1 Timoti 6:2 - Loina Tabu Auwauna NT

² Wate 'ali'eiyao nidi 'eguma 'idi 'inapwanao ma'ediyao si'awatasina Keliso 'ana emisa 'enaya, be 'enega geya'abo 'idi 'inapwanao 'adi 'amayaba silosalosa'u, ta esi sida etapewa waiwai manudi, be 'idi guinuwa bobo'ana 'ida sinabwa, manuna 'idi 'inapwanao nidi taudi Keliso 'ana toemisao, 'enega obobomega 'ediya sida paisewa. E'ita getedi 'uloguloguguyaedi tomota 'ediya.

1 Timoti 6:2 Kruisverwysings

Madiu 23:8

Ta 'omi 'etamo geya'abo tomota si'awa'awa toe'itaemi, manuna 'imi toe'ita 'ebweuna namo, ta maibo'ami waeleleleya.

Madiu 25:40

“'Enega yada ona 'ediya be yada gwae, ‘Ona'ai'aila, 'eguma yaita 'oyo gosegwao gidalidi 'ebweuna 'ulemei, nate 'ena 'abo'agu wate 'ulemegu.’

Madiu 6:24

Toguinuwa nigeya sawesawenaya be 'ietopaisewa 'ena'iyao 'eluwa 'ediya, ta 'ebweuna 'ida guitoyasei ta esi 'ebweuna namo manuna 'ida paisewa, be 'enega 'ebweuna 'i'awabobo'ane ta 'ebweuna 'i'awato'umaliye. 'Enega nigeya sawesawenaya be Yaubada 'ina guinuwa be esaesa bale'u tagiluwedi.

Guinuwa 1:15

Boda nidi 'adi yau nadigega wani analedi be tuweniti, ga 'ebweu 'asiyata 'enaya Pita gamwagamwanidiya 'itoolo ta 'ieonedi, 'igwae,

Loma 11:17

ga taudi me Yudia nidi 'atuwa nadigega Yaubada 'ina kaiwe, manuna nalinao 'aidi 'ilasedi ga 'omi 'emiyega 'ielopa'eludiya, manuna 'omi mali kaiwe nalinao ta esi 'i'ewemi ga 'ina kaiwe 'ena 'itubwemi, 'enega 'ina kaiwe nina 'ana bwasiyega wanumanuma, nate Yaubada 'ina oboboma tuta yauna walobaloba.

Loma 8:29

'Enega yaisigedi 'abo'ada 'ibwauyeda ni'atu 'iona upaupaeda be 'aene natunao, 'abo'ada tuga nadigega Natunana, 'enega tauna 'ada tomatuwa, ta 'abo'ada 'ana pwedeuyao.

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Epeso 1:1

Kagutoki toekalesiyao 'omi Yesu Keliso 'ana toemisao, 'imi leta gete 'abo'agu 'eguyega. Yaubada 'ina nuwena 'enega yaetosimana To'etoseyana Yesu manuna.

Epeso 1:15

'Enega tuta maibo'ana 'ediya 'omi manumi yalokalokagutoki Yaubada 'enaya, ta yasidasida manumi, manuna tetelimi yanononaya 'aene 'Inapwana Yesu waemisena, ta wate 'ana toemisao maibo'adi 'atemiyega waobobomedi.

Epeso 3:6

'aene 'omi nigeya me Yudia sawesawenaya be Yaubada 'ina 'etoseyana walobai, 'abo'ama me Yudia nadigega, ta 'ina 'etoseyana nina lowa 'iona upaupaenaya, ga Yesu Keliso tetelina 'enega talobena, ga taeboda 'ebweu.

Kolose 1:2

me Kolose, 'omi Yaubada 'ina bodao, ta Keliso 'ana toemisao, 'emiya. Tamada Yaubada 'ina oboboma 'enega wada miyabobo'ana.

Kolose 1:4

manuna tetelimi 'anononaya, 'aene Yesu Keliso waemisena, ta toekalesiyao yauyaudi waobobomedi,

Kolose 4:1

Ta 'omi 'inapwanao, wada loina palupalu 'imi toguinuwao 'ebweuna 'ebweuna 'ediya, manuna wanuwa'i'isi 'aene 'omi wate 'imi 'Inapwana 'imiyami galewaya.

2 Tesalonaika 1:3

Gosemao, 'ilobwenema be tuta yauyauna Yaubada 'ada lokagutokiye 'imi emisa be 'imi eobooboboma taumimo 'emiya 'adi sinabwa manuna.

1 Timoti 4:11

Yage nidi getedi 'uda loguguyaedi, ta 'uda e'itaedi tomota 'ediya.

1 Timoti 5:1

Geya'abo 'enayo setalinega 'inapwanao 'u'ena'ena pa'alidi, ta esi oonuwega 'u'awanoi 'ediya, nadigega 'atuwa tamayo 'u'awa'awanoiye; ta wate 'amu 'epatao 'u'awa'awa tasinedi;

Taito 2:1

Ta 'oyo e'ita palupaluna 'ue'itae,

Taito 2:15

E'ita getedi 'ue'itaedi tomota 'ediya, ta loina palupaluna 'enega 'uguguyadi be sida bubuna bobo'ana. Geya'abo 'ebweu yaita 'ie'idi'idiyeyo.

Taito 3:8

Ona gete maibo'adi ona 'ai'aila, 'enega 'uewaiwai 'adi loguguya 'ena, be 'enega taudi Yaubada 'ana toemisao ona nidi sida muliyedi be guinuwa bobo'adi sida guinuwedi. Gete yage bobo'ana ta tomota 'adi 'ebe lema.

Ibeliu 3:1

Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

Ibeliu 3:14

'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya.

1 Pita 5:1

Toekalesiyao 'idi 'inapwanao 'omi, 'aene yada gienuwa'i'isimi 'imi paisewa manuna. Manuna 'abo'agu 'ebweu wate toekalesiyao 'idi 'inapwana, ga 'abo'agu mataguyega Keliso 'ina 'elouya ya'itena, be ma'etamo 'ina esaesa maemaedanina 'ena yada miyami to tuta 'abo 'ina esaesa nina 'igieapwese.

2 Pita 2:10

Ona'ai'aila, 'eguma toto'umalidi Yaubada 'ina loina siguitoyasei, be 'idi yalakwaiyao baibailidi simulimuliyedi, 'adi e'isa to'umali 'ai'ailina 'i'ebwa'edi. Toto'umalina nidi wate gagasa 'aledi, ta nigeya 'idi 'amayabamo me galewa to'esasedi 'ediya, ta esi si'awa'awa to'umaliyedi.

Yude 1:8

Ta toto'umalina nidi ni'atu 'emiya siluguwaya 'idi bubuna leleleya, manuna taudi 'idi madawalao 'ediyega siloina to'umalina, ga 'idi to'umalinao 'etoi siguiguinuwedi, 'ebweuna oodi sigiegie bailidi, 'eluwena toloinao bobo'adi siguitoyasedi, ta 'etonina tomiya galewa 'esasedi si'awa to'umaliyedi.