Epeso 3:1 - Loina Tabu Auwauna NT

¹ Gete manuna 'abo'agu Paulo yabwagobwago ta yasidasida Yaubada 'enaya, tauna 'igu paisewa 'i'ebwa'eguya 'omi nigeya me Yudia 'emiya, ta gete tuga Keliso 'ina guinuwa manuna deliya sisa'u luguyegu ga yamiyami.

Epeso 3:1 Kruisverwysings

Luke 21:12

“Ta muliyega be yage nidi getedi siapwesa, nugana 'ami talauwalao sida giyaimi be sigie 'elouyami, ta wate anuwa tapwalolo 'ediya sietalaemi be 'enega deliya sisa'umi. Ta wate kiniyao be toloinao matadiya si'au'ewami be sietalaemi manuna 'omi 'aene 'igu bodao.

Guinuwa 21:33

'Enega boda saiya 'ana toloina nina 'idoloma ga Paulo 'igiyaina, ta 'enega 'iloina ga balae kainumu 'eluwa 'ediyega siyonina, ga 'ienaida pwalu 'ediya, 'igwae, “Yaita tauna? Ta to'ase 'iguinuwena?”

Guinuwa 23:18

Ta 'i'au'ewena toloina nina 'enaya, ta 'ieonena, “Paulo deliya 'imiyami 'ibwauyeguya ga 'ieonegu 'aene tubuwau nina gete ya'au'ewenama, be to'ase 'ina nuwanuwa 'ida simana 'emuya.”

Guinuwa 26:29

Ta Paulo 'ionalimana, “Nai tuta kukupana, nai tuta dudulana 'ena, 'oyo be taudi wate gete 'eguya sienoenono 'eguma ma'emwao walowa'elugu, nate 'ebe gwausowala. Nate namo geya nuwagu be balae getedi nimaguya simiyami walobalobadi.”

Guinuwa 9:15

Ta 'Inapwana 'ieonena, “Tuwa tuga, 'uda tauya 'ena. Manuna Saulo nina ni'atu yaesinuwena be teteligu 'ida simana taudi nigeya me Yudia 'ediya, be toloina sinabwadi matadiya be me Isileli wate 'ediya.

2 Kolinita 1:6

Ta 'eguma 'abo'ama 'elouya 'aloba, nate 'omi 'ami gie'atepatu be 'ami 'etoseyana manudi. Ta wate 'eguma 'ama 'ebe gie'atepatu 'aloba, nate 'omi 'imi 'atepatu manuna, 'eguma 'imi miyamwau nadigega 'abo'ama 'ima miyamwau, be wate 'eguma 'ediyega wae'alama'i'ita 'omi wada 'atepatu.

2 Kolinita 10:1

'Abo'agu Paulo taugu yasidasida 'emiya, 'atuwa Keliso 'ina bubuna nuwana 'enega, manuna 'omi wagwae, “Paulo 'ina bubuna nuwana 'eguma ma'edai tada onaona, ta esi 'edasolega 'i'ena pa'alida.”

2 Kolinita 11:23

'Abo taudi Keliso 'ina 'ali'eiyao bobo'adi, 'abo'agu 'ina 'ali'ei bobo'ana wawasae. 'Igu ona gete 'atuwa uwauwagu. 'Igu gwaunuwa 'enega yanugana sinedi, 'igu lugu deliya yau wawasae, 'agu sapiyao wate yauna, ga tuta yauna 'ediyega 'aene tuga 'iabe yada mwawasa.

Galetia 5:11

Gosegwao, geya'abo wanuwena 'abo'agu yaloguloguguya be 'aene tomota sida lodabadi be me Yudia 'idi loina sida muliyedi, ta 'igu loguguya esi Keliso 'ina mwawasa kelose 'enaya manuna, ta loguguya gete manuna me Yudia sinuwamwau ga sietalauwalegu.

Galetia 5:2

'Abo'agu Paulo yaloguguya 'emiya be 'abo Mosese 'ina loinao 'ediya watagwalemi, nai 'abo me Yudia 'idi we'iwe'iyaya lodaba bwalamiya sida guinuwe, Keliso 'ina lema 'emiya waloseye.

Galetia 5:24

Ta wate 'eguma Yesu Keliso 'iloineda, ooda 'ina bubuna to'umalidi be yalakwaiyao 'iloemwawasidi 'ana kelose 'enaya.

