaluyaluwanana 'enega Yesu mwawasega 'igietoolo limena, 'abo 'emiya 'imiyami, Yaubada 'iabe wate Yaluyaluwana nina 'enega oomi mwawamwawasidi 'ediya yawasi auwauna 'ida 'ebwa'emi.

1 Kolinita 15:36

'Enega 'ilobwenemi be wada sinasinapu 'aene 'eguma atuna taasoi be 'itatabwa ma'etamo atu nina 'idadaula.

1 Kolinita 15:45

Buki Tabu 'ina simana wate nadigega 'igwae, “Tai nuganuganina, Adama, bwalana mayawasina,” ta tai 'eluwena yaluyaluwana 'enega tomota yawasida 'i'ebwa'eda.

2 Kolinita 3:6

be sawesawemaya 'ina loina auwauna manuna 'aetoetoguinuwa. Loina nina auwauna nigeya 'eto'etoladina, ta esi Yaluyaluwa Tabuna 'enega, manuna loina 'eto'etoladina mwawasa 'i'ebwa'eda, ta sa'i loina nina Yaluyaluwa Tabuna 'enega yawasida 'i'ebwa'eda.

2 Kolinita 5:19

Ona'ai'aila, Yaubada 'atuwa Keliso solanaya 'imiyami ga me bale'u 'i'au'eweda tauna 'enaya sabi egosigosiyana limana, ta 'ida loegesiyao 'inuwataudi be geya'abo 'ie'ie'isadi, 'enega egosigosiyana limana tetelina 'i'ebwa'eda, be tasimasimana tomota 'ediya.

Epeso 2:1

Ta 'omi lowa 'atuwa mwawamwawasimi 'imi loegesiyao 'ediyega, ta Yaubada 'igietoolo limemi.

Epeso 2:11

'Omi nigeya me Yudia ta 'omi mali boda tomoteninao, ta me Yudia natudiyao me'olotodi bwaladi silodalodabedi, ta sisinalimi, manuna nigeya bwalami 'adi lodabamo.

Epeso 5:14

Gete manuna Buki Tabu 'ena 'igwae, “'Oyo to'eno'eno, mwawasega 'utoolo be Keliso 'ina maedana 'enega 'uda maedana.”

Kolose 2:12

'Enega wate Keliso ma'emiya bapitaiso walobena, 'atuwa sisa'u 'ali'aliyemi, ta wate Keliso ma'emiya 'imi bapitaisoega watoolo limana, manuna Yaubada 'ina waiwai waemisena 'aene Keliso mwawasega 'igietoolo limena.

1 Timoti 5:6

Ta taudi esi gwausowala besobeso manuna sinuwanuwa, taudi bwaladiya mayawasidi, ta yaluyaluwadi ni'atu simwawasa.

1 Timoti 6:13

'Oyo Timoti yaloineyo Yaubada matanaya, tauna yage yauna yawasidi 'ana to'ebwaya, ta wate Yesu Keliso matanaya, tauna lowa Ponitio Pailato 'enaya ona 'ai'ailega 'iona.

Ibeliu 6:1

Gimi e'ita Keliso manuna ni'atu wanonodi ga wamwalatonidi, 'enega nuwanuwagu mwalatoi auwaudi Keliso manuna yae'itami be 'imi nuwanuwa 'ediya waetai. E'ita nidi ni'atu tanonodi ta tamwalatonidiya geya'abo talolimalimadi. Yage nidi getedi: 'ida bubuna lowa to'umalidi 'adi guitoyasa, 'ida emisa Yaubada 'ena,

Ibeliu 9:14

Ta esi Keliso lalana 'ebe gie'esasa bobo'ana wawasae, manuna 'ateda 'igie'esasedi be 'aene guinuwa besobeso taguitoyasedi, ta Yaubada nina mayawasina 'ina guinuwao taguinuwedi. Manuna Yaluyaluwa Tabuna miyamiya atayana Keliso 'igiewaiwaiyena, ga tauna ma ina bubuna maibo'ana palupaluna ta nigeya 'ebweu wate to'umalina 'enaya, 'enega tauna 'italiyaena Yaubada 'enaya, nate 'imwawasa 'abo'ada 'ida 'esasa manuna.

Yemesa 2:17

Gete nadigega emisa nina 'ana ma'ama'ayau, 'eguma emisa namo, ta nigeya guinuwa ma'iyana, emisa nina 'atuwa mwawamwawasina.

Yemesa 2:20

'Oyo uwauwayo. Gete 'ebe e'ita ya'ebwa'eyo 'aene 'abo emisa namo, ta nigeya guinuwa, nate yage besobeso.

Yemesa 2:26

Nadigega tuga 'abo ooda nigeya yaluyaluwanamo, nate ni'atu mwawamwawasina, ta 'abo emisa nigeya guinuwa ma'iyana, emisa nina mwawamwawasina.

1 Yoni 2:12

Gogama ye, ona gete ya'etoladinawa manuna 'imi loegesiyao Yaubada 'inuwataudi, Yesu 'ana esanega.