2 Timoti 1:8 - Loina Tabu Auwauna NT

⁸ 'Enega geya'abo 'ida 'Inapwana tetelina 'ana simana manuna 'uomayamaya. 'Abo'agu wate 'igu lugu deliya 'Inapwana 'ina guinuwa manuna geya'abo manuna 'uomayamaya. Ta 'oyo wate ma'etamo Yesu tetelina manuna 'aina miyamwau 'emuya siapwesa, ta 'ilobwenemu be Yaubada 'ina waiwaiyega 'utoolopa'ala.

2 Timoti 1:8 Kruisverwysings

Maki 8:38

“'Abo'agu Tomota Natuna, ta 'abo yaita 'oyo manugu 'uomayamaya ta wate 'igu e'ita manuna 'uomayamaya be 'ueyaseyaseyegu 'epata gete to'umalidi ta sogasogalidi matadiya, ma'etamo yada eyaseyaseyo, tuta nina Tamagu 'ina esaesa tuyatuyayalina 'enega yaila limanama, ta wate aneloseyao ma'egwao.

Luke 9:26

“'Abo'agu Tomota Natuna, ta 'abo yaita 'oyo manugu 'uomayamaya ta wate 'igu e'ita manuna 'uomayamaya be 'ueyaseyaseyegu, ma'etamo yada eyaseyaseyeyo tuta nina 'abo ma 'agu tupu yailama, ta wate Tamagu be 'ina aniloseyao ma idi esaesa ma'egwao.

Yoni 15:27

ta 'omi wate wada etosimana manugu, manuna 'igu paisewa 'ana 'ebe e'ale'unu 'enega ga batuwa 'omi ma'egwao.”

Yoni 19:35

'Abo'agu 'ana tomuliya 'ebweu ga mataguyega ya'itena, 'enega gete manuna yaonaona 'emiya, be ona 'ai'aila nidi getedi wada mwalatonidi be 'enega wada emisa.

Guinuwa 5:41

Ta sili'amidi ga siapwesa, ga sitauya taudi 'idi boda 'ediya ma idi gwausowala, manuna sawesawediya be 'elouya nidi silobadi Yesu 'ana esana manuna.

Loma 1:16

Tetela nina 'ana guguya manuna nigeya yada omayamaya, manuna Yaubada 'ina waiwai 'ena 'imiyami be 'enega 'abo yaisigedi taudi siemisa 'ida 'etoseyedi, ta nugana 'abo'ama me Yudia 'emaya, ta 'enega muliyega 'omi nigeya me Yudia 'emiya.

Loma 16:25

'Enega gete tuga Yaubada tada tupuna, manuna tauna sawesawenaya be 'igiepa'alimi, 'abo'agu 'igu loguguya 'enega, nate Yesu Keliso tetelina 'enega. Tetela gete gimi tutaya kwaikwaiyina,

Loma 8:36

manuna Buki Tabu 'ena onaupaupa 'ebweu 'igwae, “'Asiyata 'ebweuna 'ebweuna 'ediya 'imu guinuwa manuna 'ebe mwawasa 'ena 'atootoolo, 'atuwa nadigega sagali bawenao sabi loemwawasidi.”

Loma 9:33

Buki Tabu 'ena 'ebe esetupe gete manuna 'isimanena, 'igwae, “Wa'ita'i'isimi manuna gulewa nina 'iabe Sayoni 'ena yasa'ui, be tomota yaudi 'ena siesetupedi be sibebe'u, ta 'abo yaisigedi tauna gulewa nina siemisei, geya'abo wate omayamaya silobaloba.”

1 Kolinita 1:6

Ta wate yalokalokagutokiyena manuna Keliso nina wa'awa'ai'ailena ga tetelina waemisena,

2 Kolinita 6:7

be ona 'ai'aila, ta wate Yaubada 'ina waiwai 'emaya, gete 'ima gwegwe saiya 'ataimega be gegeumimega, nate 'ima bubuna palupaluna.