Epeso 3:11

Gete Yaubada 'ina nuwanuwa lowaenei ga batuwa, ta gete tuga 'igieapwesena 'ida 'Inapwana Yesu Keliso 'enega,

Epeso 3:13

'Enega 'igu 'elouya manumi bada geya'abo manuna 'atemi sineeneta, ta esi wada mwalatoni 'aene 'igu 'elouyao getedi 'omi 'ami 'etoseyana manuna.

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

Epeso 4:1

'Enega yasida 'emiya be 'omi wada bubuna bobo'ana, gete tugai 'abo'agu deliya yamiyami 'Inapwana 'ina guinuwa manuna, ta 'omi 'Inapwana nina tauna ni'atu 'ibwauyemi 'ina guinuwa manuna, 'enega 'ilobwenemi be to'ase 'ina guinuwa nina 'ana lobwene wada bubuna

Epeso 6:20

Tetela gete 'ana guinuwa manuna deliya sisa'u luguyegu, 'enega wada sidasida Yaubada 'ena be 'aene tetela nina yada onaapwese ma igu 'atepatu, manuna 'ana lobwene gete nadigega.

Pilipai 1:7

Ona'ai'aila, 'ilobwenena be manumi to'ase yalotolotoona nadigega, manuna 'omi nuwagu wa'ewena, manuna 'omi ma'egwao Yaubada 'ilemelemeda gete tuga deliya yamiyamiya, ta 'ilemelemeda wate tetela bobo'ana 'ana e'ita be 'ana 'ebe ewaiwai 'ediya.

Kolose 1:24

'Enega gete tuga 'igu 'elouya 'omi manumi yalobalobadi, ta tuwa tuga ma igu gwausowala. Taugu bwalagu 'ina 'elouya be Keliso 'ina 'elouya 'iloeposeyanena ga 'isinabwa toekalesiyao manudi, nate taudi Keliso oona.

Kolose 4:18

Lokagutoki gete taugu nimaguyega ya'etoladina. Wada nuwa'i'isigu 'aene deliya yamiyami. Oboboma 'emiya. 'Abo'agu Paulo.

Kolose 4:3

'Abo'ama wate manuma wada sidasida, be 'enega Yaubada 'eda 'ida gieapwese 'emaya, be 'enega Keliso tetelina kwaikwaiyina 'ada simasimana apwese tomota 'ediya, tauna tetela nina gete 'ana simana manuna sisa'u luguyegu deliya.

2 Timoti 1:16

Ta Onesipolo esi manugu nigeya 'iomayamaya 'aene deliya yamiyami, ta 'ina lema tuta yauna 'enega 'agu lotoona 'igiegie bobo'ane, 'enega Yaubada 'ena yasidasida be Onesipolo ma ina bodao 'ida 'atenuwa 'ole'oleyedi.

2 Timoti 1:8

'Enega geya'abo 'ida 'Inapwana tetelina 'ana simana manuna 'uomayamaya. 'Abo'agu wate 'igu lugu deliya 'Inapwana 'ina guinuwa manuna geya'abo manuna 'uomayamaya. Ta 'oyo wate ma'etamo Yesu tetelina manuna 'aina miyamwau 'emuya siapwesa, ta 'ilobwenemu be Yaubada 'ina waiwaiyega 'utoolopa'ala.

Pilimoni 1:1

Kagutoki tasigu Pilimoni, 'oyo Yesu Keliso 'ina toguinuwa 'ebweu nadigega 'abo'agu. Ta 'abo'agu ni'atu deliya sisa'ugu, Yesu Keliso 'ina guinuwa manuna. Ta gete tugai Timoti 'ilemegu be 'imu leta gete 'a'eto'etoladinawa.

Pilimoni 1:23

Epapila ma'iyagu Yesu Keliso 'ina guinuwa manuna deliya sisa'uma, ta Epapila nina 'ina oboboma 'emuya.

E'ita'ita 2:10

Ta geya'abo wamatamatauta 'abo to yage 'ena 'elouya waloba. Wada nuwa'i'isi 'aene 'etamo Seitani 'ida wasegigiyemi be 'aimi sida yonimi be deliya sida sa'umi, ta esi 'ami mwau nidi 'asiyata sanau dimo manudi. “Ta wada toolopa'ala 'ana laba mwawasa, be 'enega yawasimi ataya yada 'ebwa'emi.