2 Kolinita 4:3 - Loina Tabu Auwauna NT

³ Ta 'eguma 'aina tomota 'ima e'itao nigeya simwalamwalatoni, taudimo esilae 'ina 'eda 'enega sitautauya.

2 Kolinita 4:3 Kruisverwysings

Madiu 11:25

Tuta gote 'enaya Yesu 'igwae, “Kagutoki Tamagu, 'oyo galewa ta bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega, ta esi gogama gidalidi 'ediya 'ue'itaena.

Loma 2:16

Nadigega tuga tetela bobo'ana yaguguyaena 'emiya, 'aene bwa'omatana 'ana tutaya Yaubada Yesu Keliso 'ida loine, be tauna tomota 'idi nuwanuwa kwaikwaiyidi manudi 'ida 'awato'umaliyedi nai 'ida 'awabobo'anedi.

1 Kolinita 1:18

Ona'ai'aila, kelose tetelina taudi yaluyaluwadi mwawamwawasidi si'awa kabokaboei, ta esi 'abo'ada taemisena 'aene Yaubada 'ina waiwai tetela nina 'ena 'imiyami, ga 'enega 'i'etoseyeda.

1 Kolinita 2:6

Mwalatoi 'ai'aila Yaubada 'enega yasimasimana toemisa pa'alidi 'ediya, ta sa'i bale'u gete 'ana mwalatoi nai toloinao gete tuga 'idi mwalatoi sawasawalidi tuga,

2 Kolinita 2:12

Lowa yatauya Tiloasi, Keliso tetelina sabi loguguyaena ga Yaubada 'eda bobo'ana 'igigegena, 'igu loguguya nina manuna,

2 Kolinita 3:14

Ona'ai'aila me Isileli nidi debadi 'ipa'ala, lowaenei ga batuwa, manuna 'etamo tuga gete 'abo loina kadekadelina 'ana sawa sinono, nuwadi sitala bodebodedi 'idi debapa'alega, be geya'abo sinuwanuwa sabwalena, ta Keliso namo sawesawenaya talabodaboda nidi 'i'ewayauledi.

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

1 Tesalonaika 1:5

'enega tuta nina tetela bobo'ana 'a'ebwa'emi, Yaluyaluwa Tabuna ona nina 'igiewaiwaiyena 'emiya, 'enega ona nina wa'awa 'ai'ailena, ta 'abo'ama wate 'ima guinuwa manumi wa'itena, nate guinuwa palupaluna.

1 Timoti 1:11

Ta e'ita palupaluna nina Yaubada 'enega, tauna maedana be gwausowala 'aledi, ga 'igu paisewa 'i'ebwa'eguya be tetelina yaloguguyae tomota 'ediya.