Epeso 3:1

Gete manuna 'abo'agu Paulo yabwagobwago ta yasidasida Yaubada 'enaya, tauna 'igu paisewa 'i'ebwa'eguya 'omi nigeya me Yudia 'emiya, ta gete tuga Keliso 'ina guinuwa manuna deliya sisa'u luguyegu ga yamiyami.

Epeso 3:13

'Enega 'igu 'elouya manumi bada geya'abo manuna 'atemi sineeneta, ta esi wada mwalatoni 'aene 'igu 'elouyao getedi 'omi 'ami 'etoseyana manuna.

Epeso 4:1

'Enega yasida 'emiya be 'omi wada bubuna bobo'ana, gete tugai 'abo'agu deliya yamiyami 'Inapwana 'ina guinuwa manuna, ta 'omi 'Inapwana nina tauna ni'atu 'ibwauyemi 'ina guinuwa manuna, 'enega 'ilobwenemi be to'ase 'ina guinuwa nina 'ana lobwene wada bubuna

Epeso 4:17

Gete wate 'Inapwana 'ana esanega yaloguguya 'emiya 'aene bubuna tomiya apwesa nadigega walosa'u, manuna 'idi nuwanuwa besobeso 'ediyega

Pilipai 1:7

Ona'ai'aila, 'ilobwenena be manumi to'ase yalotolotoona nadigega, manuna 'omi nuwagu wa'ewena, manuna 'omi ma'egwao Yaubada 'ilemelemeda gete tuga deliya yamiyamiya, ta 'ilemelemeda wate tetela bobo'ana 'ana e'ita be 'ana 'ebe ewaiwai 'ediya.

Pilipai 3:10

Nuwanuwagu wate Keliso yada mwalatoni be 'ina toololimana 'ana waiwai yada lotoo, be 'ina 'elouya wate tauna nadigega yada lotoodi, nai 'ina mwawasa yada etotowane,

Pilipai 4:13

sawesaweguya miya maibo'adi 'ediya yada gwausowala tuga, manuna tauna ma'iyagu 'amiyami ni'atu 'igiewaiwaiyegu.

Kolose 1:11

Ta wate tauna 'ina waiwai sinabwana 'enega 'ida giewaiwaiyemi, be 'imi guinuwa yauyaudi 'ediya wae'alama'i'ita, be wada toolopa'ala, be wate ma imi gwausowala

Kolose 1:24

'Enega gete tuga 'igu 'elouya 'omi manumi yalobalobadi, ta tuwa tuga ma igu gwausowala. Taugu bwalagu 'ina 'elouya be Keliso 'ina 'elouya 'iloeposeyanena ga 'isinabwa toekalesiyao manudi, nate taudi Keliso oona.

1 Tesalonaika 3:4

Manuna lowa 'abo'ama ma'emiyao tamiyami, ga 'agimisimana 'emiya 'aene miyamwau nidi 'emiya sida apwesa, ga gete tuga ni'atu siapweapwesa.

1 Timoti 2:6

Manuna Keliso taunamo 'itagwalena ga 'ietaliya maibo'ada manuda, ga ale gete, tuta 'ana lobwene 'ai'aila 'enaya, Yaubada 'i'ebwa'eda.

2 Timoti 1:10

ga gete tuga 'ina oboboma nina 'edaya 'igieapwesena, 'ada to'etoseyana Yesu Keliso 'enega. Ta Keliso nina mwawasa 'iloesawalina, ga tetelina bobo'ana 'enega yawasi ataya 'ime'ena 'edaya.

2 Timoti 1:12

Gete manuna 'igu miyamwau yalobena, ta geya'abo manuna yaomayamaya, manuna 'Inapwana nina yaemisena tauna yamwalamwalatoni, ta wate yamwalatonina 'aene guinuwa 'i'ebwa'eguya 'ida 'ita'i'isi be 'ana laba 'asiyata nina sinabwana 'imeemai 'ena.

2 Timoti 1:16

Ta Onesipolo esi manugu nigeya 'iomayamaya 'aene deliya yamiyami, ta 'ina lema tuta yauna 'enega 'agu lotoona 'igiegie bobo'ane, 'enega Yaubada 'ena yasidasida be Onesipolo ma ina bodao 'ida 'atenuwa 'ole'oleyedi.

