2 Tesalonaika 1:1 - Loina Tabu Auwauna NT

¹ 'Abo'ama Sailasa be Timoti ma'egwao 'imi leta 'a'eto'etoladinawa 'omi toekalesiyao Tesalonaika 'enaya, manuna 'omi Tamada Yaubada be 'Inapwana Yesu Keliso 'adi toemisao.

2 Tesalonaika 1:1 Kruisverwysings

Guinuwa 15:22

'Enega Yesu 'ana tosimanao site tuwelo be toanuganao be toekalesiyao maibo'adi sinuwanuwa leleleya ga 'aidi 'ediyega siesinuwedi be sietunedi be 'aene Paulo be Banaba ma'ediyao sitatauya Anitioki. Ta 'eluwa toekalesiyao 'adi toanuganao 'ediyega siesinuwedi, natedi Yudasa, tauna sieesena Basaba, be wate Sailasa,

Guinuwa 16:1

Ga 'idi sakowasi 'enaya sitauya Debi be Lisitila 'ediya, ga Lisitila 'ena Yesu 'ana tomuliya 'ebweu silobena, 'ana esana Timoti, tauna sinana waine Yudia ta Yesu 'ana toemisa, ta tamana sa'i goma Gilisi.

Guinuwa 17:1

'Enega Amipipoli be Apolonia 'ediyega sitauya ga Tesalonaika 'ena siapwesa, ta Tesalonaika 'ena me Yudia 'idi anuwa tapwalolo 'imiyami.

2 Kolinita 1:19

Nadigega Yaubada Natuna Yesu Keliso, tauna manuna Silibenosi ta Timoti ma'egwao 'aloguguya 'emiya, Yesu nina nigeya 'ida tagwala kabokabo, ta esi tuta maibo'ana 'itagwala 'ai'ailena.