E'ita'ita 21:21 - Loina Tabu Auwauna NT

²¹ Ta 'asa nina 'ana 'awao tuwelo nidi paku sinabwadi tuwelo 'ediyega siguinuwedi, ga 'awa 'ebweuna paku 'ebweuna 'enega siguinuwena. Ta 'asa nina 'ana 'eda maibo'ana goula daisinamo, 'inamanamala 'atuwa gelasi.

E'ita'ita 21:21 Kruisverwysings

E'ita'ita 17:4

Ta waine nina 'ana 'oama 'ina bweyabweyala 'atuwa toesaesao 'adi 'oama, ta 'ana iyaiyalao goula be gulewa esaesadi be pakuyao, ta nimanaya keiga goula 'igiyaina, ni'atu 'iloemaena bubuna to'umalina 'enega, loelata manuna.

E'ita'ita 18:16

sigwae, “Oioi, oioi, 'asa gote sinabwana lowa 'ieiyala kaleko esaesa, be 'oama wakewakekedi be bweyabweyalidi, be goula, be gulewa esaesa, be paku 'ediyega,

E'ita'ita 21:15

Ta anilose nina ma'iyagu 'aonaona, nimanaya 'ebe 'etopwapwa goula, be 'enega 'asa nina namanamalina be 'ana 'awao be 'ana 'ali wate 'ida 'etopwapwadi.

E'ita'ita 21:18

'Asa nina 'ana 'ali gulewa esaesa ta namanamalidi 'ediyega si'abina, ta 'asa solanaya goula 'enega si'abina, ta 'inamanamala 'atuwa gelasi.

E'ita'ita 22:2

ga 'asa nina gamwagamwaninega 'idaudolo. Ta bwasi nina tupitupina 'ediya yawasida kaiwenao sitootoolo. Kaiwe nidi uwadi nawalae 'ebweuna 'ebweuna dumadumadi be dumadumadi, 'enega yakwala 'ebweuna matuwelo siuwauwa, be yawanao boda maibo'adi bale'uya 'idi mulamula.

E'ita'ita 4:6

Ta 'ebemi esaesa nina matanaya 'ebweu yage 'inamanamala 'atuwa siwalowa bobo'ana ola debanaya, 'ana 'ita 'atuwa gelasi nadigega. Ta wate 'ebemi esaesa nina selabenaya yobai ata sitoolo sakowasiyena, ta bwaladi maibo'ana 'ediya matadi simiyamiya.