Ibeliu 10:5 - Loina Tabu Auwauna NT

⁵ 'Enega tuta nina Keliso bale'uya 'imaiya, Keliso nina Yaubada 'ena 'igwae, “Taliyao be 'ebwayadaitao geya nuwayo, 'enega oogu 'u'ebwa'eguya 'imu guinuwa manuna.

Ibeliu 10:5 Kruisverwysings

Madiu 11:3

ga sienaidena, sigwae, “Mwa'adega 'oyo To'etoseyana nina manuyo 'ayamwayamwa nai mali tai wate 'ada yamwa?”

Luke 1:35

Ta anilose nina 'igwae, “Yaluyaluwa Tabuna 'iabe 'emuya 'imwa'utama be Yaubada 'ida giewaiwaiyeyo be natuyo 'uenatune gwama 'esasena, tauna 'iabe sieese Yaubada Natuna.

Luke 7:19

'Enega 'ina tononoyao 'eluwa 'ibwauyedi ga 'ieonedi, 'igwae, “Watauya be 'inapwana nina waenaide, nai tauna To'etosena nina manuna yaonaona, nai mali tai wate tada yamwa?”

Yoni 1:14

Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Galetia 4:4

ta muliyega Yaubada natuna 'ina tuta bobo'ana 'ilobena, ga natuna 'ietunenama, ta sinana 'ienatunena, ga 'ietomotai 'emaya, nate 'abo'ama Mosese 'ina loinao siyoniyonima, be 'ediyega 'ida 'etoseyema, ta 'omi wate 'ida 'etoseyemi, be Yaubada maibo'ada ida 'awanatuneda.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

Ibeliu 1:6

Ta tuta nina 'ina tomatuwa 'ietunenama bale'uya, 'igwae, “Aniloseyao galewaya 'ilobwenedi be tauna 'ena sibwagobwago.”

Ibeliu 10:10

Ta Yaubada 'ina nuwanuwa be Yesu Keliso bwalana 'italiyae sabi gie'esaseda 'ina mwawasa ma'ebweuna namo 'enega.

Ibeliu 10:7

'Enega yatagwalegu 'oyo Yaubada 'emuya, ga ni'atu yamai be 'imu nuwanuwa yada guinuwe, nadigega lowa manugu Buki nunumina 'ena si'etoladina.”

Ibeliu 10:8

'Ina ona nina wanuwa'i'isi, 'igwae, “Geya nuwayo taliyao nai 'ebwayadaitao, nai yobai nidi sigabugabudi, nai to'ase sitaliyae 'idi bubuna to'umalidi manudi, manuna geya'abo 'ugwaugwausowala guinuwa nidi Mosese 'ina loinega manudi.”

Ibeliu 2:14

Ona'ai'aila, Yesu 'ina gogamao 'abo'ada tomota maesiyoda be malalada, 'enega Yesu wate 'ietomotai ga tomota oona 'i'ewena ga 'imwawasa, be 'aene 'ina mwawasega Seitani 'iloesawali, be Seitani 'ina loina mwawasa manuna wate 'iloesawali.

Ibeliu 5:7

Lowa Yesu bale'uya 'imiyami, ma ina dedoi 'isidasida Tamana 'ena, be nuwanuwana mwawasega 'i'etoseye, 'enega 'i'etoseyenaya manuna Yesu Tamana 'i'amayabena.

Ibeliu 8:3

Bale'u 'ana totaliyao maibo'adi 'idi paisewa nate oboboma be taliya si'ebwa'ebwaya Yaubada 'ena, 'enega 'ida totaliya nina auwauna 'ilobwenena be tauna wate 'ebweu oboboma 'ida 'ebwaya Yaubada 'ena.

1 Pita 2:24

Ona'ai'aila, Keliso tauna oonega 'ida to'umalinao 'i'aalidi kelose 'enaya, be gote 'enega 'aene 'ida bubuna to'umalidi sigugumwala, ta bubuna palupaluna 'enega tatatauya. Tauna 'ana badi 'enega 'imi bobo'ana walobena.

2 Yoni 1:7

Ta tokabo yaudi ni'atu siapwesa bale'uya ga sieyaseyase, sigwae, “Yesu Keliso nigeya 'ieetomota.” 'Eguma yaita nadigega 'ikabo'esa, tauna Keliso 'ana talauwala.