E'ita'ita 8:1 - Loina Tabu Auwauna NT

¹ 'Enega lami nina losipwa esebenina 'ili'amina, ga nigeya 'ebweu wate galewega ona nai galala simeema tuta kukupana namo 'enaya.

E'ita'ita 8:1 Kruisverwysings

Madiu 27:66

'Enega sitauya ga 'ali'ali 'awana 'ana 'auboda gulewa nina wate sibwadena, ta nada to'ita'i'itao sietoolodi.

E'ita'ita 5:1

'Enega tauna 'ebemi esaesa nina 'ena 'imiyatowa ya'itena, ta nima 'atainega pwepwai sinunumina nadigega gimibuki 'igiyaina, ta 'eto'etoladina solanega ta gwaunega, ta wate pwepwai nina 'ana losipwa 'ana yau sebeni.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.

E'ita'ita 6:1

'Enega lami nina ya'itena losipwa 'ebweu 'ili'amina, ga yobai nidi 'ediyega 'ebweu 'enana nadigega wepalala yanonona, 'igwae, “'Umai.”

E'ita'ita 6:12

'Enega lami nina wate losipwa esikisina 'ili'amina ga mwani'ini'i sinabwana 'iniuniu, ta sinala 'iguguyoi, 'ana 'ita 'atuwa 'ule siyasiyana, ta wate nawalae 'ana 'ita maibo'ana bweyabweyalina, lala nadigega,

E'ita'ita 6:3

'Enega lami nina losipwa 'eluwena 'ili'amina, ga wate yobai 'eluwena 'enana yanonona, 'igwae, “'Umai.”

E'ita'ita 6:5

'Enega lami nina wate losipwa 'etonina 'ili'amina, ta wate yobai 'etonina 'enana yanonona 'igwae, “'Umai.” 'Enega yadunedune ga 'ebweu osi gaigaina 'iapwesama, ta 'ana togelu nina ma ina 'ebe 'etopwapwa masula manuna.

E'ita'ita 6:7

'Enega lami nina wate losipwa eatana 'ili'amina, ga wate yobai eatana 'enana yanonona, 'igwae, “'Umai.”

E'ita'ita 6:9

'Enega wate lami nina losipwa enimana 'ili'amina, ga Yaubada 'ina 'ebe taliya 'ubuninaya 'ana tosimanao yaluyaluwadi ya'itedi, taudi lowa bale'uya Yaubada 'ina ona 'ana tosimanao bobo'adi, ta gete manuna tomota sietalauwaledi ga siloemwawasidi.