Kolose 1:12 - Loina Tabu Auwauna NT

¹² wada lokagutoki Tamada 'ena, manuna tauna 'ina tagwalega sena maemaedanina 'ena tamiyami, 'ina tomotaiyao ma'edao.

Kolose 1:12 Kruisverwysings

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Yoni 20:17

Ta Yesu wate 'ieonena, 'igwae, “Geya'abo 'ugitogitoogu, manuna 'etamo nigeya yatu'etu'e Tamagu 'ena. Ta 'utatauya be tasigwao 'ueonadi 'aene 'abo'agu 'iabe yatutu'e Tamagu 'enaya, 'omi wate Tamami, ta 'igu Yaubada ta wate 'omi 'imi Yaubada.”

Yoni 4:23

Ta tuta ni'atu selabenaya, ta wate ni'atu gete tuga 'iapwesa, be taudi Tamada 'ana tobwagobwago 'ai'ailao 'ena sida bwagobwago, ta 'idi bwagobwago nina yaluyaluwadi maibo'ana 'enega, ta wate 'ate 'ai'ailidiyega. Taudi gete nadigega tobwagobwago nidi Yaubada nuwanuwana be 'ena sida bwagobwago.

Guinuwa 20:32

“Wate yaemataluwemi tuta simeemai manudi, 'aene Yaubada tauna 'ida 'ita'i'isimi, ta wate tauna 'ina oboboma tetelina sawesawenaya be 'igiepa'alimi, be 'enega 'ina bodao, taudi 'igie'esasediya 'ediya, 'omi wate walulugu.

Guinuwa 26:18

Manuna taudi nigeya me Yudia 'ediya yaetuetuneyo, be matadi 'uda gie'esasedi, be guguyoi 'enega sida sanaila maedana 'ena, ta wate Seitani 'ina waiwai 'enega sida apwesama, be Yaubada 'idi to'umalinao 'ida nuwataudi, be sida lugu taudi siemiseguya 'ediya, nate taudi 'eguyega si'esasa 'ediya.’

Loma 11:17

ga taudi me Yudia nidi 'atuwa nadigega Yaubada 'ina kaiwe, manuna nalinao 'aidi 'ilasedi ga 'omi 'emiyega 'ielopa'eludiya, manuna 'omi mali kaiwe nalinao ta esi 'i'ewemi ga 'ina kaiwe 'ena 'itubwemi, 'enega 'ina kaiwe nina 'ana bwasiyega wanumanuma, nate Yaubada 'ina oboboma tuta yauna walobaloba.

Loma 15:27

manuna taudimo gete nadigega 'idi nuwanuwa. Ona'ai'aila, 'ilobwenena be me Yelusalema 'adi lema sida loba me Esia 'ediyega, manuna nugana me Yelusalema 'ediyega Keliso tetelina me Esia nidi sinonona, yaluyaluwadi 'adi lema manuna, 'enega taudi sa'i bale'u gwegwenao si'ebwa'ebwaya me Yelusalema 'ediya.

Loma 8:17

Be 'enega oboboma nidi natuna Yesu Keliso manuna 'isa'u bubuna, 'iabe Yesu ma'edai oboboma nina leleleya taloba Yaubada 'enega. Manuna 'abo Keliso ma'edai 'elouya taloba, ma'etamo wate ma'eda 'ida esaesa talobai.

Loma 9:23

Ta wate nuwanuwana be 'ina esaesao nidi lowa 'igibubudi 'abo'ada 'iobobomeda manuda, be 'aene 'ida e'itada.

1 Kolinita 8:6

Ta 'abo'ada Yaubada taemise 'aene Tamada nina, ta tebweuna namo, ga yage maibo'adi 'ibubudi, ta wate 'abo'ada 'ibubuda, tauna manuna. Ta wate 'ida 'Inapwana taemisena 'aene tebweuna namo, Yesu Keliso, ta Keliso nina 'enega 'abo'ada Yaubada 'ibubuda, ta wate yage maibo'adi 'ibubudi.

1 Kolinita 9:23

'Igu paisewa gete tetela bobo'ana manuna, be 'aene 'omi ma'egwao 'etoseyana tada loba tetela nina 'enega.

2 Kolinita 11:14

Manuna gete Seitani adelina toto'umalina 'ina 'eda, be 'ana 'ita 'isa'ugelasa nadigega anilose maemaedanina.

2 Kolinita 5:5

Gete maibo'ana Yaubada 'igibubuna be 'i'ebwa'eda ta we'iwe'iyaya 'i'ebwa'eda be 'enega 'ana 'ai'aila tamwalamwalatoni, nate Yaluyaluwa Tabuna.

