Epeso 1:7 - Loina Tabu Auwauna NT

^7-8 ta Natunana lalanega 'ili'amida 'ida loegesiyao 'ediyega, ga Yaubada 'inuwataudi, nate tauna 'ina oboboma sinabwa wawasae 'i'ebwaya 'edaya. Ta 'ana sinabwa nigeya 'ana 'etopwapwamo.

Epeso 1:7 Kruisverwysings

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Madiu 26:28

Gete lalagu, loina auwauna manuna, 'idaudau tomota yaumi 'imi to'umalinao 'adi 'ebe nuwatau manuna.

Madiu 6:12

Ta 'ima bubuna to'umalina 'uda nuwataudi, nadigega 'abo'ama wate gosemao 'idi bubuna to'umalina 'emaya 'anuwataudi.

Maki 14:24

Ta wate 'ieonedi, 'igwae, “Gete lalagu 'idaudau tomota yaumi manumi, nate loina auwauna.

Luke 1:77

ta wate 'ina tomotaiyao 'uemataluwedi be 'aene 'idi bubuna to'umalina 'adi nuwatau 'ediyega 'etoseyana siloba.

Luke 24:47

be 'enega 'ana esanega tetela bobo'ana, nuwa'ebuni be to'umalina 'ana nuwatau manudi sida guguyae. 'Idi guguya nina sida e'ale Yelusalema 'enega be 'ida sakowasi bale'u maibo'ana 'enaya.

Yoni 20:23

be 'abo tomotai 'idi to'umalinao wanuwataudi Yaubada wate 'inuwataudi, ta 'eguma nigeya wanuwanuwataudi 'ediya tuga sida miyami.”

Guinuwa 10:43

“Palopitao wate lowaenei sigimi simanena 'aene 'eguma yaisigedi Yesu 'ena siemiemisa, 'idi loegesiyao Yaubada 'ida nuwataudi, Yesu tauna 'ana esanega.”

Guinuwa 2:38

'Enega Pita 'igwae, “'Imi guinuwa to'umalina 'ediyega wada nuwa'ebuni, be maibo'ami To'etoseyana Yesu 'ana esanega 'ada giebapitaisoemi, be 'imi to'umalinao 'ida nuwataudi, be wate Yaluyaluwa Tabuna 'ida 'ebwa'emi.

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

Guinuwa 3:19

'Enega 'ilobwenemi be wanuwa'ebuni be 'imi loegesiyao 'ida 'ewayauledi, be 'ami lotoona bobo'ana wada loba 'Inapwana tauna 'enega,

Loma 2:4

Ta geya'abo Yaubada 'ina oboboma wa'awa'awa yage besobesoe, manuna 'i'atenuwa 'ole'oleyemi, ga manumi 'ie'alama'i'itanena, be 'aene 'imi to'umalinega 'ida giesana ilemi.

Loma 3:24

ta esi Yaubada 'i'atenuwa 'ole'oleyeda ta 'iobobomeda, ga Yesu Keliso 'enega 'ili'amida 'ida loegesiyao 'ediyega, 'enega Yaubada 'i'awa palupaluyeda.

Loma 3:25

Ona'ai'aila, Yaubada natuna 'itagwalena be 'aene 'ina mwawasega 'ida 'au'ewa limada Yaubada 'enaya be ma'eda tada egosigosiyana, nate 'abo Yesu taemise. Gete 'enega Yaubada 'ina bubuna bobo'ana 'ie'iteda, manuna lowaenei 'ida bubuna to'umalina manudi nigeya 'ie'ie'isa, ta esi 'ie'alama'i'itana ga 'ana laba Yesu Keliso 'ietunenama 'edaya.

Loma 9:23

Ta wate nuwanuwana be 'ina esaesao nidi lowa 'igibubudi 'abo'ada 'iobobomeda manuda, be 'aene 'ida e'itada.

1 Kolinita 1:30

Manuna Yaubada tauna 'ina guinuwega Yesu Keliso ma'eda tae'ebweu, 'enega Yaubada 'ina sinasinapu Yesu nina 'isa'u balenaya 'edaya, manuna Yesu tauna 'italiyaena manuda, ga 'enega 'igie'esaseda, ta 'igiepaepaluyeda.

2 Kolinita 8:9

'Omi 'ida 'Inapwana Yesu Keliso 'ina oboboma wamwalatonina, tauna 'ina esaesa sinabwana 'ipilisinena ga 'iegomabeso sabi 'etoseyemi, be 'aene 'ina egomabeso 'enega 'omi wada eesaesa.

Epeso 1:14

'atuwa we'iwe'iyaya, be 'enega tamwalamwalatoni 'aene 'ada pali galewaya Yaubada 'enega ma'etamo ta'ewa, be manuna tatupui, be ta'awa eseese.

