E'ita'ita 12:9 - Loina Tabu Auwauna NT

⁹ Yobai nina bweyabweyalina ta sinabwana, tauna gimimwata 'ana esana Seitani, 'atuwa Taumudumudulele, tauna bale'u 'ana tokabo. Tauna ma ina aniloseyao maibo'adi bale'uya siula mwa'utedi.

E'ita'ita 12:9 Kruisverwysings

Madiu 13:39

ta pwatula 'ana tolelewana nate tauna Seitani, ta tuta sesoi nate tuta 'ana 'ebe losalowa, ta tosesoi taudi aniloseyao,

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Madiu 25:41

“Ta taudi gegeumiguya simiyami yaeonadi, ‘'Omi toto'umalimi wapilisinegu be watatauya kaiwe sabesabelulu atayana 'enaya, tauna Yaubada 'igibubuna Seitani ma ina bodao manudi,

Madiu 4:1

Gete 'enega Yaubada Yaluyaluwana Yesu 'i'au'ewena ga 'itauyena sena mitawa daitaya be 'enega 'ana toona Seitani 'enega 'ida loba.

Madiu 4:10

'Enega Yesu 'i'enapa'alina, 'igwae, “Seitani, 'upilisinegu! Buki Tabu solanaya loina 'imiyami 'aene, ‘'Imu 'Inapwana Yaubada namo 'ena 'uda bwagobwago be taunamo 'ina ona 'uda ematamatanedi.’”

Madiu 4:5

'Enega Seitani Yesu 'i'au'ewena ga 'itauyena Yelusalema, ga Anuwa Tabu tabwana 'ai'ailaya 'itu'eyena,

Madiu 4:8

Ta Seitani Yesu 'i'au'ewena 'oya sinabwana etaninaya ga gote 'ena 'ebeloina esaesa bale'uya maibo'adi Yesu 'ie'itena

Luke 10:18

Ta Yesu 'ediya 'igwae, “Seitani ya'itena galewega 'imwa'umwa'uta 'atuwa nadigega namala 'ina pili.

Luke 13:16

Ta mwa'adega waine nina wanuwena 'aene nigeya sawesawenaya be 'ina miyamwau 'enega yali'ami be 'etoseyana 'iloba, nadigega 'imi yobaiyao nidi. Manuna waine gete Ebelaamo 'ina boda 'ebweu, ta esi Seitani yakwala eitini 'ediya 'igiyaina.”

Luke 22:3

Gote 'ena Seitani Yudasa 'ena 'ilugu, tauna 'ana esana 'eluwena Isikaliota, ta wate tauna Yesu 'ina tonono 'ebweu site tuwelo 'ediyega.

Luke 22:31

'Enega wate Yesu 'igwae, “Saimoni, 'uda enono, Seitani ni'atu tagwala 'i'ewena be maibo'ami 'ida toomi, nadigega tuga tobagula 'ina witiyao 'i'aututu toodi,

Luke 8:12

Ta atu nidi 'edaya sibe'u taudi nate tomota nidi ona sinono namo, ta Seitani 'imai ga 'atediyega ona nina 'i'ewa yaulena, 'enega geya'abo siemiemisa be 'aene Yaubada 'i'etoseyedi.

Yoni 12:31

Tuta gete ni'atu 'imai saba be toto'umalidi bale'uya simiyami Yaubada 'ida loinedi, ta wate bale'u gete 'ana toloina to'umalina 'ida ula apwese.

Yoni 14:30

“Nai geya'abo tuta dudulana yaonaona 'emiya, manuna ni'atu gabula 'ana 'inapwana to'umalina 'imeema, ta tauna nigeya 'ebweu wate 'ina waiwai 'eguya,

Yoni 16:11

Ta wate tauna bwa'omatana 'ida e'itami 'aene ni'atu bwa'omatana 'imai saba bale'uya, manuna bale'u 'ana toloina nina 'ina guinuwa to'umalina 'enega 'ana bwa'omatana 'ilobena.

