1 Timoti 2:6 - Loina Tabu Auwauna NT

⁶ Manuna Keliso taunamo 'itagwalena ga 'ietaliya maibo'ada manuda, ga ale gete, tuta 'ana lobwene 'ai'aila 'enaya, Yaubada 'i'ebwa'eda.

1 Timoti 2:6 Kruisverwysings

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Maki 1:15

'igwae, “Tuta ni'atu 'iapwesama be Yaubada 'ida etoloina 'edaya. 'Enega 'imi guinuwa to'umalidi 'ediyega wada nuwa'ebuni be Tetela bobo'ana wada emise.”

Maki 10:45

“Ta 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Yoni 10:15

Nadigega tuga Tamagu 'imwalatonigu ta 'abo'agu wate yamwalatonina. Ta wate 'abo'agu yawasigu ni'atu yatagwalena be 'igu sipiyao manudi yamwamwawasa.

Yoni 6:51

'Abo'agu yawasimi 'ana masula galewega yamwa'utama, be 'abo yaita masula nina 'i'a'ani yawasina ataya 'ida 'ewa, ta masula nina ya'ebwa'emi bwalagu tuga, ta bwalagu yatagwalena me bale'u yauyaumi yawasimi manuna.”

Loma 16:26

ta esi gete tuga ni'atu 'igieapwesena 'edaya palopitao 'idi 'etoladiyao 'ediyega, ta wate Yaubada miyamiya atayana 'iloina be 'aene sena maibo'ana tomotediyao tetela gete sida mwalatoni, be 'enega sida emisa be sida muliye.

Loma 5:6

Manuna Keliso 'ina tuta 'ilobena ga 'imwawasa, ta esi 'abo'ada 'etamo 'ida nenetao simiyami, ga Keliso nina 'imwawasa 'ida to'umalinao manudi.

1 Kolinita 1:6

Ta wate yalokalokagutokiyena manuna Keliso nina wa'awa'ai'ailena ga tetelina waemisena,

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

Galetia 1:4

Manuna Tamada Yaubada 'ina nuwanuwa gete nadigega, ga Yesu tauna 'itagwalena ga 'imwawasa 'ida loegesiyao manudi, be 'enega tuta gete to'umalina 'ina waiwaiyega 'i'etoseyeda,

Galetia 4:4

ta muliyega Yaubada natuna 'ina tuta bobo'ana 'ilobena, ga natuna 'ietunenama, ta sinana 'ienatunena, ga 'ietomotai 'emaya, nate 'abo'ama Mosese 'ina loinao siyoniyonima, be 'ediyega 'ida 'etoseyema, ta 'omi wate 'ida 'etoseyemi, be Yaubada maibo'ada ida 'awanatuneda.

Epeso 1:17

Ta 'igu sidasida manumi 'aene 'ida 'Inapwana Yesu Keliso 'ina Yaubada, tauna Tamada ta Toesaesa sinabwana, 'ida gienuwa sabwalenimi, be tauna wada mwalatoi 'ai'aili,

Epeso 1:7

ta Natunana lalanega 'ili'amida 'ida loegesiyao 'ediyega, ga Yaubada 'inuwataudi, nate tauna 'ina oboboma sinabwa wawasae 'i'ebwaya 'edaya. Ta 'ana sinabwa nigeya 'ana 'etopwapwamo.

Epeso 3:5

Ta sinasinapu nina 'epatao taudi sigumwalaya nigeya simwalamwalatoni, ga gete tuga Yaluyaluwa Tabuna 'igieapwesena 'ina tosimanao esiesinuwadi be palopitao 'ediya,

Epeso 5:2

be wate wada eoboobobomemi nadigega Keliso 'ioboboma 'eseda, ga tauna 'itagwalena ga 'italiyaena Yaubada 'enaya manuda, ga 'imwawasa.

2 Tesalonaika 1:10

Manuna 'abo tuta nina 'imamai, 'ana tupu sinabwana 'ida loba 'ina guinuwao 'ebe nuwaowana manudi 'ana toemisao 'ediyega. Ta 'omi lowa tetelina 'a'ebwa'emi ga waemisena, 'enega ma'etamo 'omi ma'emao Yesu 'ina apwesama 'enaya tada tupu.

1 Timoti 6:15

Manuna ma'etamo tuta nina esiesinuwana 'enaya, Yaubada Yesu 'igieapwese. Yaubada nina toloina tebweuna ta bobo'ana, ta toloinao maibo'adi 'idi toloina, ta wate 'inapwanao maibo'adi 'idi 'inapwana.

2 Timoti 1:8

'Enega geya'abo 'ida 'Inapwana tetelina 'ana simana manuna 'uomayamaya. 'Abo'agu wate 'igu lugu deliya 'Inapwana 'ina guinuwa manuna geya'abo manuna 'uomayamaya. Ta 'oyo wate ma'etamo Yesu tetelina manuna 'aina miyamwau 'emuya siapwesa, ta 'ilobwenemu be Yaubada 'ina waiwaiyega 'utoolopa'ala.

Taito 1:3

'Enega Yaubada tauna 'ina onega tuta nina 'iesinuwena 'enaya Yesu 'imai ga yawasida ataya 'igie apwesenama, ga Yaubada, tauna 'ada To'etoseyana, 'iloinegu ga yaloguloguguyae.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Ibeliu 9:12

'Enega Yesu Sena Tabu Wawasae 'ena 'ilugu ma'ebweuna ga lala 'enega 'iguinuwa, ta lala nina nigeya yobai laladi, goti nai bulumakau gidalidi laladi, ta esi tauna lalana ga 'enega 'ada gie'esasa ataya talobena.

1 Pita 2:24

Ona'ai'aila, Keliso tauna oonega 'ida to'umalinao 'i'aalidi kelose 'enaya, be gote 'enega 'aene 'ida bubuna to'umalidi sigugumwala, ta bubuna palupaluna 'enega tatatauya. Tauna 'ana badi 'enega 'imi bobo'ana walobena.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

1 Yoni 4:10

Gete oboboma 'ai'aila, nigeya 'aene 'abo'ada Yaubada 'ana toobobomao, ta Yaubada esi 'ada tooboboma, ga Natuna 'itagwalena be 'italiyaena tauna 'ida loegesiyao manudi.

E'ita'ita 1:5

Ta Yesu Keliso tauna Tosimana 'ai'aila, ta wate tauna mwawasega 'igimi toololimana, ta bale'u 'ana toloinao 'idi kini. Tauna Yesu nina 'iobobomeda ga 'ida loegesiyao lalanega 'i'utu yauledi.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.