E'ita'ita 2:14 - Loina Tabu Auwauna NT

¹⁴ “Ta esi 'imi bubuna 'aina manudi nigeya yagwaugwausowala, manuna 'aimi Balami 'ina e'itao wamulimuliyedi, ta 'ina e'itao nidi lowa Balaki 'imuliyedi ga me Isileli bubuna to'umalina 'ie'itedi, nate tokwalui siemisena ga 'ana masula si'ebwa'ena, ta to'ebwaya nidi masula nina sie'ani, be wate siloelata.

E'ita'ita 2:14 Kruisverwysings

Madiu 18:7

“'Omi me bale'u nuwa'ole'olemi sa'i, manuna 'ebe be'u yaudi simiyami. Ona'ai'aila 'ilobwenena be 'ebe be'uyao bale'uya sida miyami, ta esi 'eguma tai 'itoo be gosenao 'igie be'uyedi, ma'etamo tai nina 'ito'umali 'ai'aila.

Guinuwa 15:29

'Etoboda nidi nate, to'ase tomota sitalitaliyae mali 'ebe bwagobwagoyao 'ediya, geya'abo wae'ani, wate yobai malaladi ta yobai didimagadi esiyodi geya'abo wae'enidi, ta wate geya'abo waloeloelata. 'Eguma 'etoboda getedi 'ediyega wa'ita'i'isimi, 'imi miya bobo'ana. Kaiyoni.”

Guinuwa 21:25

“Ta Yesu 'ana toemisao, taudi nigeya me Yudia, ni'atu 'idi leta 'aetunena, be 'aene to'ase nadigega tomota sitalitaliyaedi mali 'ebe emisao 'ediya geya'abo sie'ani, ta wate yobai malaladi be yobai didimagadi geya'abo sie'ani, ta wate geya'abo siloeloelata.”

Loma 11:9

Ga Debida wate nadigega 'ina simana 'igwae, “'Ilobwenedi be 'idi sagaliyao 'ediya 'adi loina sida loba, be nadigega sikwa 'ediyega si'onadi, ta wate 'atuwa sa'e 'ediya sibebe'u.

Loma 14:13

'Enega gosedao geya'abo ta'awa'awa to'umaliyedi, ta esi tauda 'ida bubuna be 'ida guinuwao tada 'ita'i'isidi, be 'enega geya'abo 'ebweu gosedai tagiegiebe'uye 'idi edidigula 'ediyega.

Loma 14:21

'Enega gete tugai 'ilobweneda be yage nidi manudi gosedao siedidigula, esiyo nai oine, geya'abo tagitogitoodi, 'abona nai tagiebe'uyedi.

Loma 9:32

Taudi situila 'idi guinuwa 'enaya, ta nigeya 'idi emisa 'ena, be 'aene Yaubada 'ida 'awapalupaluyedi. Nate 'idi loegesi be 'atuwa nadigega gulewa 'enaya sieseesetupedi.

1 Kolinita 1:23

ta 'abo'ada esiya tetela nina taloguloguguyae, Keliso 'ina mwawasa kelose 'enaya namo manuna, ga 'enega me Yudia siguitoyasena, ta wate mali bodao tetela nina si'awa yage besobesoena.

1 Kolinita 7:2

Ta esi nigeya sawesawemiya be maibo'ami nadigega waguiguinuwa'esa, manuna yau wawasae taudi weweloedi siguiguinuwa besobeso. 'Enega nai 'ilobwenemi wa'eloai be 'enega 'ebweuna 'ebweuna mamwanena, be geya'abo guinuwa besobeso 'isinasinabwa 'emiya.

Ibeliu 13:4

Maibo'ami ai 'ana loina wada 'amayabe be geya'abo waloeloelata, manuna toloelatao be toloyaweyao 'etamo Yaubada 'iliunedi.

1 Pita 2:8

Ta wate 'igwae, “'Ola gete tomota 'idi 'ebe esetupe, ma'etamo 'enaya siesetupedi ta sibebe'u.” Ta siesetupedi 'enaya manuna ona nigeya siemiemise. Gete nadigega Yaubada 'ina gimiloina manudi.

2 Pita 2:15

'Eda palupaluna ni'atu siebesinena ga sitauya gesi, 'enega Bioli natuna 'ana esana Balami 'ina bubuna to'umalina lowaenei taudi gete tuga simuliyena, manuna tauna nuwanuwana be 'ina guinuwa to'umalina 'enega 'ida eesaesa,

Yude 1:11

Nuwa'ole'oledi, manuna Keni 'ina 'eda to'umalina 'enega sitautauya, ta 'enega 'idi esaesa manuna sibubuna to'umalina, nadigega wate Balami lowa 'ina bubuna. 'Enega sida esilae, manuna loina bobo'ana siguitoyasena, nadigega Kola lowa loina 'iguitoyasena.

E'ita'ita 2:20

“Ta esi gete 'ena 'ebweu yage manuna nigeya yagwaugwausowala, manuna Yesibeli 'ena watagwala, tauna waine nina 'ieesena 'aene 'ebweu Yaubada 'ana tosimana, ta nigeya. Manuna waine nina esi 'igu toguinuwao loyaweyega ta wate tokwalui 'ediyega 'ilisidi, manuna tokwalui siemisena, ga 'ana masula si'ebwa'ena, ga to'ebwaya nidi sie'enina.

E'ita'ita 2:4

“Ta 'abo'agu 'ebweu yage 'emiya ya'itena nigeya bobo'ana, nate lowa 'imi oboboma nina 'eguya ni'atu walosa'una.

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”

E'ita'ita 22:15

Ta 'asa nina 'atamaninaya 'adi tomiyanao, nate kedewao, be Taumudumudulele magosenao, be toloelatao, be toloemwawasao, be gulewa 'adi toemisao, be wate toekabokaboyao.