Ibeliu 9:8 - Loina Tabu Auwauna NT

^8-9 Gete 'ebe'ita tomota auwauda 'edaya, Yaluyaluwa Tabuna 'enega, be 'enega tada mwalatoni 'aene 'abo guinuwa nina kadekadelina 'etamo taguiguinuwe, nigeya sawesawedaya be talulugu Sena Tabu Wawasae solanaya. Manuna obobomao be 'ebwayadaitao nidi loina kadekadelina 'enega sitalitaliya Yaubada 'ena, ta esi nigeya sawesawediya be tomota nidi 'atedi sigie'esasedi, ta bwaladimo sigie'esasedi,

Ibeliu 9:8 Kruisverwysings

Luke 1:80

Ta ni'atu gwama nina 'isinabwa ta yaluyaluwana wate 'iewaiwai. 'Enega tebweuna sena mwatui daitaya 'itauya ga nada 'ilo'asa ga 'ana laba me Isileli 'ediya 'iapwesa ga 'iloguguya.

Yoni 10:7

Ta Yesu 'ediya 'ionalimana, 'igwae, “Yaona 'ai'aila 'emiya, 'abo'agu sipi 'idi 'awa nina.

Yoni 10:9

'Enega wate 'ediya 'igwae, “'Abo'agu tuga 'awa nina, be 'abo yaita tauna 'eguyega 'iluguma 'ida bobo'ana, manuna tuta yauna 'iluguluguma be 'iapweapwesa ta pwatula bobo'ana 'ilobaloba.

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Guinuwa 28:25

Manuna 'idi nuwanuwao dumadumana be dumadumana, 'enega sideli sawala. Ta Paulo 'ina ona 'ana 'ebe losalowa 'ediya 'igwae, “Yaluyaluwa Tabuna 'ina ona tubumiyao manudi ona 'ai'aila, nate palopita Aisea 'awanega 'ionaedi.

Galetia 3:8

Lowaenei Yaubada Ebelaamo 'ieonena, 'igwae, “'Oyo 'emuyega ma'etamo taudi nigeya me Yudia 'idi 'ebe gwausowala sida loba.” Ta Yaubada 'ina ona gete Buki Tabu solanaya 'igimi simanena, sena yaudi 'adi giepalupalu Yaubada 'ana emisa 'enega manuna.

Epeso 2:18

Ga tauna 'enega, 'omi be 'abo'ama Yaluyaluwa 'ebweuna 'enega 'i'au'eweda Tamada 'enaya.

Ibeliu 10:15

'Esasa gete manuna Yaluyaluwa Tabuna wate Buki Tabu 'ena 'ie'iteda 'Inapwana 'ina ona, nate lowaenei manuda 'isimana,

Ibeliu 3:7

'Enega Yaluyaluwa Tabuna 'ieoneda, 'igwae, “Batuwa, 'eguma 'enana wanono,

Ibeliu 9:3

Ta Sena Tabu Wawasae solanaya 'ebe gabu 'imiyami gala'u manuna, nate goula 'enega siguinuwena, ta wate loina 'ana dedewaga 'imiyami, nate goula 'enega siguinuwena, ta dedewaga nina solanaya gaeba goula 'imiyami, ta gaeba solanaya tubudao 'adi masula 'ana esana mana, tupwana 'imiyami. Be wate dedewaga nina solanaya Eloni 'ina 'etoguna, nate lowa 'itabwaya, be wate gulewa nidi Yaubada 'ina loinao 'ediya 'i'etoladidi simiyami.

2 Pita 1:21

manuna palopitao nidi nigeya taudimo 'idi nuwenuwega sionaonaedi, ta esi Yaubada 'enega, ta Yaluyaluwa Tabuna palopitao 'ienuwa sa'uyedi ga ona nidi sionaedi.