Kolose 1:6 - Loina Tabu Auwauna NT

⁶ Tetela nina wanononaya sena yauyaudi 'ediya, gete tuga 'isinasinabwa ta 'iuwauwa, nadigega 'omi tuta nina Yaubada 'ina oboboma wagimi nononaya Epapila 'enega, ga wa'awa 'ai'ailena.

Kolose 1:6 Kruisverwysings

Madiu 24:14

“Ta Yaubada 'ina loina tetelina 'ida 'elelewana nugana sena maibo'ana 'ediya, be muliyega tuta 'ana 'ebe losalowa 'ida apwesa.

Madiu 28:19

'Enega watatauya be sena maibo'adi 'ediya waloguguya, be 'enega tomota sida emisegu, be wate wagiebapitaisoedi Tamagu 'ana esanega be Natuna 'abo'agu 'agu esanega be wate Yaluyaluwa Tabuna 'ana esanega.

Maki 16:15

Ta emataluwa 'i'ebwa'edi, 'igwae, “Watatauya sena maibo'ana 'ediya be teteligu tomota maibo'adi 'ediya waguguyae.

Maki 4:8

Ta 'aina atu bwa'a bobo'ana 'enaya sibe'u ga sitabwa ta sisinabwa ga siuwa, ga 'aina teti, be sikisiti, be analedi.”

Yoni 15:16

“Ta wada nuwa'i'isi 'aene 'omi nigeya waesiesinuwegu be yada e'inapwana 'emiya, ta esi 'abo'agu yaesinuwemi be yada etunemi be wada paisewa, ta 'imi paisewa nina 'enega uwami bobo'ana sida apwesa, ta uwami nidi sida miyaataya. Ta wate 'abo to'ase 'agu esanega wasidei, Tamagu 'ida 'ebwa'emi.

Yoni 17:19

'Igu tomotai nidi manudi yatagwalegu 'emuya be 'enega tuta 'imeema 'enaya taudi wate sida tagwala 'ai'ailedi 'emuya.

Yoni 4:23

Ta tuta ni'atu selabenaya, ta wate ni'atu gete tuga 'iapwesa, be taudi Tamada 'ana tobwagobwago 'ai'ailao 'ena sida bwagobwago, ta 'idi bwagobwago nina yaluyaluwadi maibo'ana 'enega, ta wate 'ate 'ai'ailidiyega. Taudi gete nadigega tobwagobwago nidi Yaubada nuwanuwana be 'ena sida bwagobwago.

Guinuwa 11:18

Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Guinuwa 12:24

Ta 'enega Yaubada 'ina ona 'iewaiwai tomota yauyaudi ta sena maibo'adi 'ediya.

Guinuwa 16:14

Ta 'ebweu waine 'ediyega 'ana esana Lidia, 'asa Tayataila wainena, ta Yaubada 'ana toemisa, ta 'ina paisewa nate 'ebweu 'oama esaesa 'ana toegimwane. Ta 'etamo iine nidi 'ima ona sinononoi, ga Yaubada emisa Lidia 'atenaya 'ienuwa sa'uyena, ga Paulo 'ina loguguya 'iemisena,

Guinuwa 26:18

Manuna taudi nigeya me Yudia 'ediya yaetuetuneyo, be matadi 'uda gie'esasedi, be guguyoi 'enega sida sanaila maedana 'ena, ta wate Seitani 'ina waiwai 'enega sida apwesama, be Yaubada 'idi to'umalinao 'ida nuwataudi, be sida lugu taudi siemiseguya 'ediya, nate taudi 'eguyega si'esasa 'ediya.’

Loma 1:13

Tasigwao wada nuwa'i'isi 'aene tuta yauyauna yanuwanuwa sinabwana be mwa'adega yada ayausimi, ta nigeya kapekapeyana 'eguya, manuna nuwanuwagu 'igu ayausa uwana 'ida apwesa, nadigega 'igu ayausa nidi mali senao taudi nigeya me Yudia 'ediya uwadi ni'atu siapwesa.

Loma 15:19

ta wate 'igu guinuwao waiwaidi ta 'ebe nuwaowana si'itedi, manuna Yaluyaluwa Tabuna 'ina waiwaiyega Keliso tetelina yaguguya sakowasiyena Yelusalemega ga 'ana laba yamai Ililikami 'enaya.