Epeso 1:11

Ta Yaubada nina tauna 'ina nuwenuwega 'iloiloina, ga 'ina guinuwa maibo'ana 'iguiguinuwedi,

Epeso 1:18

be wate 'atemiyega yage nidi bobo'adi manudi 'ibwauyemiya wada mwalatonidi, be wada emisa 'aene ma'etamo walobadi, be wada mwalamwalatoni wate 'ina eguyai sinabwana 'ina tomotaiyao 'edaya, nate tauna 'ina esaesa 'enega,

Epeso 2:18

Ga tauna 'enega, 'omi be 'abo'ama Yaluyaluwa 'ebweuna 'enega 'i'au'eweda Tamada 'enaya.

Epeso 3:6

'aene 'omi nigeya me Yudia sawesawenaya be Yaubada 'ina 'etoseyana walobai, 'abo'ama me Yudia nadigega, ta 'ina 'etoseyana nina lowa 'iona upaupaenaya, ga Yesu Keliso tetelina 'enega talobena, ga taeboda 'ebweu.

Epeso 4:6

Tamada Yaubada 'ebweuna namo tuga, ta yage yauyauna etanidiya, ta wate yauyauna 'ediya, ta maibo'ada 'edaya.

Epeso 5:11

ta guguyoi 'ana guinuwa besobesodi 'ediyega wadena, ta esi wada e'itaedi 'aene to'umalidi.

Epeso 5:20

be tuta maibo'ana wada lokagutoki yage maibo'adi manudi, 'ida 'Inapwana Yesu Keliso 'ana esanega, Tamada Yaubada 'enaya.

Epeso 5:4

Wate geya'abo 'awasewa nai 'awato'umali nai onabesobeso, manuna ona nidi nigeya 'adi lobwene solamiya, ta esi 'imi onega Yaubada wada tupui.

Epeso 5:8

manuna 'omi guguyoi lowa 'enega ni'atu waabalama Yaubada 'ina maedana 'enaya, 'enega ma imi bubuna maemaedanina waguiguinuwa,

Kolose 2:2

be 'aene taudi wate obobomega sida egosigosiyana 'ai'aila, ma 'adi lotoona bobo'ana, be ma idi mwalatoi 'ai'aila, 'enega sida gwausowala sinabwana, manuna ni'atu sinuwanuwa sabwalena mwalatoi lowa kwaikwaiyina manuna, nate Keliso.

Kolose 3:15

Be wate Keliso 'ina nuwasiwalowa 'atemi 'ida loinedi. Gete manuna Yaubada maibo'ada 'ibwauyeda ga taeboda 'ebweuna, be manuna tada lokagutoki Yaubada 'ena.

Kolose 3:17

Ta 'imi guinuwa maibo'adi, nate 'imi onao nai 'imi paisewao, maibo'ana 'ida 'Inapwana Yesu 'ana esanega wada guinuwa, ma imi lokagutoki Yesu 'ana esanega, Tamada Yaubada 'enaya.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Ibeliu 12:23

ta wate wamai tomota nidi Yaubada 'i'awa natunedi ga 'adi esanao galewaya 'i'etoladidi 'ediya, ta wate tauna 'abo'ada be yage maibo'ana 'ada toloina, nate Yaubada 'ena, ta wate taudi yaluyaluwadi Yaubada 'igiepaepaluyedi 'ediya,

Ibeliu 3:1

Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

Ibeliu 3:14

'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya.

Yemesa 3:9

Ona'ai'aila, 'awadega Tamada Yaubada tatuputupu ta wate 'awadega gosedao ta'awa to'umaliyedi, taudi Yaubada 'imweluluidi tauna 'ana 'ita nadigega.

1 Pita 5:1

Toekalesiyao 'idi 'inapwanao 'omi, 'aene yada gienuwa'i'isimi 'imi paisewa manuna. Manuna 'abo'agu 'ebweu wate toekalesiyao 'idi 'inapwana, ga 'abo'agu mataguyega Keliso 'ina 'elouya ya'itena, be ma'etamo 'ina esaesa maemaedanina 'ena yada miyami to tuta 'abo 'ina esaesa nina 'igieapwese.

1 Yoni 1:3

Tauna 'a'itena ta 'anonona ga 'emiya 'asimanena be 'aene 'omi ma'emao taegosigosiyana leleleya, ta wate Tamada be Natuna Yesu Keliso ma'edao taegosigosiyana leleleya.

E'ita'ita 21:23

Sinala be nawalae nigeya sida sae 'asa nina 'enaya, manuna Yaubada 'ina esaesaega 'ituyayalina maibo'ana, ta wate Lami 'iemayale 'asa nina 'enaya.

E'ita'ita 22:14

Ta wada gwausowala 'abo yaisigedi 'omi 'ami 'oama wagie'esasedi, manuna yawasi kaiwena uwana wa'a'ani, be wate 'asa nina 'ana 'awao 'ediyega walulugu.

E'ita'ita 22:5

Geya'abo wate boiboi, ta geya nuwadi sinala be mayale maedanidi, manuna 'Inapwana Yaubada tauna tuga 'idi maedana nina, ta sida loina ataya.