1 Timoti 4:10 - Loina Tabu Auwauna NT

¹⁰ manuna tuta gete 'enaya ma ida etapewa be ma ida gwaunuwa, manuna Yaubada miyamiya atayana tebweuna, tomota maibo'ada 'ada To'etoseyana, 'abo taemise. 'Enega 'ida nuwayaina 'enaya ni'atu tasa'una be 'i'etoseyeda.

1 Timoti 4:10 Kruisverwysings

Madiu 16:16

'Enega Saimoni Pita 'ilolagata ga 'igwae, “'Oyo To'etoseyana Yaubada mayawasina natuna.”

Madiu 27:43

Tauna 'aene Yaubada 'ana toemisa, ta 'igwae, ‘'Abo'agu Yaubada natuna.’ 'Enega 'eguma Yaubada nuwanuwana tauna 'ida 'etoseye, aga?”

Yoni 1:29

Ga mali 'asiyataya Yoni Yesu 'i'itena 'imeemai 'enaya, ga Yoni tomota 'ieonedi, 'igwae, “Tai gote tauna Yaubada 'ina Lami, be me bale'u manuda 'imwamwawasa be 'ida bubuna to'umalina maibo'ana 'i'ewayauledi.

Yoni 4:42

ga waine nina sieonena, sigwae, “Ni'atu 'a'awa 'ai'ailemu, nigeya 'aene 'imu ona namo manuna, ta esi 'abo'ama taumamo 'ina ona 'anonona, ga 'enega 'amwalatoi 'ai'ailina 'aene tauna To'etoseyana nina me bale'u maibo'ada manuda.”

Yoni 5:24

“'Enega yasimana 'ai'aila 'emiya 'abo yaisigedi 'igu ona sinonodi be tauna 'ietuneguma siemisei yawasidi ataya sida loba, be geya'abo 'asiyata bwa'omatana 'ena silugulugu, manuna ni'atu mwawasa 'ina sena sipilisinena ga siabala yawasi auwauna 'enaya.

1 Kolinita 15:10

Ta esi Yaubada 'i'atenuwa 'ole'oleyegu ga 'ilemegu. 'Enega nigeya 'ilemalema daidaitegu, manuna ni'atu yaemisa 'ai'ailena ga tosimanao maibo'adi 'idi paisewa yapilisinena, nigeya taugu 'igu waiwaiyega, ta Yaubada esiya 'ina oboboma 'eguya 'enega.

2 Kolinita 1:10

Ta ni'atu 'ebe esilae nina 'enega 'i'etoseyema, ta wate 'anuwayaina 'aene ma'etamo 'ida 'etoseyema tuta maibo'ana 'ediya.

1 Timoti 2:3

'Ada To'etoseyana Yaubada nina nuwanuwana be gete nadigega tada sidasida'esa,

1 Timoti 2:4

manuna Yaubada nina nuwanuwana tomota maibo'adi 'idi to'umalinao 'ediyega 'i'etoseyedi, be nuwadi 'ida sabwalena e'ita 'ai'aila manuna.

1 Timoti 2:6

Manuna Keliso taunamo 'itagwalena ga 'ietaliya maibo'ada manuda, ga ale gete, tuta 'ana lobwene 'ai'aila 'enaya, Yaubada 'i'ebwa'eda.

1 Timoti 3:15

be 'eguma yasoso'i, leta gete 'enega 'umwalatoni to bubuna 'abo'ada totapwalolo 'ilobweneda, tauna 'ida Yaubada mayawasina 'ina boda solanaya, manuna 'abo'ada toekalesiyao 'ina e'ita 'ai'aila 'ana to'ita'i'itao.

1 Timoti 6:17

Ta bale'u 'ana toesaesao 'uemataluwedi be geya'abo sinuwanuwa tu'e 'idi esaesa manudi, ta wate geya'abo siemiemisa 'aene ma'etamo 'ebe lema sinabwana 'idi esaesa 'ediyega silobaloba, manuna esaesa nidi sawasawalidi. Ta esi Yaubada namo 'ena sida emisa, manuna Yaubada tauna To'ebwaya bobo'ana, ta 'ida 'ebe gwausowala maibo'ana tauna 'enega siapweapwesama.

Ibeliu 11:26

Manuna geya nuwana esaesa bale'u nidi Itipita solanaya, ta esi 'elouya Keliso manuna 'iesinuwena, manuna 'imwalatonina 'aene ma'etamo pali bobo'ana 'ilobai.

Ibeliu 13:13

'Abo'ada wate tada tauya 'etauluya Yesu 'enaya, be 'ebe omayamaya tada loba tauna nadigega.

1 Pita 1:21

Ga tauna Keliso nina 'enega Yaubada waemisena 'aene tauna mwawasega 'igietoolo limena ga 'ebemi esaesa 'ena 'isa'una, 'enega 'imi emisa be 'imi nuwayaina wasa'u 'ai'ailidi Yaubada 'enaya.

1 Yoni 2:2

be 'ida to'umalinao 'inuwataudi, manuna Yesu tauna 'italiyaena 'ida to'umalinao manudi, be wate me bale'u maibo'adi manudi.

1 Yoni 4:14

Ta 'abo'ama matamega Yaubada Natuna 'a'itena, ga manuna 'asimasimana 'aene Tamana bale'uya 'ietunenama 'aene 'ada To'etoseyana.