2 Timoti 2:3

Maibo'ada Yesu Keliso manuna 'ida miyamwau talobaloba. 'Enega 'imu miyamwau nina 'enaya 'utagwaleyo be 'oyo Yesu Keliso 'ina tolosaiya bobo'ana.

2 Timoti 2:8

Ta Yesu Keliso 'unuwa'i'isi, tauna Debida 'ina susu, ta mwawasega 'itoolo limana, nadigega ni'atu yasimanena 'igu loguguya 'ena.

2 Timoti 2:9

'Igu loguguya nina manuna 'abo'agu ni'atu miyamwau yalobena, ga deliya siyonigu, 'atuwa toto'umalina 'ebweu. Ta Yaubada 'ina ona geya'abo 'ebweu yaita 'igiegie losa'u.

2 Timoti 4:17

Ta 'igu etala nina 'enaya Yaubada 'ilemegu ga waiwai 'i'ebwa'egu, ga tetelina maibo'ana yasimanena taudi nigeya me Yudia 'ediya, ta Yaubada 'ina lemega nigeya laiyoni 'ediya si'ebwa'ebwayaegu.

2 Timoti 4:5

Ta 'oyo geya'abo taudi nadigega. Tuta maibo'ana 'utoolo pa'ala ta 'imu miyamwau 'ediya 'ue'alama'i'ita, be tetela bobo'ana 'usimane. Gete 'enega 'iabe 'oyo toguinuwa waiwaiyo Yaubada 'ina guinuwa 'ena.

1 Pita 1:5

Be 'omi oboboma nidi wada lobadi, 'eguma Yaubada waemise 'aene 'ina waiwaiyega 'ida 'ita'i'isimi, be tuta 'ana 'ebe losalowa 'enaya 'etoseyana nina 'igibubunaya manumi 'ida 'ebwa'emi.

1 Yoni 4:14

Ta 'abo'ama matamega Yaubada Natuna 'a'itena, ga manuna 'asimasimana 'aene Tamana bale'uya 'ietunenama 'aene 'ada To'etoseyana.

Yude 1:24

Yaubada nina sawesawenaya 'ilomata'i'isimi be geya'abo wabe'ube'u, 'ana laba tuta nina tauna matanaya 'ime'emi 'ina 'asa 'esasena 'enaya, ma imi bubuna palupaluna, ta wate ma imi gwausowala sinabwana.

E'ita'ita 1:2

'Enega Yoni yage nidi ni'atu 'i'itedi maibo'adi, ga 'isimana apwesena, nate Yaubada 'ina ona, ta wate Yesu Keliso tetelina.

E'ita'ita 1:9

'Abo'agu tasimiya Yoni. Ni'atu taeboda 'ebweuna Yesu ma'edai, ta 'ina 'ebeloina solanaya 'omi be 'abo'agu tae'alama'i'itaneda 'elouya be mwau 'ediya. 'Abo'agu lowa yoniyonigu salu Patimo 'ena, manuna yaloguguya Yaubada 'ina ona be Yesu tetelina.

E'ita'ita 12:11

Ta tasidao nidi ona'ai'aila yawasidi sitagwalena be Keliso manuna simwamwawasa, 'enega Seitani nina ma'edi silosaiya ga taudi siewaiwai. Ta 'idi ewaiwai Lami lalanega, ta wate 'idi simana Lami manuna 'enega.

E'ita'ita 19:10

Ta 'aenaya yabe'u sanamwa'uta ga yabwagobwago 'enaya, ta 'enega 'igwae, “Geya'abo nadigega. 'Abo'agu tuga Yesu 'ina toguinuwa, 'oyo nadigega, ta wate nadigega tasimwao taudi Yesu 'ana tosimanao, Yaubada esi 'ena 'uda bwagobwago.” Manuna Yesu 'ana tosimanao 'adi lotoona nadigega palopitao 'adi lotoona Yaubada yaluyaluwana 'enega.