Guinuwa 28:22 - Loina Tabu Auwauna NT

²² Ta esiya nuwanuwama 'ada nono 'emuyega to'ase 'imu nuwanuwa nidi, manuna sena yauyaudi tomoteninao 'imu boda ekalesiya si'awa to'umaliyena.”

Guinuwa 28:22 Kruisverwysings

Luke 2:34

'Enega Simioni 'iona obobomedi, ga 'iona Meli 'enaya, tauna Yesu sinana, ga 'igwae, “'Uda 'ita gwama gete Yaubada 'iesinuwena be 'enega ma'etamo me Isileli yaudi 'igiebe'uyedi, ta wate yaudi 'igietoolodi. Ta tauna tuga 'iabe 'ida ewe'iwe'iyaya tomota 'ediya ta 'aidi sida 'awakabokaboe,

Guinuwa 15:5

Ta 'aina Yesu 'ana toemisao Palisi bodadi 'ediyega sitoolo, ga sigwae, “'Eguma 'asa apwesa 'adi tomiyanao siemiemisa, 'ilobwenedi be daba si'ewa be wate tada loinedi be Mosese 'ina loinao sida muliyedi bemi, be muliyega siekalesiya 'ai'aila.”

Guinuwa 24:14

“Ta 'idi ona 'ebweuna namo ya'awa 'ai'ailena, nate 'Eda nina sieesena Weyala 'enega yalotapwalolo, tubumao 'idi Yaubada 'ena, ta wate Mosese 'ina loinao be palopitao 'idi 'etoladiyao maibo'adi yaemisedi,

Guinuwa 26:5

ta tuta dudulana 'enega simwalamwalatonigu 'aene 'abo'ama boda Palisi, ta Palisiyao 'ima loina waiwaina yamuliya 'ai'ailina, be 'abo 'uenaidedi ta nuwanuwadi sie'isa, 'iabe si'awa 'ai'aila.

Guinuwa 5:17

Ta totaliyao 'idi 'inapwana sinabwana be Sadusiyao 'idi boda ma'enao sigamwasowala ta sie'ipi'ipiyedi,

Loma 1:8

Nugana yalokagutoki Yaubada 'enaya Yesu Keliso 'ana esanega, manuna 'imi emisa tetelina 'i'elelewana sena maibo'ana 'ediya.

1 Kolinita 11:19

Ta 'imi eweyaweyala 'ana bobo'ana nate 'aene yaisigedi taudi toekalesiya 'ai'ailao ta'inanadi.

1 Pita 2:12

Ta wada bubuna bobo'ana taudi nigeya me Yudia 'ediya. Manuna gete tuga 'etamo si'awa'awa to'umaliyemi, ta tuta muliyega 'imi guinuwa bobo'ana sida 'ita, be 'enega tuta nina Yaubada 'iapwesama Yaubada nina sida tupu.

1 Pita 3:16

Ta to'ase wanuwena bobo'ana, tuta yauyauna nadigega wada guiguinuwa'esa, 'enega 'abo yaisigedi si'awa to'umaliyemi manuna 'aene 'omi Keliso 'ana tomuliyao, ma'etamo sida omayamaya, 'abo 'imi bubuna bobo'ana wae'itaedi.