Epeso 4:16 - Loina Tabu Auwauna NT

¹⁶ Manuna 'abo'ada Keliso oona welawela'anao, ta 'igiewaiwaiyeda 'atuwa oona nina 'ana walowaloyao, be 'ana tubweyao maibo'adi 'idi guinuwega sielemalema be obobomega sisinasinabwa ta siewaiwai.

Epeso 4:16 Kruisverwysings

Yoni 15:5

“Ta 'abo'agu kaiwe nigu ta 'omi naligwao, 'enega 'eguma yaita 'eguya 'imiyami be 'abo'agu 'ena yamiyami, 'ida uwa bobo'ana. Manuna 'eguma 'abo'agu nigeya, geya'abo to'ase 'ebweu bobo'ana waguiguinuwe.

Loma 12:4

Ta ooda 'ebweuna namo tuga, ta esi welawela'adao 'idi guinuwao dumadumadi be dumadumadi.

1 Kolinita 10:17

Beledi nina 'ebweuna 'enega maibo'ada ta'e'ai, 'enega Keliso oona 'enaya taeboda 'ebweuna.

1 Kolinita 13:13

Yage sinabwadi 'etoi simiya ataya, nate emisa, be nuwayaina, be oboboma, ta maibo'adi 'ediyega oboboma 'isinabwa sinedi.

1 Kolinita 8:1

'Ebweu wate enaida 'igu leta 'enaya ni'atu wasimanenaya, nate masula nidi tomota si'ebwa'ebwaya 'idi 'ebe bwagobwago gulewa nai kaiwe 'ediya. Yage nidi 'idi kabo wamwalamwalatoni, ta sa'i geya'abo wanuwanuwatu'e 'imi sinasinapu nina manuna, ta 'ilobwenemi be gosedao maibo'adi 'atemiyega wada obobomedi, manuna oboboma yage sinabwana, ta mwalatoi esi nigeya yage sinabwana.

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Epeso 1:4

Manuna lowaenei 'etamo bale'u nigeya 'imwelumwelului, ta 'igimi esinuweda be 'aene taeboda 'ebweu Keliso ma'edai, be Yaubada nina matanaya adelida 'esaseda, ta nigeya 'ada 'ebe e'ewamo.

Epeso 3:17

be wate 'imi emisega Keliso 'ida miyami 'atemiya, be adelimi maibo'ana oboboma tuga,

Epeso 3:7

Ta Yaubada 'ina waiwaiyega be 'ina obobomega paisewa gete 'i'ebwa'egu, be 'aene tetela bobo'ana Keliso manuna yada simasimana apwese.

Epeso 4:12

Ta maibo'ada 'ida guinuwa 'ebweuna 'ebweuna nate toekalesiyao 'adi lema manuna be sida ewaiwai, nate Keliso oona 'ina tubutubuwa manuna,

Epeso 4:15

Ta esi 'ilobweneda be obobomega tada guinuwa palupalu, be 'ida bubuna maibo'adi sida tubutubuwa debada Keliso 'ina bubuna nadigega.

Pilipai 1:9

ta ma igu sidasida manumi be 'aene 'imi eobooboboma 'isinasinabwa, ma imi sinasinapu be ma imi mwalatoi,

Kolose 2:19

ta esi Keliso nigeya sigiyagiyai, tauna debada, ta 'abo'ada welawela'anao oo 'ebweuna 'ena, ga welawela'anao 'ebweuna 'ebweuna siguiguinuwa oo 'ebweuna 'ina bobo'ana manuna, be oo nina 'isinasinabwa, ta 'ana sinabwa nina Yaubada 'ina guinuwega.

Kolose 2:2

be 'aene taudi wate obobomega sida egosigosiyana 'ai'aila, ma 'adi lotoona bobo'ana, be ma idi mwalatoi 'ai'aila, 'enega sida gwausowala sinabwana, manuna ni'atu sinuwanuwa sabwalena mwalatoi lowa kwaikwaiyina manuna, nate Keliso.

1 Tesalonaika 1:3

manuna 'imi emisa be 'imi guinuwa bobo'adi 'anuwa'i'isidi, ta wate 'imi guinuwao oboboma 'enega, be 'imi e'alama'i'ita ma imi emisa be 'aene 'ida 'Inapwana Yesu Keliso 'ida 'etoseyemi.

1 Tesalonaika 2:13

Gosemao tuta yauyauna 'alokagutoki Yaubada 'ena, manuna Yaubada 'ina ona ni'atu 'a'ebwa'emi ga 'ena watagwalemi, nigeya 'aene tomota 'idi ona, ta esi Yaubada 'enega. Ona'ai'aila, ona nina Yaubada 'enega, ga waemisena, ta 'ana waiwai ni'atu walotoona.

1 Tesalonaika 3:12

Ta 'eluwena 'aene 'Inapwana obobomega 'ida loemaemi be taumimo wada eoboobobomemi, ta wate mali tomota wada oboboma 'ai'ailidi, nadigega 'abo'ama 'aoboboma 'esemi,

2 Tesalonaika 1:3

Gosemao, 'ilobwenema be tuta yauyauna Yaubada 'ada lokagutokiye 'imi emisa be 'imi eobooboboma taumimo 'emiya 'adi sinabwa manuna.

1 Timoti 1:5

Gete 'igu loina be 'enega 'atemi 'esasedi 'ediyega taumimo waeobooboboma 'ai'aila, be wanuwanuwa bobo'ana, be waemisa 'ai'aila Keliso 'ena.

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

1 Yoni 4:16

'Enega Yaubada 'ina oboboma 'edaya ni'atu tamwalatonina ga ta'awa 'ai'ailena. Ona'ai'aila, Yaubada oboboma 'alena, 'enega 'abo yaita oboboma 'ina sena 'ena 'imiyami, tauna Yaubada 'ena 'imiyami, ta Yaubada sa'i tauna wate 'enaya 'imiyami.