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

Guinuwa 26:18

Manuna taudi nigeya me Yudia 'ediya yaetuetuneyo, be matadi 'uda gie'esasedi, be guguyoi 'enega sida sanaila maedana 'ena, ta wate Seitani 'ina waiwai 'enega sida apwesama, be Yaubada 'idi to'umalinao 'ida nuwataudi, be sida lugu taudi siemiseguya 'ediya, nate taudi 'eguyega si'esasa 'ediya.’

Guinuwa 5:3

'Enega Pita 'ieonena, 'igwae, “Ananayasi, to'ase manuna Seitani nuwayo 'i'ewena ga tanowa 'ana maisa tupwana 'ukwaiyena? Nate 'imu kabo Yaluyaluwa Tabuna 'enaya.

Loma 16:18

'Abo yaisigedi taudi 'idi guinuwa gete nadigega, taudi nigeya 'ida 'Inapwana Keliso manuna sida guinuwa, ta esi taudimo 'idi nuwanuwao tuga siguiguinuwedi, manuna 'idi ona dibidibi 'ediyega tomota taudi nigeya pa'alidi sikabokaboedi, ta silisilisi iledi.

Loma 16:20

Ona'ai'aila, Yaubada tauna nuwasiwalowa 'alena, be sawesawenaya Seitani 'ida 'ausepale maniniye 'emiyega. 'Enega 'ida 'Inapwana Yesu Keliso 'ina oboboma 'emiya 'ida miyami.

2 Kolinita 11:14

Manuna gete Seitani adelina toto'umalina 'ina 'eda, be 'ana 'ita 'isa'ugelasa nadigega anilose maemaedanina.

2 Kolinita 11:3

Ta esi ya'atesa'ala manumi 'abona nai 'imi nuwanuwa sikwakwani be 'imi 'atetagwala Keliso 'ena wapilisine, nadigega lowa mwata Ibe 'ikaboena 'ina ona dibidibi 'enega, ga Ibe nina 'ineneta.

2 Kolinita 12:7

Ta Yaubada geya nuwana be yanuwanuwa tu'e 'igu 'enomata'ita'ita bobo'adi manudi, 'enega yage mwauna Seitani 'enega 'i'ebwa'eguya, ga solagu 'ana lotoona 'atuwa ma gitana, ta manuna yanuwanuwa mwau, ga nigeya sawesaweguya yanuwatu'e.

2 Kolinita 2:11

'abona nai Seitani 'iewaiwai 'edaya, manuna 'ina nuwanuwa to'umalina ni'atu tamwalatonina.

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

Epeso 4:14

Gete 'enega bubuna gogama tapilisinedi, manuna lowa 'ida mwalatoi nenetana 'ena e'ita dumadumadi be dumadumadi sigieloniuyeda, nate 'aina tokaboyao 'idi e'itao dibidibidi ta to'umalidi 'ediyega.

2 Tesalonaika 2:3

geya'abo 'ebweu wate 'idi kabo nidi waemiemisedi, ta esi wada nuwa'i'isi 'aene nugana tomota yaudi Yaubada sida etalauwale, be tai to'umalina 'ida apwesa, ta muliyega Yesu 'iilama. Ona'ai'aila, tai nina to'umalina ta guguyoi taina,

1 Timoti 2:14

Ta wate Seitani 'ina kabo 'enaya Adama nigeya 'ineeneta, ta waine esi 'ineneta ga loegesi 'igimi guinuwena.

2 Timoti 3:13

Ta wate taudi toto'umalidi be tomota 'adi tokaboyao 'idi to'umalinao sida sinabwa 'ai'aila, manuna Seitani ni'atu 'ikaboedi.

