E'ita'ita 7:3 - Loina Tabu Auwauna NT

³ 'igwae, “Geya'abo bale'u nai ola nai kaiweyao wagiegie to'umaliyedi 'ana laba 'ida Yaubada 'ina toguinuwao 'adi we'iwe'iyaya 'ada sa'u debadiya.”

E'ita'ita 7:3 Kruisverwysings

Madiu 24:22

Mwau gote 'ana 'asiyatao 'eguma Yaubada geya'abo 'igiegie kukupai, 'iabe tomota maibo'adi simwamwawasa, ta esi Yaubada 'asiyata nidi 'ida giekukupa, nate 'ina boda esiesinuwadi manudi.

Madiu 24:31

Ta wate yoguli sida mu'e be 'igu aniloseyao yaetunedi be 'igu boda esiesinuwadi siegogonedima bale'u maibo'ana ta yagila maibo'adi 'idi sena 'ediyega.

Yoni 12:26

“'Enega 'abo yaita nuwanuwana be 'eguya 'ida etoguinuwa, nugana 'ida muliyegu, be 'enega to sena 'enaya yamiyami tauna ma'iyagu, ta wate 'abo yaita manugu 'ida etoguinuwa, Tamagu 'ida 'awa bobo'ane.”

Yoni 3:33

Ta 'abo yaisigedi 'ina simana nina siemisena, gote 'ena si'awa 'ai'aila 'aene Yaubada tauna topalupaluna.

Loma 6:22

Ta gete tuga to'umalina nina 'ina loina 'enega ni'atu wagumwala, ga 'omi batuwa Yaubada 'ina toguinuwao, be 'enega e'isa bobo'ana waloba, nate bubuna bobo'ana be wate yawasi ataya.

E'ita'ita 13:16

Ta wate maibo'adi 'iloinedi, gidagidalidi be sinasinabwadi, toesaesao be gomabesoyao, ta wate 'inapwanao be topaisewao, be 'aene nima 'ataidiya nai debadiya 'ana we'iwe'iyaya sida sa'udi,

E'ita'ita 13:17

ta 'ediya loina pa'alina 'isa'una, be taudi 'abo we'iwe'iyaya nina nigeya 'ediya, geya'abo wate sida egiegimwane, nai sigimwagimwane, 'ana laba yobai nina 'ana we'iwe'iyaya si'ewa bemi, nate 'ana esana nai 'ana numela.

E'ita'ita 14:1

Ta yadunedune, ga lami ya'itena 'oya Sayoni debanaya 'itootoolo, ta wate tomota wani analedi be potipowa tausani ma'enao simiyami, taudi nate 'ana esana be wate Tamana 'ana esana debadiya si'etoladidi.

E'ita'ita 14:9

Anilose 'eluwa nidi mulidiyega 'ebweu wate 'imuliyedima, ga anilose nina tauna wate 'ibwau, 'igwae, “'Abo yaisigedi yobai nina be 'ina tokwalui 'ediya sibwagobwago, ta 'adi we'iwe'iyaya debadiya nai nimadiya,

E'ita'ita 19:2

Ta 'ina loina maibo'ana palupaluna ta bobo'ana, manuna tosogala diidiga nina 'ina sogalega bale'u maibo'ana 'igie to'umaliyenaya, ni'atu 'ana e'isa 'ilobena. Ta wate 'asa nina 'ena Yaubada 'ina tomotaiyao siloemwawasidi, 'enega 'igieto'umaliyena.”

E'ita'ita 20:4

Ta wate 'aina 'ebemi esaesa ya'itedi, ga 'ediya taudi Yaubada loina 'i'ebwa'ediya simiyatowa. Ta wate tomota nidi 'otodi si'upwedi, manuna taudi Yesu 'ana tosimanao ta Yaubada 'ina ona 'ana tosimanao, yaluyaluwadi ya'itedi, taudi nigeya yobai nina be 'ina tokwalui 'ediya sida bwagobwago, ta nigeya wate 'ana we'iwe'iyaya debadiya be nimadiya sisa'usa'udi. Taudi getedi mwawasega ni'atu sitoolo, ta Keliso ma'edi siloiloina yakwala tausani 'ediya,

E'ita'ita 22:4

Be wate maninina sida 'ita, ta tauna 'ana esana debadiya.

E'ita'ita 6:6

Ga 'ebweu 'atuwa 'enana yobai nidi ata gamwagamwanidiyega yanonona, 'igwae, “Witi 'ana 'etopwapwa 'ebweuna 'ana maisa 'ebweuna kina, ta wate ba'ali 'ana 'etopwapwa 'etoi 'ana maisa 'ebweu kina, ta esi olibe bunamina be oine geya'abo wagitogitoodi.”

E'ita'ita 7:1

Yage gete mulinaya aniloseyao ata ya'itedi sitootoolo bale'u senanao 'adi yau ata 'ediya. Anilose nidi yagila 'adi yau ata sigiyaidi be 'aene geya'abo bale'uya nai olaya nai kaiwe 'ediya sitowatowa,

E'ita'ita 7:2

manuna gete Yaubada 'ina tagwala be 'aene yagila nidi bale'u be ola sida gieto'umaliyedi. 'Enega 'ebweu wate anilose ya'itena sinala 'ina 'ebesae 'enega 'imeemai ma ina 'ebe tu'epa'i be 'aene Yaubada miyamiya atayana 'ana we'iwe'iyaya 'ida sa'u tomota debadiya. Anilose nina 'ibwau anilose ata nidi 'ediya,

E'ita'ita 9:4

ta wate Yaubada 'i'etobodedi be geya'abo pwatula sigiegie to'umaliyedi, nai kaiweyao, nai bagula, ta esi tomotai nidi taudi nigeya Yaubada 'ana we'iwe'iyaya 'ediya, taudi sida gieto'umaliyedi.