Ibeliu 12:3 - Loina Tabu Auwauna NT

³ Yesu nina wanuwa'i'isi 'aene 'i'alama'i'ita sinabwana toto'umalidi 'idi etalauwala 'enega, be 'enega 'omi wate nadigega 'aene geya'abo walo'ame'ame, nai waneeneta.

Ibeliu 12:3 Kruisverwysings

Madiu 11:19

Ta 'abo'agu Tomota Natuna yamai be ya'e'ai ta yanumanuma ta wate manugu walomugi, wagwaegwae, ‘Tai getei to'ai ta tonuma diidiga, ta wate takisi 'ana to'ewao be 'aidi wate toto'umalidi 'iegosigosiyanedi.’ “Ta taudi tomwalatoi 'ai'aila ma'etamo 'idi guinuwa bobo'adi 'ediyega mwalatoi 'ai'aila 'iapweapwesa.”

Madiu 12:24

Ta sa'i Palisiyao guinuwa gete alena sinonona ga sigwae, “Nigeya, ta esi yaluyaluwa bi'i 'idi 'inapwana 'ana esana Bielisibubi 'ina waiwaiyega yaluyaluwa bi'i 'iula apwesedi.”

Madiu 15:2

“To'ase manuna 'imu tononoyao 'abo 'e'ai mulinaya nigeya nimadi sida 'utudi, nate tubudao 'idi loina sile'oale'oa?”

Madiu 21:23

'Enega Anuwa Tabu 'ena 'ilugu ga 'ie'ie'ita, ta totaliyao sinabwadi be 'inapwanao simai ga Yesu sienaidena, sigwae, “Tai, yaita 'ina loinega ga gete nadigega 'uguiguinuwa'esa?”

Madiu 21:46

'enega 'aina 'eda'eda si'ebesena be 'aene Yesu sida giyai, ta esi nigeya kapekapeyana be sigiyai, manuna pwalu 'ediya simatauta, manuna boda nidi Yesu si'awa palopitaena.

Madiu 22:15

Ta Palisiyao taudimo sideli egogonama ga siloina mwa'adega be enaidega sikaboe be Yesu 'ina loegesi siloba.

Luke 14:1

Sabate 'ebweuna 'enaya Yesu 'itauya sabi 'e'ai Palisiyao 'idi 'inapwana 'ebweu 'ina anuwaya. Anuwa nina 'ena 'ilugulugu ta boda siduneduneye,

Luke 15:2

'Enega Palisiyao be loina 'ana toe'itao silomugi, sigwae, “Tai gete toto'umalidi 'iegosigosiyanedi ta wate ma'enao si'e'ai.”

Luke 16:14

Tuta nina Palisiyao ona nina sinonona ga Yesu situyeyena, manuna taudi mani nuwanuwadi sinabwana.

Luke 2:34

'Enega Simioni 'iona obobomedi, ga 'iona Meli 'enaya, tauna Yesu sinana, ga 'igwae, “'Uda 'ita gwama gete Yaubada 'iesinuwena be 'enega ma'etamo me Isileli yaudi 'igiebe'uyedi, ta wate yaudi 'igietoolodi. Ta tauna tuga 'iabe 'ida ewe'iwe'iyaya tomota 'ediya ta 'aidi sida 'awakabokaboe,

Luke 5:21

Ta sa'i, loina 'ana toe'itao be Palisiyao Yesu 'ina ona ni'atu sinonona ga taudimo 'ediya sienaenaida, sigwae, “Yesu gete mwa'adega ga Yaubada 'ena 'ioopa'ala? Manuna nigeya 'ebweu yaita sawesawenaya be tomota 'idi bubuna to'umalina 'ida nuwataudi, nate namo Yaubada sawesawenaya.”

Yoni 10:20

Ga tomota yau wawasae sigwae, “Tauna yaluyaluwa bi'i 'enaya, ga 'igiekabaleyena. Geya'abo 'ina ona wanoonodi.”

Yoni 18:22

Tuta nina Yesu 'ina e'isao 'isimanediya gete nadigega, 'enega 'ebweu tolosaiya selabenaya 'itootoolo nimanega Yesu 'i'au'ase'asena, ga 'ena 'igwae, “Yaita sana 'oyo 'uonaona oopa'ala totaliya sinabwana 'enaya?”

