2 Timoti 2:5 - Loina Tabu Auwauna NT

⁵ Toepili nadigega, 'eguma epili 'ana loina nigeya 'imulimuliyei, geya'abo pali 'ilobaloba.

2 Timoti 2:5 Kruisverwysings

Luke 13:24

“O nadigega, ta esi wada toowaiwai be walulugu 'awa nina gidalina 'enega. Manuna yaudi sitoo be 'aene silulugu ta siso'iyoge.

Pilipai 1:15

'Aina tologuguyao e'ipi'ipiyega siloguloguguya Keliso manuna, ta 'aidi wate obobomega siloguloguguya,

Kolose 1:29

Gete manuna 'abo'agu yaetaetapewa, ta yaewaiwai, tauna 'ina waiwai 'ateguya 'i'ebwa'eguya 'enega.

Ibeliu 12:4

Ta 'omi tuta nina bubuna to'umalina walosaiyena 'imi miyamwau gidalina tuga, ta tomota nigeya siloeloemwawasimi Yesu nadigega.

Ibeliu 2:7

'Enega tuta kukupana namo manuna 'usa'u ebusiyena, aniloseyao 'agulaudiya, ta muliyega 'ana 'amayaba be 'ana tupu sinabwana 'u'ebwa'ena.

Ibeliu 2:9

Ta Yesu esi ni'atu ta'itena, 'aene tuta kukupana namo 'ena 'imiyaebusi aniloseyao 'ubunidiya, ta muliyega 'ana 'amayaba be 'ana tupu sinabwana 'ilobedi 'ina 'elouya be 'ina mwawasa 'ediyega. Nate Yaubada 'ina oboboma 'edaya, manuna Yesu mwawasa 'ana 'elouya 'ilotoona maibo'ada manuda.

Yemesa 1:12

'Abo yaita 'oyo 'ebe toonayao 'ediyega 'utoolo pa'ala, 'uda gwausowala. Manuna 'amu pali bobo'ana Yaubada 'enega 'uda loba, nate yawasi ataya. Gete Yaubada 'ina onaupaupa maibo'ana 'edaya, 'abo taobobome.

1 Pita 5:4

Be 'enega tuta nina To'ita'i'ita sinabwana 'iapwesama, tauna 'enega 'ami pali bobo'ana ta miyamiya atayana waloba.

E'ita'ita 2:10

Ta geya'abo wamatamatauta 'abo to yage 'ena 'elouya waloba. Wada nuwa'i'isi 'aene 'etamo Seitani 'ida wasegigiyemi be 'aimi sida yonimi be deliya sida sa'umi, ta esi 'ami mwau nidi 'asiyata sanau dimo manudi. “Ta wada toolopa'ala 'ana laba mwawasa, be 'enega yawasimi ataya yada 'ebwa'emi.

E'ita'ita 3:11

“'Iabe yawawa, ta to'ase nadigega 'emiya 'imiyami wada giyai'i'isidi, be geya'abo yaita pali nina 'emiyega 'i'ewa'ewa yaule.

E'ita'ita 4:10

Ta tuta yauyauna 'abo yobai getedi siwaliwali, 'inapwanao site tuweniti powa nidi sibe'ube'u sanamwa'uta Tauna miyamiya atayana 'ina 'ebemi esaesa matanaya, ta sibwagobwago 'enaya. Ta 'adi peyaula goula 'ebemi esaesa matanaya sisa'u ebusiyedi, ga sigwaegwae:

E'ita'ita 4:4

Ta 'ebemi esaesa wate 'adi yau tuweniti powa simiya sakowasiyena, ta 'ebemiya nidi 'ediya 'inapwanao site tuweniti powa simiyatowa ma 'adi 'oama wakewakekedi, ta wate ma 'adi peyaula esaesa goula debadiya.