E'ita'ita 12:4 - Loina Tabu Auwauna NT

⁴ Ta yuyunega kwadima yaudi 'iunudi ga 'iuledi bale'uya. 'Eguma kwadima maibo'adi taweyalidi 'etoi sena 'ediya, 'ebweu sena 'ena 'iunu egumwalidi ta 'eluwa sena 'ediya situpwa. Ta yobai nina bweyabweyalina waine matanaya 'itootoolo, be 'abo 'ienatuna, gwama nina 'i'a'ani.

E'ita'ita 12:4 Kruisverwysings

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

1 Pita 5:8

'Enega wada lomata'i'ita 'ai'ailemi 'ami talauwala Seitani 'enega. Manuna Seitani tauna nadigega bosasa mitawaya, tuta yauyauna 'isakosakowasi ta 'i'ebe'ebesa be 'aene 'ana tai 'ida loba, be 'ida 'ani.

E'ita'ita 12:7

'Enega galewaya saiya 'iapwesa. Saiya nina Maikeli ma ina aniloseyao be yobai nina bweyabweyalina ma ina aniloseyao ma'ediyao silosalosaiya.

E'ita'ita 12:9

Yobai nina bweyabweyalina ta sinabwana, tauna gimimwata 'ana esana Seitani, 'atuwa Taumudumudulele, tauna bale'u 'ana tokabo. Tauna ma ina aniloseyao maibo'adi bale'uya siula mwa'utedi.

E'ita'ita 13:2

Ta yobai nina ya'itena 'ana 'ita 'atuwa sipu, ta sinabwana, ta 'aenao 'adi 'ita 'atuwa beya 'aedi, ta 'awana 'atuwa laiyoni 'awadi. Ta gimi yobai nina bweyabweyalina 'ina waiwai yobai nina olega 'i'ebwa'ena, ta wate 'ina 'ebemi esaesa be 'ina loina sinabwana 'i'ebwa'ena.

E'ita'ita 13:4

Ta wate tomota yauyaudi gimi yobai 'enaya sibwagobwago, manuna ni'atu loina 'i'ebwa'ena yobai nina olega 'ena. Ta wate yobai nina olega 'ena sibwagobwago, ga sigwae, “Nigeya 'ebweu yaita 'ina waiwai yobai gete nadigega, be 'enega 'ena 'ida losaiya.”

E'ita'ita 16:13

Ta yaluyaluwa bi'i 'etoi, 'adi 'ita 'atuwa kwekwe, ya'itedi siapweapwesama yobai nina bweyabweyalina 'awanega, be wate yobai nina olega ta wate 'ina palopita kabokabo nina 'awadiyega.

E'ita'ita 17:18

“Ta waine nina 'u'itena, tauna 'asa sinabwana, ta 'iloiloina bale'u 'ana kiniyao maibo'adi 'ediya.”

E'ita'ita 20:2

ga 'igiyaina yobai nina bweyabweyalina, tauna gimimwata ta Taumudumudulele nina, nate Seitani, ga 'iyonina be 'ana laba tausani yakwala sigugumwala.

E'ita'ita 8:10

'Enega anilose 'etonina 'ina yoguli 'imu'ena, ta kwadima sinabwana 'i'ala'alata 'ana 'ita 'atuwa gudala galewega 'ibe'uma, ta bale'u nina 'ana weyala 'etoi ga 'ebweuna weyala nina 'ena kwadima 'ibe'u ga bwasinao sidalele.

E'ita'ita 8:11

Kwadima nina 'ana esana Dalele, ta tomota yaudi bwasi nidi daleledi 'ediyega sinuma ga simwawasa.

E'ita'ita 8:12

'Enega anilose eatana 'ina yoguli 'imu'ena ga sinala senana 'ebweu 'iguguyoi ta sena 'eluwa bobo'adi, ta wate nawalae senana 'ebweu 'iguguyoi ta sena 'eluwa bobo'adi, ta wate kwadimao 'abo taweyalidi sena 'etoi 'ediya, 'ebweu sena 'ana kwadimao siguguyoi, ta sena 'eluwa 'ediya simaemaedana. 'Enega 'asiyata maibo'ana 'ana weyalao 'etoi, 'ebweu tuta guguyoi, ta 'eluwa bobo'adi. Nadigega wate boiboi, 'ebweu tuta guguyoi, ta 'eluwa bobo'adi.

E'ita'ita 8:7

Ta 'ebweu 'ina yoguli 'imu'ena ga 'usana 'ana 'ita dumadumana 'iebusi, 'ana 'ita aisi pulipulidi nadigega, ga wate kaiwe 'ala'alasina ta lala ma'edi sisagusaguma bale'uya, ga 'i'alasina. 'Eguma bale'u maibo'ana 'ana weyala 'etoi, 'ebweu sena 'i'alasi ta 'eluwa sena nigeya. Ta sena nina 'i'alasina 'enaya kaiwe be pwatula maibo'adi wate 'i'ala egumwalidi.

E'ita'ita 8:8

'Enega anilose 'eluwena 'ina yoguli 'imu'ena, ta 'ebweu yage 'ana 'ita 'atuwa nadigega 'oya sinabwana 'isabesabeluluma ga ni'uya siulena, 'enega ola 'ielala. 'Abo ola maibo'ana 'ana weyala 'etoi, ta 'ebweuna 'ediyega 'ielala, ta 'eluwa bobo'adi.

E'ita'ita 8:9

Ta ola nina 'ielala solanaya iyana maibo'adi simwawasa, ta waga maibo'adi 'enaya sieligeidi.

E'ita'ita 9:10

Ta wate mayuyudi, 'atuwa ganiyeya yuyudi, manuna yuyudiyega sawesawediya be tomota sibadidi, be nawalae nima 'ediya si'elo'elouya.

E'ita'ita 9:19

Manuna osi nidi 'idi waiwai 'awadiya be yuyudiya simiyami, ta yuyudi nidi 'atuwa mwata ma'awadi, ta 'ediyega tomota sigie'elouyaedi.