Yoni 5:16

Gete 'alena 'enega me Yudia nidi Yesu sietalauwalena manuna paisewa nina 'asiyata Sabate 'ena 'iguinuwena.

Yoni 7:12

Ga gote 'ena tomota yau wawasae taudimo 'ediya silomulomugi Yesu manuna, ga 'aidi sigwae, “Tauna tai bobo'ana,” ta 'aidi sigwae, “Nigeya! Tauna tai nina kabo 'alena, tomota 'iwasewasegigiyedi.”

Yoni 8:13

'Enega Palisiyao Yesu sieonena, sigwae, “'Oyo tauyo sa'i manuyo 'uonaona, 'enega nigeya 'aemiemiseyo.”

Yoni 8:52

'Enega me Yudia nidi Yesu sieonena, sigwae, “Ni'atu 'amwalatoi 'ai'ailimu 'aene yaluyaluwa bi'i 'emuya 'ipaipaisewa, manuna Ebelaamo 'amwalatonina 'aene ni'atu 'imwawasa, ta wate palopitao 'amwalatonidi 'aene ni'atu simwawasa, ta 'ugwaegwae 'aene ‘'Eguma yaita 'igu ona 'imuliya 'ai'ailidi, geya'abo sa'i 'imwawamwawasa.’

Yoni 8:59

'Enega me Yudia nidi gulewa si'ewedi be 'aene sida loemwawasi, ta Yesu 'ediyega 'iakwaiya ga Anuwa Tabuyega 'iapwesa.

Yoni 9:40

'Enega Palisiyao nidi Yesu 'ina ona sinonona ga sigwae, “Mwa'adega 'aene 'abo'ama wate mata kebokeboma, aga?”

1 Kolinita 15:58

Ta wate gosegwao yalokagutoki sinabwana 'emiya, be yaloguguyami be wada toolo pa'ala, be tuta yauyauna wada etapewa 'Inapwana 'ina paisewa 'enaya, manuna ma'etamo 'Inapwana 'ina paisewa nina 'enega uwana tada loba.

2 Kolinita 4:1

'Ima paisewa gete Yaubada 'ina 'atenuwa 'ole'oleyega 'i'ebwa'ema, 'enega geya'abo 'aneeneta.

2 Kolinita 4:16

'Enega geya'abo 'aneeneta. 'Anabwa'ayoi bwalada sineneneta, ta tuwa tuga soladaya taeauwau 'asiyata 'ebweuna 'ebweuna 'ediya.

Galetia 6:9

Geya'abo 'ida guinuwa bobo'adi 'ediyega talo'ame'ame, manuna 'eguma geya'abo taneeneta, ma'etamo sesoi bobo'ana tada loba.

2 Tesalonaika 3:13

Gosemao, guinuwa bobo'adi manudi geya'abo walo'ame'ame.

Ibeliu 12:2

Ta wate Yesu 'enaya tada sanalaga ataya, manuna Yesu nina 'ida emisa 'ana 'ebe e'ale ta 'ana 'ebe losalowa. Tuta nina Yesu bale'uya 'imiyami 'imwalatonina 'aene ma'etamo 'ebe gwausowala sinabwana 'ilobai, 'enega kelose 'ina 'elouya 'i'alama'i'itanena, omayamaya wate nigeya manuna 'inuwanuwa, ga 'ebe losalowa 'enaya 'itu'e galewaya ga Yaubada 'atainega 'imiyatowa.

Ibeliu 12:5

Nai guguya wanuwa pupulena, guguya nina 'ena 'i'awa natunemi, 'igwae, “Natugu, 'abo tuta nina 'Inapwana 'iemata sabuyeyo sabi giepaepaluyeyo, gete manuna 'uda nuwanuwa ta geya'abo wate 'uneeneta.

Ibeliu 3:1

Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

1 Pita 2:23

Ta tuta nina si'awa to'umaliyena nigeya wate 'ediya 'ie'ie'isa, ta wate sigie'elouyaena ta nigeya 'igamwagamwasowaledi, ta esi Yaubada 'iemisa 'ai'ailena, manuna tauna Toloina palupaluna.

E'ita'ita 2:3

Ta wate 'alama'i'ita wamwalamwalatoni, 'enega guinuwa mwaudi ta sinabwadi 'ediyega nigeya waneeneta, 'agu esana manuna.