Loma 15:28

'Enega gete namo 'igu paisewa nina yada losaloni, nate 'ebwayadaita nina gete me Yelusalema yada 'ebwa'edi, be muliyega yawawa 'emiya be yayausimi, be 'enega 'emiyega yada gelu limana be yatatauya Sipeini 'ena.

Loma 16:26

ta esi gete tuga ni'atu 'igieapwesena 'edaya palopitao 'idi 'etoladiyao 'ediyega, ta wate Yaubada miyamiya atayana 'iloina be 'aene sena maibo'ana tomotediyao tetela gete sida mwalatoni, be 'enega sida emisa be sida muliye.

2 Kolinita 10:14

'Enega sawesaweguya be 'emiya yaloina. Ona'ai'aila, 'omi 'igu 'ebeloina solanaya, manuna 'abo'agu tetela bobo'ana Keliso manuna yagimi me'ena 'emiya.

2 Kolinita 6:1

'Enega tauna ma'emai 'apaipaisewa, ga 'emiya 'asida be geya'abo Yaubada 'ina oboboma waeyage besobesoe,

Epeso 3:2

Nai lowa 'igu guinuwa tetelina wanonona, ta 'igu guinuwa nina Yaubada 'i'ebwa'egu, be 'aene tauna 'ina oboboma 'enega 'omi 'ami lema wada loba.

Epeso 4:21

manuna lowa e'ita 'ai'aila Yesu manuna wanonona Keliso nina 'enega.

Epeso 4:23

ta esi 'imi nuwanuwao be 'atemi sida eauwau,

Epeso 5:9

be bubuna nidi bobo'adi ta palupaludi ta 'ai'ailidi siapweapwesa maedana 'enega.

Pilipai 1:11

ta ma imi guinuwa bobo'adi Yesu Keliso 'ina waiwaiyega, manudi tomota Yaubada sida tupui be sida 'awa eseese.

Pilipai 4:17

'Igu ona gete nigeya 'aene nuwanuwagu 'ebwayadaita wada 'ebwa'egu, ta esi 'aene 'imi 'ebwayadaita uwana 'emiya 'ida sinabwa 'ami lema 'ai'aila manuna.

Kolose 1:10

be 'imi guinuwa nidi 'ediyega 'ida 'Inapwana wada giegwausowali, be wate 'imi bubuna bobo'ana 'iuuwa, be Yaubada 'ana mwalatoi 'emiya 'ida sinabwa.

Kolose 1:23

nate 'eguma 'imi emisa geya'abo 'ineeneta, be 'eguma watoolo pa'ala tetela bobo'ana nina wanononaya 'ana emisa 'ena, ta nigeya wapilipilisine. Tetela nina 'ana loguguya tomota maibo'adi bale'uya sinononaya, ta 'abo'agu Paulo 'ana tologuguya 'ebweu.

1 Tesalonaika 1:5

'enega tuta nina tetela bobo'ana 'a'ebwa'emi, Yaluyaluwa Tabuna ona nina 'igiewaiwaiyena 'emiya, 'enega ona nina wa'awa 'ai'ailena, ta 'abo'ama wate 'ima guinuwa manumi wa'itena, nate guinuwa palupaluna.

1 Tesalonaika 2:13

Gosemao tuta yauyauna 'alokagutoki Yaubada 'ena, manuna Yaubada 'ina ona ni'atu 'a'ebwa'emi ga 'ena watagwalemi, nigeya 'aene tomota 'idi ona, ta esi Yaubada 'enega. Ona'ai'aila, ona nina Yaubada 'enega, ga waemisena, ta 'ana waiwai ni'atu walotoona.

2 Tesalonaika 2:13

Gosemao, ona'ai'aila 'ida 'Inapwana 'iobobomemi, manuna gimituta 'enaya 'iesinuwemi be 'aene Yaluyaluwa Tabuna 'enega 'ida gie'esasemi, be tetela 'ai'aila wada emise 'ami 'etoseyana manuna, 'enega 'ilobwenema be tuta maibo'ana manumi 'ada lokagutoki Yaubada 'ena.

1 Pita 5:12

'Imi leta gidalina gete Sailasa 'ilemegu ga ya'etoladina manumi. Tauna Sailasa nina taeesena 'aene 'ebweu tasidai ma ina emisa. 'Enega 'imi leta gete 'ena nuwanuwagu be Yaubada 'ina oboboma 'ai'aila yada simane 'emiya, be 'enaya wada toolopa'ala.