Ibeliu 13:9 - Loina Tabu Auwauna NT

⁹ 'Enega geya'abo loina auwaudi ta dumadumadi wanoonodi, manuna 'ateda 'iewaiwai Yaubada 'ina oboboma namo 'enega ta nigeya masula 'ediyega. Loina masula manuna geya'abo sa'i 'ana tomuliyao 'ilemelemedi.

Ibeliu 13:9 Kruisverwysings

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Madiu 24:4

'Enega Yesu 'ieonedi, 'igwae, “Wa'ita'i'isimi 'abona nai tomota 'aidi sikaboemi.

Luke 5:38

Ta esi tada siwa 'ebesiwa auwau daisidimo 'ediya.

Guinuwa 20:30

Ta wate 'omi 'iabe 'emiyega 'aidi sida e'ale be sie'ita kabokabo 'emiya be 'aina tomota sida lisidi taudi 'idi bodao 'ediya.

Guinuwa 20:32

“Wate yaemataluwemi tuta simeemai manudi, 'aene Yaubada tauna 'ida 'ita'i'isimi, ta wate tauna 'ina oboboma tetelina sawesawenaya be 'igiepa'alimi, be 'enega 'ina bodao, taudi 'igie'esasediya 'ediya, 'omi wate walulugu.

Loma 14:17

Ta esi wada nuwa'i'isi 'aene Yaubada 'ina 'ebeloina nigeya masula be bwasi manudi, ta esi bubuna bobo'ana be nuwasiwalowa be gwausowala, Yaluyaluwa Tabuna 'enega, manudi.

Loma 14:2

Manuna 'idi nuwanuwa nigeya palupaluna, be 'enega 'aidi tomota sigwae, “Masula maibo'ana 'ilobweneda be ta'enidi,” ta 'aidi 'idi emisa nenetadi sigwae, “Yobai esiyona geya'abo tae'ani.”

Loma 14:6

manuna 'abo yaita 'asiyata 'aina 'inuwedi 'aene 'asiyata sinabwadi, nate tauna sa'i 'ina nuwanuwa be 'aene gote 'enega Yaubada 'i'amayabe. Wate nadigega 'abo yaita masula maibo'ana 'ie'enidi, nate tauna sa'i 'ina nuwanuwa be 'enega Yaubada 'i'amayabe, 'enega masula nidi manudi 'ilokagutoki Yaubada 'enaya. Wate nadigega 'abo yaita 'aina masula 'ediyega 'iedidigula, tauna sa'i wate 'ina nuwanuwa be 'enega Yaubada 'i'amayabe ma ina lokagutoki.

1 Kolinita 6:13

Wada nuwa'i'isi masula manuna. Ona'ai'aila, masula gamwada manuna, ta wate gamwada masula manuna, ta esi ma'etamo masula be gamwada Yaubada 'ida loesawalidi. Ta bwalada Yaubada 'i'ebwa'eda nigeya loelata manuna, ta tauna esiya manuna, be tauna 'abo'ada manuda,

1 Kolinita 8:8

Ta esi wada nuwa'i'isi 'aene nigeya masula 'enega Yaubada 'ida giebobo'aneda, manuna nigeya 'ebweu wate masula yaluyaluwada 'ida giebobo'anedi, nai 'ida gieto'umaliyedi.

2 Kolinita 1:21

'Ida miya bobo'ana Keliso ma'edai Yaubada 'i'ebwa'eda, 'omi be 'abo'ama, ta 'ida guinuwa 'i'ebwa'eda,

Galetia 6:1

Gosegwao, 'eguma tasidai 'ebweu 'ina loegesi 'enega 'ibe'u, 'omi yaluyaluwami pa'alidi watoo be tasidai nina wagiepaepaluye, ta esi ma imi bubuna nuwana, be taumimo wa'ita'i'isimi, 'abona nai 'omi wate wabebe'u.

Epeso 4:14

Gete 'enega bubuna gogama tapilisinedi, manuna lowa 'ida mwalatoi nenetana 'ena e'ita dumadumadi be dumadumadi sigieloniuyeda, nate 'aina tokaboyao 'idi e'itao dibidibidi ta to'umalidi 'ediyega.

Epeso 5:6

Bubuna getedi manudi Yaubada tole'oa loina 'igamwasowaledi, 'enega geya'abo 'ebweu yaita 'ina ona besobesoega 'ikabokaboemi,

Kolose 2:4

Gete yaonaona be 'enega geya'abo mali tomota 'idi ona dibidibiyega sikabokaboemi.

2 Tesalonaika 2:17

Tauna Yaubada be 'ida 'Inapwana Yesu Keliso sida giegwausowalimi, ta sida giewaiwaiyemi, be wada gwaunuwa 'imi paisewa 'ediya, ta tuta maibo'ana 'imi onao sida bobo'ana.

2 Tesalonaika 2:2

be 'enega geya'abo wa'ate'ate sa'ala. 'Enega 'eguma tomota sigwae, “'Inapwana 'ina apwesa limanama 'ana tuta gete,” geya'abo waemiemisedi. 'Eguma siona 'aene mwalatoi gete silobena 'idi madawalega, nai Yaubada 'ina ona 'ediya 'enega, nai 'abo'agu 'idi leta ya'etoladina 'ediya 'enega,

1 Timoti 6:20

Timoti ye, yage nidi Yaubada 'i'ebwa'emuya 'u'ita'i'ita 'ai'ailidi, ta sinasinapu kabokabo be egewagewana besobeso geya'abo 'umulimuliyedi.

1 Yoni 4:1

Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.

Yude 1:12

'Eguma tapwalolo 'enaya oboboma masulina waguiguinuwe, ta 'abo toto'umalina nidi siluguwa 'e'ai nina sigieto'umaliye, manuna si'e'ai diidiga ta nigeya sida omayamaya. Nuwanuwadi taudimo sida gwausowala, 'adi 'ita 'atuwa pwana 'ikwaunaya ta nigeya 'usana, nai 'adi 'ita 'atuwa kaiwe 'ina tuta uwa ta nigeya uwanamo, 'enega sitalayaule be 'imwawasa 'ai'aila.

Yude 1:3

Gosegwao, nuwanuwagu be 'ada 'etoseyana manuna yada 'etoladiwa, ta sa'i nigeya sawesawenaya, manuna 'ebweu mwau ni'atu 'emiya 'iapwesa, 'enega 'ilobwenena be leta gete 'enega yada guguyami be 'aene geya'abo 'ida tapwalolo palupaluna waguiguitoyase, ta esi wada etapewa manuna. Manuna 'ida tapwalolo nina ni'atu 'abo'ada Yaubada 'ana toemisao 'i'ebwa'eda.