2 Timoti 1:1 - Loina Tabu Auwauna NT

^1-2 Kagutoki natu'ai'ailigu 'oyo Timoti, 'imu leta gete 'eguyega. 'Abo'agu Yesu Keliso 'ana tosimana, nadigega Yaubada 'ina nuwanuwa ga yaetosimana yawasi bobo'ana Yesu Keliso 'enega manuna. Tamada Yaubada be 'ida 'Inapwana Yesu Keliso ma idi oboboma sida 'atenuwa 'ole'oleyeyo be 'enega 'uda miya gwausowala.

2 Timoti 1:1 Kruisverwysings

Yoni 10:28

ta yawasidi ataya ya'ebwa'edi be 'enega geya'abo sito'uto'umali, ta wate geya'abo 'ebweu yaita nimaguyega 'i'oae'oaegu.

Yoni 17:3

Ta yawasi ataya gete 'abo tomota simwalatoniyo 'aene 'oyo tuga tebweuyo Yaubada 'ai'aila, be wate 'abo To'etoseyana nigu simwalatonigu 'aene 'oyo 'uetuneguma.

Yoni 5:24

“'Enega yasimana 'ai'aila 'emiya 'abo yaisigedi 'igu ona sinonodi be tauna 'ietuneguma siemisei yawasidi ataya sida loba, be geya'abo 'asiyata bwa'omatana 'ena silugulugu, manuna ni'atu mwawasa 'ina sena sipilisinena ga siabala yawasi auwauna 'enaya.

Yoni 6:40

Ta gete Tamagu 'ina nuwena nadigega 'aene 'eguma yaisigedi taudi 'abo'agu natunana si'itagu, be wate siemisegu, yawasidi ataya siloba, ta tuta 'ana 'ebe losalowa 'enaya 'abo'agu mwawasega yada gietoolodi.”

Yoni 6:54

Ta 'abo yaita bwalagu 'i'a'ani be lalagu 'inumai yawasina ataya 'i'ewa, be tuta 'ana 'ebe losalowa 'ena mwawasega yada gietoolo lima.

Loma 1:1

'Abo'agu, Yesu Keliso manuna yaetopaisewa, ta Yaubada 'iesinuwegu be 'ina tetela bobo'ana manuna yada etosimana.

Loma 5:21

'Enega tamwalatonina 'aene to'umalina uwana nate mwawasa 'iewaiwai tomota 'ediya, ta Yaubada 'ina 'ebwayadaita uwana 'iewaiwai wawasae, nate miya bobo'ana be yawasi ataya, 'ida 'Inapwana Yesu Keliso 'enega.

Loma 6:23

Manuna to'umalina 'ana e'isa mwawasa, ta esi Yaubada 'ina oboboma 'ida 'Inapwana Yesu Keliso 'enega, nate yawasida ataya.

1 Kolinita 1:1

'Abo'agu Yaubada 'iesinuwegu be 'aene Yesu Keliso tetelina 'ana tosimana, 'omi me Kolinita toekalesiyao 'imi leta gete tasidai Sositeni 'ilemegu ga ya'etoladinawa, manuna 'omi ni'atu Yesu Keliso 'igie'esasemi ga 'ina boda esiesinuwadi 'ediya waluguma ga wamiyami, taudi wate Yesu Keliso 'ana esanega ma'emiyao wa'awa'awanoi, taudi sena maibo'ana 'ediyega ma'edao 'ida 'Inapwana 'ebweuna tuga, tauna Keliso.

2 Kolinita 1:1

Kagutoki me Kolinita 'omi Yaubada 'ina toekalesiyao, be 'omi wate Yaubada 'ana toemisao sena Akaya maibo'ana solanaya, 'imi leta gete tasidai Timoti 'ilemegu ga 'a'etoladinawa, 'abo'agu Paulo 'eguyega, manuna Yaubada 'ina esinuwega yaetosimana Yesu Keliso manuna.

2 Kolinita 1:20

Manuna Yaubada 'ina onaoboboma maibo'adi 'itagwala Yesu namo 'enega. 'Enega Yesu nina 'ana esanega taloeimeni, ta Yaubada tatupuna.