Epeso 1:18

be wate 'atemiyega yage nidi bobo'adi manudi 'ibwauyemiya wada mwalatonidi, be wada emisa 'aene ma'etamo walobadi, be wada mwalamwalatoni wate 'ina eguyai sinabwana 'ina tomotaiyao 'edaya, nate tauna 'ina esaesa 'enega,

Epeso 1:6

be Yaubada tada tupui gete oboboma bobo'ana wawasae manuna, tauna Natu 'ai'ailina 'i'ebwaya daitena manuda,

Epeso 2:4

Ta 'enega 'ida loegesiyao siloemwawasida, ta esi Yaubada 'ina 'atenuwa'ole'ole tosinabwa sana ga 'ina oboboma sinabwana 'edaya 'ediyega 'igietoolo limeda, Keliso ma'edai. Yaubada tauna 'ina 'ebwayadaita 'enega 'i'etoseyeda,

Epeso 2:7

Gete 'iguinuwena be 'aene tuta simeemai 'ediya 'ina oboboma sinabwa wawasaena 'ida e'itae, nate 'ina 'atenuwa'ole'ole be 'ina 'etoseyana Yesu Keliso 'enega.

Epeso 3:16

ta yasidasida 'enaya be 'aene 'ina esaesa be 'ina waiwai 'ediyega 'itatagwala 'emiya, be Yaluyaluwana 'atemi 'ida giewaiwaiyedi,

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

Pilipai 4:19

'Enega 'igu Yaubada nina 'imi nuwanuwao maibo'adi 'ida 'ebwa'emi, nate tauna 'ina esaesa yau wawasae Yesu Keliso 'ina guinuwao 'ediyega.

Kolose 1:14

manuna tauna 'ena 'etoseyana talobena, nate 'ida loegesiyao 'ediyega 'igie'esaseda.

Kolose 1:27

Mwalatoi gete lowa kwaikwaiyina, ta 'ibobo'ana wawasae, Yaubada nuwanuwana be 'iloeapwese 'omi nigeya me Yudia 'emiya. Mwalatoi nina nate Keliso 'atemiya 'imiyami, be tauna 'enega wada nuwayaina 'aene sena esaesa 'ena walulugu.

Kolose 2:13

'Omi lowa lodaba nigeya walobaloba, ta 'imi loegesiyao manudi 'atuwa mwawamwawasimi, ta esi Keliso ma'edai yawasi bobo'ana Yaubada 'i'ebwa'eda, ga 'ida loegesiyao 'inuwataudi,

Kolose 2:2

be 'aene taudi wate obobomega sida egosigosiyana 'ai'aila, ma 'adi lotoona bobo'ana, be ma idi mwalatoi 'ai'aila, 'enega sida gwausowala sinabwana, manuna ni'atu sinuwanuwa sabwalena mwalatoi lowa kwaikwaiyina manuna, nate Keliso.

1 Timoti 2:6

Manuna Keliso taunamo 'itagwalena ga 'ietaliya maibo'ada manuda, ga ale gete, tuta 'ana lobwene 'ai'aila 'enaya, Yaubada 'i'ebwa'eda.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Taito 3:6

Ta 'ada To'etoseyana Yesu Keliso 'enega Yaubada Yaluyaluwa Tabuna 'i'etosiwena 'atedaya.

Ibeliu 9:22

Manuna Mosese 'ina loina 'ediya 'aene yage yaudi lalega sida 'esasa. Ta bubuna to'umalina 'ina 'esasa wate lala 'enega, be 'abo nigeya lala 'idaudau, nigeya 'ebweu wate 'eda 'imiyami 'esasa manuna.

1 Pita 2:24

Ona'ai'aila, Keliso tauna oonega 'ida to'umalinao 'i'aalidi kelose 'enaya, be gote 'enega 'aene 'ida bubuna to'umalidi sigugumwala, ta bubuna palupaluna 'enega tatatauya. Tauna 'ana badi 'enega 'imi bobo'ana walobena.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

1 Yoni 2:12

Gogama ye, ona gete ya'etoladinawa manuna 'imi loegesiyao Yaubada 'inuwataudi, Yesu 'ana esanega.

1 Yoni 2:2

be 'ida to'umalinao 'inuwataudi, manuna Yesu tauna 'italiyaena 'ida to'umalinao manudi, be wate me bale'u maibo'adi manudi.

1 Yoni 4:10

Gete oboboma 'ai'aila, nigeya 'aene 'abo'ada Yaubada 'ana toobobomao, ta Yaubada esi 'ada tooboboma, ga Natuna 'itagwalena be 'italiyaena tauna 'ida loegesiyao manudi.

E'ita'ita 14:4

Ta taudi tai nidi getedi nigeya siloeloegesi iine ma'ediyao, manuna taudi nuwenuwe boladi tuga, ta esi Lami simuliya 'ai'ailina, 'abo mwa'o nai 'itatauya. Taudi ni'atu Yaubada 'igimi sa'ugagidi tomota 'ediyega, nate Yaubada be Lami 'idi gimisesoi.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.