Ibeliu 12:1 - Loina Tabu Auwauna NT

¹ Ga 'enega toemisao yaudi galewega siduneduneyeda, be 'ilobweneda yage mwaudi 'edega tada gisinedi, be 'enega tada pili waiwai epili nina 'ana 'eda 'enega, ta wate bubuna to'umalina nidi sigiyagiyaida tada gisinedi.

Ibeliu 12:1 Kruisverwysings

Madiu 10:22

Ta tomota maibo'adi sida etalauwalemi manuna 'omi 'aene 'agu toemisao. Ta 'abo yaisigedi sie'alama'i'ita be sitoolopa'ala ga 'ana laba tuta 'ana 'ebe losalowa 'enaya, gwausowala ataya sida loba.

Madiu 24:13

Ta 'abo yaita 'ie'alama'i'ita be 'itoolopa'ala be 'ana laba tuta 'ana 'ebe losalowa 'enaya gwausowala ataya 'ida loba.

Maki 10:50

'Enega 'ana tala'apwala 'i'ewa yaulena ga 'itoolo manini, ga Yesu 'ena 'imai.

Luke 12:15

Ta wate 'ina ona nina 'itubwena ga boda maibo'adi 'ediya 'igwae, “Wada 'ita'i'isimi be geya'abo esaesa nuwami 'i'ewa'ewa, manuna nigeya sawesawenaya be esaesa 'enega yawasimi bobo'ana waloba.”

Luke 16:28

be tasigwao site nima 'ida emataluwedi, 'abona nai taudi wate simama 'elouya 'ina sena gete 'enaya.’

Luke 21:34

“Ta wada 'ita'i'isimi be geya'abo 'emasula be bwasi waiwaidi 'adi numa 'ediya watautauya wawasae, ta wate geya'abo 'imi miya bale'uya manuna wanuwanuwa wawasae, 'abona nai 'asiyata nina 'ena Yaubada 'iloesalutuimi be nadigega gomana 'enega 'i'onami.

Yoni 3:32

Yage nidi ni'atu 'i'itedi manudi 'isimana apwesa ta nigeya 'ebweu yaita 'inoonodi nai 'iemiemisedi 'ina simana nidi manudi.

Yoni 4:39

'Asa gote 'ena me Samelia yaudi Yesu siemisena, manuna waine nina 'ediya 'isimana 'aene, “Tauna 'ieonegu 'igu bubuna maibo'ana manuna.”

Yoni 4:44

Ga gote 'ena Yesu tauna 'ina ona gete nadigega 'igwae, “Palopita nigeya 'ebweu wate 'adi 'amayabamo 'eguma taudi 'idi sena 'ena siloguloguguya.”

Loma 12:12

Ta wanuwayai 'aene ma'etamo Yaubada 'ina lema 'iapwesa 'edaya be manuna wada gwausowala, 'enega 'imi miyamwau 'ediya wada sidasida Yaubada 'enaya ma imi 'alama'i'itana.

Loma 2:7

Ta 'eguma 'aida guinuwa bobo'ana 'ena tuta yauna tae'alama'i'itana, be nadigega tuga taguiguinuwa be 'aene 'awabobo'ana be yawasi ataya tada loba Yaubada 'enega, ona'ai'aila ma'etamo yawasida miyamiya atayana 'ida 'ebwa'eda.

2 Kolinita 7:1

Gosegwao, Yaubada 'ina onaoboboma getedi tada nonodi be ooda be yaluyaluwada tagie'esasedi yage baibailidi 'ediyega, be ta'esasa 'ai'aila ma ida 'amayaba Yaubada 'ena.

Galetia 2:2

Ta 'igu tauya 'alena manuna Yaubada 'ie'itegu 'aene 'ilobwenegu be yada tu'e Yelusalema, 'enega yatauya toekalesiyao 'idi toanuganao 'ediya, ga taumamo 'a'awa'awagwae, ga tetela nina yaloguloguguya taudi nigeya me Yudia 'ediya yasimana apwesa toanuganao nidi 'ediya, manuna geya nuwagu be yaloguguya besobeso, 'enega toanuganao nidi sitagwala 'igu loguguya nina 'enaya.

Galetia 5:7

'Omi lowa wapili waiwai emisa 'ina 'eda 'ai'aila 'enega, 'enega yaita 'isa'u bodemi?

