Epeso 4:14 - Loina Tabu Auwauna NT

¹⁴ Gete 'enega bubuna gogama tapilisinedi, manuna lowa 'ida mwalatoi nenetana 'ena e'ita dumadumadi be dumadumadi sigieloniuyeda, nate 'aina tokaboyao 'idi e'itao dibidibidi ta to'umalidi 'ediyega.

Epeso 4:14 Kruisverwysings

Madiu 11:7

'Enega Yoni 'ana tomuliyao nidi siila ta Yesu 'ilolagata ga boda 'ediya Yoni manuna 'isimana, 'igwae, “Lowa maibo'ami sena mwatui daitaya watauya Yoni sabi nonona, ta to'ase nuwanuwami be 'aene wa'ita? Nai nuwanuwami 'aene 'ebweu pwatula sinabwana yagila 'iniuniuye wa'ita?

Madiu 24:11

Wate palopita kabokaboyao sida apwesama be yaumi sida anugana gesiyemi.

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Guinuwa 23:21

Ta 'idi sida geya'abo 'unoono, manuna nadigega site poti si'enokwaiyaya 'edaya Paulo manuna, ta ni'atu sionaupaupa 'aene geya'abo sida 'e'ai nai sida numanuma 'ana laba Paulo siloemwawasi bemi, be siyamwayamwana namo tagwala 'emuyega sida loba Paulo manuna.”

1 Kolinita 12:2

Manuna lowa sena guguyoi 'ena wamiyami ta mali 'ebe bwagobwagoyao 'ediya watagwatagwalemi, taudi nigeya sawesawenaya be siona, ta sikabokaboemi.

1 Kolinita 14:20

Gosegwao, geya'abo 'imi nuwanuwa gogama nadigega, ta esi wada nuwanuwa tai sinabwadi nadigega. Ta geya'abo guinuwa to'umalina manudi wanuwanuwa be 'aene wamwalatonidi.

1 Kolinita 3:19

Manuna sinasinapu gete bale'u 'enega 'atuwa euwauwa Yaubada matanaya. Manuna Buki Tabu 'ena 'ina simana gete nadigega 'igwae, “Yaubada tosinasinapuyao 'i'onedi, be siesilae taudi 'idi gomanega.”

2 Kolinita 2:17

Ta 'abo'ama nigeya nadigega tologuguya kabokabodi, taudi 'idi esaesa tuga manuna siloguguya, ta esi 'abo'ama ma 'ama emisa, nadigega Yaubada 'iloinema, 'enega tauna matanaya Keliso tetelina 'aonaona 'ai'aila.

2 Kolinita 4:2

Ni'atu bubuna to'umalidi nai kabokabodi 'aguitoyasedi, ta wate geya'abo Yaubada 'ina ona 'agibugibuni be 'aene e'ita kabokabona 'enega 'ae'ie'ita, ta esi e'ita 'ai'aila 'aonaona apwese, be tomota maibo'ami 'ima bubuna bobo'ana Yaubada matanaya wa'ita.

Galetia 3:1

'Omi me Galetia uwauwami! Yaita sana 'ilonabwasuwemi ga 'igiekwanimi? Lowa 'ae'itemi ga nuwami 'isabwalena 'ai'aila Yesu Keliso manuna, 'aene keloseya 'imwawasa ta sa'i wanuwa pupulena! 'Enega wanuwena 'aene Mosese 'ina loina 'ana ematamatanega 'etoseyana walobai?

Epeso 6:11

be Yaubada 'ina gwegwe saiya maibo'ana 'ediyega wa'otena, be 'enega geya'abo waneeneta tuta nina 'eguma Seitani 'ikaboemi.

1 Timoti 3:6

Ta geya'abo toemisa auwauna waesiesinuwe be 'ietoanugana, 'abona nai 'ina nuwatu'e 'enega 'ibebe'u, nadigega Seitani nuwatu'e 'enega lowa 'ibe'u.

2 Timoti 1:15

Ni'atu 'umwalamwalatoni 'aene me Esia taudi Paigelio be Elimogini, ta boda nidi, siguitoyasegu ga sipilisinegu.

2 Timoti 3:13

Ta wate taudi toto'umalidi be tomota 'adi tokaboyao 'idi to'umalinao sida sinabwa 'ai'aila, manuna Seitani ni'atu 'ikaboedi.

2 Timoti 4:3

Manuna tuta simeemai 'ediya tomota e'ita palupaludi siguitoyasedi, be mali e'itao 'adi nono 'ediya 'aene bobo'adi sida muliyedi.

Ibeliu 13:9

'Enega geya'abo loina auwaudi ta dumadumadi wanoonodi, manuna 'ateda 'iewaiwai Yaubada 'ina oboboma namo 'enega ta nigeya masula 'ediyega. Loina masula manuna geya'abo sa'i 'ana tomuliyao 'ilemelemedi.

Yemesa 1:6

Ta wada sidasida ma imi emisa 'ai'aila ta geya'abo ma imi enuwanaluwa, manuna taudi ma idi enuwanaluwa taudi nadigega lisu silasalasa bwagabwagaya, 'abo yagila 'isiyesiyeyedi.

Yemesa 3:4

'Ebe'ita wate gete 'ebweu, 'eguma tanuwanuwa waga manudi, 'anabwa'ayoi waga sinabwadi be yagila sinabwadi 'ipilipiliyedi, ta 'adi pwalowa gidalina tuga, topwalowa nina kapekapeyana be waga nina 'iloine be mwa'o nuwanuwana be 'ida tauya, 'ida tauya tuga.

2 Pita 2:18

Toe'itao nidi 'idi bubuna to'umalidi ma idi ona gagasa siemwaemwasala, ta wate yalakwaiya to'umalidi 'ediyega tonuwa'ebuni'unu silisidi be siila limana 'idi gimi bubuna 'ediya.

1 Yoni 2:19

ta Keliso 'ana talauwalao nidi 'adi 'ita 'atuwa Keliso 'ana toemisao, ta nigeya. Manuna taudi 'eguma 'ida boda 'ai'aila, 'etamo ma'edao tamiyami. Ta nigeya sa'i! Ni'atu sipilisineda.

1 Yoni 2:26

Gete maibo'ana ni'atu ya'etoladinawa be 'aene wada sinapu taudi 'ami tokaboyao manudi.

1 Yoni 4:1

Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.

Yude 1:12

'Eguma tapwalolo 'enaya oboboma masulina waguiguinuwe, ta 'abo toto'umalina nidi siluguwa 'e'ai nina sigieto'umaliye, manuna si'e'ai diidiga ta nigeya sida omayamaya. Nuwanuwadi taudimo sida gwausowala, 'adi 'ita 'atuwa pwana 'ikwaunaya ta nigeya 'usana, nai 'adi 'ita 'atuwa kaiwe 'ina tuta uwa ta nigeya uwanamo, 'enega sitalayaule be 'imwawasa 'ai'aila.

E'ita'ita 19:20

Gote 'ena yobai nina ma ina palopita kabokabo sigiyaidi, ga mayawasidi siuledi yaiyai sinabwana solanaya. Palopita kabokabo nina tauna lowa 'ina guinuwa waiwaidi 'iguinuwedi yobai nina matanaya ga 'ediyega tomota 'ikaboediya, taudi yobai nina 'ana we'iwe'iyaya 'ediya 'imiyami, ta 'ina tokwalui nina 'ana tobwagobwagoyao.