Ibeliu 2:14

Ona'ai'aila, Yesu 'ina gogamao 'abo'ada tomota maesiyoda be malalada, 'enega Yesu wate 'ietomotai ga tomota oona 'i'ewena ga 'imwawasa, be 'aene 'ina mwawasega Seitani 'iloesawali, be Seitani 'ina loina mwawasa manuna wate 'iloesawali.

1 Pita 5:8

'Enega wada lomata'i'ita 'ai'ailemi 'ami talauwala Seitani 'enega. Manuna Seitani tauna nadigega bosasa mitawaya, tuta yauyauna 'isakosakowasi ta 'i'ebe'ebesa be 'aene 'ana tai 'ida loba, be 'ida 'ani.

1 Yoni 5:19

Ta wate 'abo'ada tamwalamwalatoni 'aene Yaubada 'ienatuneda, ta sa'i bale'u bubunina 'ana tomuliyao yauyaudi toto'umalina nina 'ina bodao.

Yude 1:9

Ta aniloseyao 'idi toanugana Maikeli lowaenei 'iegewagewana Seitani 'enaya, Mosese kokowana manuna, ta Maikeli nina nigeya Seitani 'iba'eba'e. Nate namo 'igwae, “'Inapwana 'i'etobodeyo.”

E'ita'ita 12:12

'Enega 'omi tomiya galewa maibo'ami wada gwausowala, ta sa'i 'omi bale'u be ola 'ana tomiyanao mwau sinabwana 'emiya, manuna Seitani ni'atu 'imwa'utawa 'emiya, ta ma ina gamwasowala, manuna 'imwalamwalatoni 'aene 'ina tuta kukupana tuga 'imiyami.”

E'ita'ita 12:3

Wate 'ebweu 'ebe nuwaowana galewaya 'iapwesa, nate yobai bweyabweyalina ta sinabwana, ta bulubulunao 'adi yau sebeni be kunanao 'adi yau sanau, ta bulubulunao 'ediya peyaula esaesa simiyami.

E'ita'ita 12:7

'Enega galewaya saiya 'iapwesa. Saiya nina Maikeli ma ina aniloseyao be yobai nina bweyabweyalina ma ina aniloseyao ma'ediyao silosalosaiya.

E'ita'ita 12:8

Ta yobai ma ina bodao nigeya kapekapeyana be siewaiwai Maikeli ma ina bodao 'ediya, ta 'enega yobai nina ma ina aniloseyao galewega sipa'idi ga siula mwa'utedi bale'uya.

E'ita'ita 13:14

Ta ni'atu tagwala 'ilobena be 'enega yobai nina olega matanaya edeedede nidi 'iguinuwedi, ga gote 'ena me bale'u maibo'adi 'ikaboedi. Ta 'ina kabo nidi 'ediya 'igwae, “Tokwalui 'ebweuna wabubu, be 'ana 'ita 'atuwa yobai nina sisisaiyega 'iesilae, ga 'ibobo'ana limana.”

E'ita'ita 16:14

Yaluyaluwa 'etoi nidi nate Taumudumudulele na 'ali'eiyao, taudi 'ebe nuwaowanao siguinuwedi, ga taudi getedi sitauya ga kiniyao bale'u maibo'ana 'enaya, 'aene 'idi bodao sida egogonedima be taudimo 'ediya sida losaiya, nate Yaubada Toewaiwai sana 'ina 'asiyata 'ebe losalowa 'enaya.

E'ita'ita 18:2

ga 'enana sinabwanega 'ibwau, “'Asa sinabwana nina Babiloni ni'atu 'ibe'u saba, ga tonitonibwa'a ta yaluyaluwa bi'iyao ta wate manuwa to'umalidi be gadiluludi sie'asaena.

E'ita'ita 18:23

“'Enega mayale 'idi maedana 'enaya geya'abo siapweapwesa. Ta wate geya'abo toaiyao 'enadi 'asa nina 'enega sinoono. “Ona'ai'aila, bale'u maibo'ana 'enega 'asa nina 'ana toesaesao siloetana wawasae, ga 'idi nabwasuwa 'ediyega mali sena tomoteninao sikaboedi.