Epeso 4:25

'Enega kabo waguitoyase be maibo'ami waona 'ai'aila 'ebweuna 'ebweuna 'emiya, manuna maibo'ada Keliso oona welawela'anao.

Pilipai 1:30

nadigega 'abo'agu 'igu losaiya Keliso manuna be 'igu 'elouyao wa'itedi, ta gete tuga wanonodi, ta 'omi wate 'imi losaiya be 'imi 'elouyao nadigega waloba'esedi.

Pilipai 2:16

Gosegwao, tetela bobo'ana wagiyai 'i'isi be 'enega yawasi ataya waloba, be tuta nina 'iilama yada gwausowala manumi, manuna geya nuwagu be 'igu paisewao 'emiya 'adi mudala.

2 Timoti 2:4

'Unuwa'i'isi 'aene tolosaiya nuwanuwana be 'ana toloina namo 'ina nuwanuwao 'iguiguinuwedi, 'enega geya'abo 'ina 'asa 'ana paisewa manuna 'inuwanuwa.

2 Timoti 4:7

Ni'atu Yaubada manuna yalosaiya, ta 'igu epili ni'atu yalosalonina, ta tuta maibo'ana ma igu emisa Keliso 'ena.

Ibeliu 6:15

Ta Ebelaamo nina 'i'alama'i'ita tuta dudulana, ga onaupaupa uwana 'ilobena.

Yemesa 1:3

ta wada mwalatoni 'aene gete 'ebe toona 'imi emisa manuna be 'enega wada toolopa'ala.

1 Pita 2:1

'Enega 'imi to'umalinao be 'imi kabokaboyao onega be guinuwega, be 'imi e'ipi'ipiyao, be 'imi 'awato'umaliyao wada guitoyasedi,

1 Pita 4:2

'Enega 'ida tuta maibo'ana bale'uya tamiyami, tada tagwaleda Yaubada 'enaya be tauna 'ida loineda, ta 'ida yalakwaiya geya'abo 'iloiloineda.

1 Pita 5:1

Toekalesiyao 'idi 'inapwanao 'omi, 'aene yada gienuwa'i'isimi 'imi paisewa manuna. Manuna 'abo'agu 'ebweu wate toekalesiyao 'idi 'inapwana, ga 'abo'agu mataguyega Keliso 'ina 'elouya ya'itena, be ma'etamo 'ina esaesa maemaedanina 'ena yada miyami to tuta 'abo 'ina esaesa nina 'igieapwese.

1 Pita 5:12

'Imi leta gidalina gete Sailasa 'ilemegu ga ya'etoladina manumi. Tauna Sailasa nina taeesena 'aene 'ebweu tasidai ma ina emisa. 'Enega 'imi leta gete 'ena nuwanuwagu be Yaubada 'ina oboboma 'ai'aila yada simane 'emiya, be 'enaya wada toolopa'ala.

2 Pita 1:6

'etonina 'alama'i'ita, eatana toolopa'ala, enimana bubuna 'esasena,

E'ita'ita 1:9

'Abo'agu tasimiya Yoni. Ni'atu taeboda 'ebweuna Yesu ma'edai, ta 'ina 'ebeloina solanaya 'omi be 'abo'agu tae'alama'i'itaneda 'elouya be mwau 'ediya. 'Abo'agu lowa yoniyonigu salu Patimo 'ena, manuna yaloguguya Yaubada 'ina ona be Yesu tetelina.

E'ita'ita 13:10

manuna “'Abo yaita sigiyai, sida giyai tuga, ta wate yaita 'abo sisisaiya 'enega siloemwawasi, sida loemwawasa tuga.” Ona gete 'enega Yaubada 'ina tomotaiyao sida toolopa'ala be sida etapewa waiwai.

E'ita'ita 22:16

“'Abo'agu Yesu, ta 'igu anilose ni'atu yaetunenawa 'emiya, be yage getedi 'ida simanedi toekalesiyao 'emiya. 'Abo'agu Debida 'ina susuyega, ta 'abo'agu wate 'ubwana nina tuyayaligu.”

E'ita'ita 3:10

“Ta 'etamo tuta mwau 'ida apwesa bale'uya, be tomota yaudi 'ida toodi, ta 'omi esi mwau nina 'enaya yada 'ita'i'isimi, manuna 'igu ona waematamatanena, ga manugu wae'alama'i'itanemi.