Galetia 3:26

ta esi 'ida emisega Yaubada maibo'ada 'i'awa natuneda, Yesu Keliso ma'edai.

Galetia 3:28

Manuna maibo'ada Keliso ma'eda, ta nigeya 'ebweu wate weyala soladaya 'imiyami. 'Enega me Yudia be mali bodao leleleya, ta 'inapwanao be 'idi topaisewao leleleya, ta wate me'olotodi be mewainedi leleleya, manuna maibo'ada Yesu Keliso 'enega tae'ebweu,

Epeso 3:6

'aene 'omi nigeya me Yudia sawesawenaya be Yaubada 'ina 'etoseyana walobai, 'abo'ama me Yudia nadigega, ta 'ina 'etoseyana nina lowa 'iona upaupaenaya, ga Yesu Keliso tetelina 'enega talobena, ga taeboda 'ebweu.

1 Timoti 6:19

Gete 'enega 'adi e'isa bobo'ana tuta 'imeemai 'ena siloba, nate yawasidi ataya.

2 Timoti 1:10

ga gete tuga 'ina oboboma nina 'edaya 'igieapwesena, 'ada to'etoseyana Yesu Keliso 'enega. Ta Keliso nina mwawasa 'iloesawalina, ga tetelina bobo'ana 'enega yawasi ataya 'ime'ena 'edaya.

2 Timoti 1:13

Lowa guguya nidi bobo'adi ya'ebwa'emu, Yesu Keliso 'ana emisa be 'ana oboboma manudi, ta 'uda muliya 'ai'ailidi.

2 Timoti 1:9

Yaubada nina 'i'etoseyeda ga 'ibwauyeda 'ina guinuwa bobo'adi sabi guinuwedi. Ona'ai'aila, nigeya 'abo'ada 'ida bobo'ana manuna ga 'enega 'iesinuweda, ta esi tauna 'ina nuwena ta 'ina oboboma 'edaya lowaenei Yesu Keliso 'enega manuna,

2 Timoti 2:1

Natugu Timoti, Yesu Keliso 'ina waiwaiyega 'uewaiwai

2 Timoti 2:10

Gete manuna 'igu miyamwau nidi getedi 'ediyega yae'alama'i'ita, be taudi Yaubada 'iesinuwediya yada lemedi, be 'aene Yesu Keliso 'i'etoseyedi, be gwausowala ataya sida loba.

2 Timoti 2:3

Maibo'ada Yesu Keliso manuna 'ida miyamwau talobaloba. 'Enega 'imu miyamwau nina 'enaya 'utagwaleyo be 'oyo Yesu Keliso 'ina tolosaiya bobo'ana.

2 Timoti 3:15

Ta 'oyo tauyo wate 'imu tuta gwamega ga batuwa Buki Tabu 'ina onao 'ana tosawa, ga 'ie'itemu 'aene 'ida emisa Yesu Keliso 'enaya 'ada 'ebe 'etoseyana.

Taito 1:2

Wate Yaubada 'ina onaupaupa lowaenei siemisena 'aene yawasidi ataya 'i'ebwa'edi, ta nigeya sawesawenaya 'ikakabo.

Taito 1:4

Taito 'oyo ya'awanatu 'ai'ailemu 'ida emisa 'ebweuna 'enega. Tamada Yaubada be 'ada To'etoseyana Yesu Keliso 'idi obobomega sida lemeyo, be 'uda miya guguya.

Ibeliu 9:15

Ona'ai'aila, Keliso nina loina auwauna 'ime'ena ga 'enega tamai be Yaubada ma'edai taegosigosiyana, manuna 'abo 'iesinuweda yawasida ataya 'iona upaupaenaya 'i'ebwa'eda. Manuna 'abo'ada gimi loina tale'oena, 'enega 'ilobwenena be tada mwawasa, ta Keliso manuda ni'atu 'imwawasa sabi 'etoseyeda.

1 Yoni 2:25

be yawasida nina 'iona upaupaenaya 'ida 'ebwa'emi, nate yawasi ataya.