E'ita'ita 19:20

Gote 'ena yobai nina ma ina palopita kabokabo sigiyaidi, ga mayawasidi siuledi yaiyai sinabwana solanaya. Palopita kabokabo nina tauna lowa 'ina guinuwa waiwaidi 'iguinuwedi yobai nina matanaya ga 'ediyega tomota 'ikaboediya, taudi yobai nina 'ana we'iwe'iyaya 'ediya 'imiyami, ta 'ina tokwalui nina 'ana tobwagobwagoyao.

E'ita'ita 2:13

“Ni'atu yamwalamwalatoni sena nina 'ena wamiyami, nate Seitani 'ina 'ebeloina. Ta tuwa tuga waemisa 'ai'ailigu, manuna nigeya wada eyaseyaseyegu. Ta Seitani 'ina sena nina 'ena lowa 'ebweu 'agu tosimana 'ai'aila siloemwawasina, 'ana esana Anitipasa, ta tuga sa'i wagiyaigu pa'alina.

E'ita'ita 2:24

“Ta 'omi Me Tayataila nimi, 'abo bubuna to'umalidi getedi nigeya wamulimuliyedi, nai Seitani 'ina e'itao ni'uni'udi nigeya wamwalamwalatonidi, geya'abo wate 'aa'aala mwauna ya'ebwa'ebwa'emi.

E'ita'ita 2:9

“Ni'atu yamwalatonina 'imi 'elouyao, nate 'omi gomagomabesomi, ta esi wada nuwa'i'isi 'aene 'omi ma imi esaesa, ta wate ni'atu yamwalamwalatoni 'aene 'aidi Seitani 'ina bodao si'awa'awa to'umaliyemi, ta wate sigwae, ‘'Abo'ama me Yudia,’ ta nigeya. Taudi esiya tuga Seitani 'ina bodao.

E'ita'ita 20:10

'Enega 'adi tokabo Seitani nina, si'ewena ga siulena yaiyai sinabwana solanaya, lowa 'ena yobai nina be palopita kabokabo nina siuledi, be sena nina 'ena si'elo'elouya 'asiyata be boiboi 'ediya, ta geya'abo 'igumwagumwala.

E'ita'ita 20:8

be 'ida tauya bale'u maibo'ana 'ediya sabi kaboedi, sena nina nadigega Gogi be Megogi 'ediya. 'Enega Seitani taudi maibo'adi 'ida egogonedi saiya manuna, 'adi yau sawayogena, nadigega kaukau le'awaya.

E'ita'ita 3:9

“Ta wada enono 'ai'aila taudi Seitani 'ina bodao manudi, manuna sikabo ga sigwae 'aene taudi me Yudia, ta nigeya sa'i. 'Enega 'etamo yaloinedi be simamai matamiya be 'emiya sida bwagobwago, be 'enega maibo'adi sida mwalatoni 'aene 'omi yaobobomemi.

E'ita'ita 9:1

'Enega anilose enimana 'ina yoguli 'imu'ena, ga 'ebweu kwadima ya'itena ni'atu galewega 'ibe'uma bale'uya, ta kwadima nina gaula sinabwana 'ana 'ebe gigege 'i'ewena,

E'ita'ita 9:20

Ta tomota nidi maibo'adi, taudi nigeya siesiesilae yage nidi to'umalidi 'ediyega, nigeya sinuwanuwa'ebuni be 'aene 'idi 'ebe emisa kabokaboyao sida guitoyasedi, ta esi sigiyai pa'alidi ga sibwagobwago 'ediya. Yage nidi nadigega Taumudumudulele be welabanao, be wate yage nidi taudimo nimadiyega siguinuwedi, nadigega tokwaluiyao nate goula be siliba be kopa be gulewa be kaiwe be. 'Ebe emisa nidi getedi nigeya sawesawediya be sidudune nai sienono nai silopili dadana.