Guinuwa 1:16 - Loina Tabu Auwauna NT

^16-20 “Tasigwao, lowa Debida 'ina ona Yaluyaluwa Tabuna 'i'ebwa'ena Yudasa manuna, ta Buki Tabu 'ena 'imiyami. Yudasa nina lowa ma'edai taetosimana Yesu manuna, ta sa'i 'ida 'Inapwana 'isipupuyena ga 'i'ebwayaena Yesu 'ana talauwalao nimadiya. Ta 'ebweu wali Buki Tabu solanaya Debida 'ina ona Yudasa manuna, gete nadigega 'igwae, ‘'Ina 'asa 'ida wabolebole, be geya'abo 'ebweu yaita tomota 'enaya 'ida miyami.’ Ta wate 'igwae, ‘'Ana lopa'elu tauna 'ina paisewa 'ida 'ewa.’ 'Enega 'ilobwenena be ona gete 'ana mwalatoi 'ai'aila 'ida apwesa.” Pita 'ina ona gete nadigega manuna Yudasa ni'atu 'imwawasa. Tauna lowa 'ina guinuwa to'umalina 'ana maisa 'enega bwa'a 'iegimwanena, ga bwa'a nina solanaya 'ibe'u sanamwa'uta, ga gamwana 'ilosabuyena, ta diyana maibo'ana 'iapwesa, ga tetelina me Yelusalema maibo'adi sinononaya, ga 'enadiyega bwa'a nina sieesena “Akelidama,” ta 'ana mwalatoi “Bwa'a lala.”

Guinuwa 1:16 Kruisverwysings

Madiu 26:14

Ta Yesu 'ina tonono 'ebweu 'ana esana Yudasa Isikaliota 'itauya totaliyao sinabwadi 'ediya,

Madiu 26:47

Yesu 'etamo 'ionaona ta 'ebweu 'ina tonono, Yudasa, tolosaiyao ma'enao siapwesa. Totaliyao sinabwadi be me Isileli 'idi 'inapwanao tolosaiyao nidi sietunedi Yudasa ma'edi, Yesu sabi giyaina, ta boda nidi ma idi sisisaiyao be wepasiyao wate simai.

Madiu 26:54

Ta nigeya! 'Eda gete 'enega Buki Tabu 'ina simanao manugu sida apwesa.”

Madiu 26:56

Ta yage getedi sida apwesa be 'enega palopitao 'idi gimisimana Buki Tabu solanaya sida apwesa.” 'Enega Yesu 'ina tononoyao maibo'adi sidena sinena.

Maki 12:36

manuna lowa Yaluyaluwa Tabuna Debida 'igiesinapuna ga Debida To'etoseyana nina 'i'awa 'inapwanena, 'igwae: Yaubada 'iona 'igu 'Inapwana 'enaya, 'igwae, “'Ataiguya 'umiyatowa be 'ana laba 'amu talauwalao yasa'u mwa'utedi 'aeyo 'ubuninaya.”

Maki 14:43

Yesu 'etamo 'ionaona ga Yudasa 'iapwesama, tauna Yesu 'ina tononoyao site tuwelo 'ebweuna 'ediyega. Ta wate totaliya sinabwadi be loina 'ana toe'itao be 'inapwanao tolosaiyao Yudasa ma'edi sietunedi be 'aene Yesu sida giyai, ta boda nidi ma idi sisisaiyao be wepasiyao wate sime'edi.

Luke 22:47

Yesu 'etamo 'ionaona ta boda siapwesama, ta Yudasa ma'ediya, tauna Yesu 'ina tonono 'ebweu, ga boda nidi 'ianuganedima. Yudasa nina 'imai Yesu selabenaya be 'aene 'i'atubwaili,

Yoni 10:35

Ta tamwalatonina 'aene Buki Tabu 'ina simana maibo'ana nigeya kabo, ta Buki Tabu nadigega 'ina simana be 'aene taudi Yaubada 'ina ona 'i'ebwa'ediya 'ieesedi yaubadao.

Yoni 13:18

“Yage getedi nigeya 'aene maibo'ami manumi yaonaona, ta esi taudi yaesinuwediya manudi yaonaona, ta Buki Tabu 'ina simana mali tai manuna 'igwae, ‘Tai nina tauna 'ana masula ya'ebwa'ena, 'isanaila ga 'ietalauwalegu.’ 'Enega ona nina 'ana 'ai'aila 'iabe 'iapwesa.

Yoni 17:12

Ta tuta nina 'abo'agu ma'edi 'imu waiwai nina 'u'ebwa'eguya 'enega ya'ita'i'isidi, ta nigeya 'ebweu wate yaita 'ediyega yaloseloseye, nate namo tai nina lowa Buki Tabu 'ena tauna manuna 'ieonena be 'aene 'iesilae.

Yoni 19:36

Yage nidi gete ni'atu siapwesa be 'enega Buki Tabu 'ina simana 'ida apwesa, tuta nina 'igwae, “Geya'abo sa'i lulunao silasalasadi.”

