E'ita'ita 5:6 - Loina Tabu Auwauna NT

⁶ Ta wate 'ebemi esaesa nina selabenaya 'ebweu lami ya'itena, yobai ata gamwagamwanidiya 'itootoolo ta 'inapwanao wate gamwagamwanidiya, ta lami nina 'ana 'ita 'atuwa tauna siloemwawasina, ta kunanao sebeni ta matanao wate sebeni, taudi matanao nidi nate Yaubada yaluyaluwanao taudi 'ietunedi bale'u maibo'ana 'enaya.

E'ita'ita 5:6 Kruisverwysings

Luke 1:69

'Enega tauna Yaubada 'ina 'ali'ei Debida 'ina susuyega 'ida To'etoseyana nina 'igieapwesena 'edaya.

Yoni 1:29

Ga mali 'asiyataya Yoni Yesu 'i'itena 'imeemai 'enaya, ga Yoni tomota 'ieonedi, 'igwae, “Tai gote tauna Yaubada 'ina Lami, be me bale'u manuda 'imwamwawasa be 'ida bubuna to'umalina maibo'ana 'i'ewayauledi.

Yoni 1:36

'enega Yoni 'ana tomuliyao nidi 'ediya 'igwae, “Tai gote tauna Yaubada 'ina Lami.”

Guinuwa 8:32

ta sawa nina ni'atu 'isawena gete nadigega 'igwae, “Tauna 'atuwa sipi 'iabe siunu, nai nadigega lami, 'abo unuununa 'ana to'upwa matanaya 'itootoolo, nigeya 'ebweu wate 'enana 'ida ona apwesena.

E'ita'ita 1:4

'Abo'agu Yoni 'imi leta ya'etoladinawa ekalesiyao 'ami yau sebeni Esia solanaya. Oboboma be nuwasiwalowa 'emiya, Yaubada 'enega, be yaluyaluwa sebeni 'ediyega, ta Yesu Keliso 'enega. Tauna Yaubada nina lowaenei ga batuwa ta tuta simeemai 'ediya 'imiyami, ta yaluyaluwa nidi sebeni taudi Yaubada 'ina 'ebemi esaesa matanaya simiyami.

E'ita'ita 12:11

Ta tasidao nidi ona'ai'aila yawasidi sitagwalena be Keliso manuna simwamwawasa, 'enega Seitani nina ma'edi silosaiya ga taudi siewaiwai. Ta 'idi ewaiwai Lami lalanega, ta wate 'idi simana Lami manuna 'enega.

E'ita'ita 13:8

Ta me bale'u yauyaudi ma'etamo 'ena sibwabwago, nate taudi 'abo nigeya 'adi esanao simiyami yawasi bukina solanaya, buki nina Lami nina siloemwawasina 'ina buki, manuna buki gete solanaya taudi 'adi esanao lowaenei 'igimi 'etoladidi, 'enega muliyega bale'u 'imweluluina.

E'ita'ita 14:1

Ta yadunedune, ga lami ya'itena 'oya Sayoni debanaya 'itootoolo, ta wate tomota wani analedi be potipowa tausani ma'enao simiyami, taudi nate 'ana esana be wate Tamana 'ana esana debadiya si'etoladidi.

E'ita'ita 17:14

Be 'enega Lami 'enaya sida losaiya, ta Lami nina 'ida ewaiwai sinedi, manuna tauna 'inapwanao 'idi 'inapwana, ta kiniyao 'idi kini, ta wate taudi 'ina esinuwega 'ibwauyedima, taudi 'ana tomuliya 'ai'ailao ma'enao.”

E'ita'ita 21:22

'Asa nina 'enaya nigeya Anuwa Tabu ya'ita'ita, manuna 'Inapwana Yaubada Toewaiwai sana be Lami taudi Anuwa Tabu nidi tuga.

E'ita'ita 21:23

Sinala be nawalae nigeya sida sae 'asa nina 'enaya, manuna Yaubada 'ina esaesaega 'ituyayalina maibo'ana, ta wate Lami 'iemayale 'asa nina 'enaya.

E'ita'ita 22:1

Ta 'enega anilose nina yawasida bwasina 'ie'itegu, bwasi nina matakadala 'ai'ailina, Yaubada be Lami 'idi 'ebemi esaesa 'enega 'idaudauma,

E'ita'ita 22:3

Ta esi yage gadilulu sida sawala 'asa nina 'enega, be Yaubada ta Lami nina 'idi 'ebemi esaesa 'ena sida miyami, be Lami nina 'ina topaisewao 'enaya sida guinuwa.

E'ita'ita 4:8

Ta 'ebweuna 'ebweuna papediyao 'adi yau sikisi, ta papediyao nidi maibo'adi matadi wate yauna 'atamanega ta solanega. Ta tuta maibo'ana, 'asiyata be boiboi 'ediya, siwaliwali, sigwaegwae: “Tabu, tabu, tabu, 'Inapwana Yaubada, Toewaiwai sana. Tauna tuta lowa, ta batuwa ta tuta simeemai 'ediya 'imiyami.”

E'ita'ita 5:11

Ta wate aniloseyao yau wawasae ya'itedi, nigeya aisawa, 'ebemi esaesa nina be yobai nidi ta wate 'inapwanao nidi sitoolo sakowasiyedi,

E'ita'ita 5:12

ta wate 'enadi sinabwana yanonona sigwaegwae, “Tauna lami nina siloemwawasina, sawesawenaya be loina be esaesa be mwalatoi be waiwai be 'amayaba be tupu ta wate 'awabobo'ana 'ida lobadi.”

E'ita'ita 5:13

Ta wate mwelumweluluwao 'ebweuna 'ebweuna galewaya be bale'uya be bale'u 'ubuninaya be olaya, ta wate mwelumweluluwao sena maibo'adi 'ediyega, yanonodi siwaliwali, sigwaegwae: “Tauna 'ebemi esaesa 'ena 'imiyatowa, be wate lami nina 'ediya, tada tuputupu be tada 'amayabedi be ta'awa 'ese'esedi, ta wate ta'awa toewaiwaiyedi, tuta maibo'ana 'ediya.”

E'ita'ita 5:14

'Enega yobai nidi site ata sigwae, “Nadigega,” ta wate 'inapwanao nidi sibe'u sanamwa'uta, ga sibwagobwago.

E'ita'ita 6:16

'Enega sibwau gulewa be 'oya 'ediya, sigwae, “Wada be'uma debamaya, be geya'abo tauna 'ebemi esaesa 'ena 'imiyatowa 'ida 'ita'itama, be wate lami nina geya'abo 'ida 'ita'itama.