E'ita'ita 3:18 - Loina Tabu Auwauna NT

¹⁸ 'Enega yaemataluwemi be 'eguyega goula 'ai'aila wada gimwane be 'enega wada eesaesa, ta wate 'oama wakewakekedi wada gimwanedi be wada 'otedi ta geya'abo mabubugewami watautauya, ta wate mulamula wada gimwane be matamiya wada sa'udi be 'enega matami sida 'esasa.

E'ita'ita 3:18 Kruisverwysings

Madiu 13:44

“Yaubada 'ina loina 'atuwa nadigega esaesa sinabwana, lowa 'ebweu bwa'a 'enaya sikwaiyena ta 'ebweu tai 'ilobena, ga 'ikwaiya limena, 'enega ma ina gwausowala 'itauya ga 'ina gwegweyao maibo'adi 'iegimwaneyedi, ga 'adi maisa 'i'ewena ga bwa'a nina 'igimwanena.

Madiu 25:9

“Ta tosinasinapu nidi sigwae, ‘Nai nigeya 'ima bwasi sawesawenaya be tupwana 'a'ebwa'emi, 'enega 'omi watatauya toegimwaneyao 'ediya be 'imi mayale 'adi bwasi wagimwanedi.’

Luke 12:21

Ta Yesu 'ina ona 'ana 'ebe losalowa 'ena 'igwae, “Ona'ai'aila, 'eguma yaita esaesa manuna 'ipaisewa be 'imiya esaesa gwegwe bale'uya 'ediyega ta nigeya galewa 'ana esaesa 'ediyega, tauna uwauwana!”

2 Kolinita 5:3

'atuwa 'ada 'oama auwauna ta bobo'ana ta'ote, be geya'abo tabubugewa.

2 Kolinita 8:9

'Omi 'ida 'Inapwana Yesu Keliso 'ina oboboma wamwalatonina, tauna 'ina esaesa sinabwana 'ipilisinena ga 'iegomabeso sabi 'etoseyemi, be 'aene 'ina egomabeso 'enega 'omi wada eesaesa.

1 Timoti 6:18

Ta wate toesaesa nidi 'uemataluwedi be guinuwa bobo'adi be eobooboboma be lo'ebwa'ebwaya 'ediyega sida eesaesa 'ai'aila.

Yemesa 2:5

Tasigwao, 'igu ona gete wada nonodi, 'aene Yaubada togomabeso bale'uya 'iesinuwedi be emisa 'enega sida eesaesa. Manuna Yaubada 'ina 'ebeloina 'iona upaupaena be 'ena sida apwesa, 'abo tauna siobobomena.

1 Pita 1:7

Gete 'ediyega 'imi emisa Yesu manuna Yaubada 'itoodi. Nadigega tuga goula kaiwe sabeluluyega sitootoodi. Ta esi 'imi emisa goula 'isinabwa sinena, manuna goula yage gumwagumwalina. Ta 'abo 'imi emisa waiwaina, ma'etamo Yesu Keliso 'ina apwesama 'enaya, tupu be esaesa be 'amayaba wada lobadi.

E'ita'ita 16:15

“Wada enono 'ai'aila, manuna 'etamo 'igu mai 'atuwa to'ipwala 'idi mai nadigega, ta 'abo yaita 'oyo 'ulomata'i'ita 'ai'aila be 'amu 'oama 'u'ita'i'isi, 'uda gwausowala, manuna geya'abo ma imu omayamaya tomota gamwagamwanidiya bubugewa manuna.”

E'ita'ita 19:8

ta waine nina ni'atu 'ana 'oama wakewakekena ta 'esasena Yaubada 'i'ebwa'ena.” Ta 'oama nina 'ana mwalatoi nate Yaubada 'ina tomotaiyao 'idi bubuna palupaluna.

E'ita'ita 2:9

“Ni'atu yamwalatonina 'imi 'elouyao, nate 'omi gomagomabesomi, ta esi wada nuwa'i'isi 'aene 'omi ma imi esaesa, ta wate ni'atu yamwalamwalatoni 'aene 'aidi Seitani 'ina bodao si'awa'awa to'umaliyemi, ta wate sigwae, ‘'Abo'ama me Yudia,’ ta nigeya. Taudi esiya tuga Seitani 'ina bodao.

E'ita'ita 3:17

“Ta 'omi wagwae, ‘'Abo'agu toesaesa, ta yage yauna sawesaweguya,’ ta nigeya wamwalamwalatoni 'aene 'omi gomagomabesomi tuga, ta nuwa'ole'olemi sa'i, ta wate matakebokebomi be mabubugewami.

E'ita'ita 4:4

Ta 'ebemi esaesa wate 'adi yau tuweniti powa simiya sakowasiyena, ta 'ebemiya nidi 'ediya 'inapwanao site tuweniti powa simiyatowa ma 'adi 'oama wakewakekedi, ta wate ma 'adi peyaula esaesa goula debadiya.

E'ita'ita 7:13

'Enega 'inapwanao nidi 'ediyega 'ebweuna 'ienaida 'eguya, 'igwae, “Yaisigedi getedi ma 'adi 'oama wakewakekedi? Ta mane 'enega simai?”