Guinuwa 13:15

Ta toanuganao Mosese 'ina loina 'ana sawa, be palopitao 'idi ona 'ana sawa sisawedi, ga toanuganao nidi 'ebweu tai sietunena Paulo be Banaba 'ediya be 'aene 'iemataluwedi, 'igwae, “'Eguma loguguya nai e'ita 'emiya 'imiyami wada simana tomota 'ediya.”

Guinuwa 13:38

'Enega, tasigwao, wada mwalatoni 'ai'aili 'aene gete tai nina 'enega 'imi loegesiyao 'adi nuwatau wada loba,

Guinuwa 15:13

Ta muliyega Yemesa 'itoolo ga 'igwae, “Tasigwao, 'igu ona gete wada nono.

Guinuwa 15:7

Ga tupwana siegewagewana 'amana, 'enega Pita 'itoolo ga 'igwae, “Tasigwao, wamwalamwalatoni 'aene tuta lowa Yaubada 'edega 'abo'agu 'iesinuwegu, ga 'awaguyega taudi nigeya me Yudia tetela bobo'ana sinonona, ga siemisena.

Guinuwa 2:23

Yaubada lowaenei Yesu nina manuna 'iloina, ga to'ase bale'uya 'ida loba Yaubada 'igimi mwalatonina, ta 'omi wasipupuyena, ga 'imi loinega tomota to'umalidi kelose 'enaya siloemwawasina.

Guinuwa 2:37

Tomota nidi Pita 'ina ona gete ni'atu sinonona, ga manuna sinuwanuwa sinabwana, ga Pita magosenao 'ediya sienaida, sigwae, “Tasimao, ni'atu 'aloegesi. Mwa'adega 'ada guinuwa'esa?”

Guinuwa 22:1

“Tasigwao be tamagwao, waenono be matamiya yada eyaseyase e'ewa gete manuna.”

Guinuwa 23:1

'Enega Paulo me Yudia 'idi toloinao nidi 'iduneduneyedi, ta 'ieonedi, “'Inapwanao be tasigwao, lowaenei ga batuwa to'ase yanuwena 'aene Yaubada 'ina loina yamuliya 'ai'ailena.”

Guinuwa 23:6

Gete tuga Paulo 'i'itena 'aene todeli egogonao nidi boda 'eluwa 'ediyega, 'ebweu Sadusiyao, ta 'ebweu Palisiyao, ga 'ediya 'ibwau apwesa, 'igwae, “Tasigwao, 'abo'agu 'ebweu Palisi 'idi boda, manuna tamagu tauna wate Palisi 'idi boda, ta 'igu etala gete 'alena manuna yaemisa 'aene tokwaiya mwawasega sida toololimana.”

Guinuwa 28:17

Ta 'asiyata 'etoi sigumwala, ga Paulo me Yudia 'idi toanuganao 'ibwau egogonedima, ga 'ieonedi, “Tasigwao, 'abo'agu nigeya 'ebweu to'ase to'umalina 'ida bodao 'ediya yaguiguinuwe, nai 'ida bubuna tubudao 'ediyega yale'oale'oai, ta wada 'ita, Yelusalema 'ena si'ebwayaegu me Loma 'ediya ga deliya sisa'ugu.

Guinuwa 28:25

Manuna 'idi nuwanuwao dumadumana be dumadumana, 'enega sideli sawala. Ta Paulo 'ina ona 'ana 'ebe losalowa 'ediya 'igwae, “Yaluyaluwa Tabuna 'ina ona tubumiyao manudi ona 'ai'aila, nate palopita Aisea 'awanega 'ionaedi.

Guinuwa 7:2

Ta Sitibeni 'igwae, “Tasigwao be tamagwao, 'igu ona gete wada nono. Yaubada Toloetana sana lowaenei tubudai Ebelaamo 'ena 'iapwesa, tuta nina Mesopotemia 'ena 'imiyami, ta 'etamo nigeya 'i'asa'asa Elana 'enaya,

1 Pita 1:11

Ta Keliso yaluyaluwana 'atediya 'igimi e'itedi 'ina 'elouyao be 'ina esaesa muliyega manudi, ga palopitao nidi mwalatoi si'ebesa to tuta 'ena be mwa'adega 'etoseyana nina 'ida apwesa'esa.

2 Pita 1:21

manuna palopitao nidi nigeya taudimo 'idi nuwenuwega sionaonaedi, ta esi Yaubada 'enega, ta Yaluyaluwa Tabuna palopitao 'ienuwa sa'uyedi ga ona nidi sionaedi.

2 Pita 2:21

Taudi nigeya bubuna palupaluna 'ana 'eda simwalamwalatoni, ta e'ita kabokabo simulimuliyedi, ta ma'etamo to'umalina siloba. Ta esi taudi ni'atu bubuna palupaluna 'ina 'eda be Yaubada 'ina loina 'esasena 'ana tomwalatoiyao, 'eguma sipilisinei sito'umali 'ai'aila.