1 Timoti 2:4 - Loina Tabu Auwauna NT

⁴ manuna Yaubada nina nuwanuwana tomota maibo'adi 'idi to'umalinao 'ediyega 'i'etoseyedi, be nuwadi 'ida sabwalena e'ita 'ai'aila manuna.

1 Timoti 2:4 Kruisverwysings

Madiu 28:19

'Enega watatauya be sena maibo'adi 'ediya waloguguya, be 'enega tomota sida emisegu, be wate wagiebapitaisoedi Tamagu 'ana esanega be Natuna 'abo'agu 'agu esanega be wate Yaluyaluwa Tabuna 'ana esanega.

Maki 16:15

Ta emataluwa 'i'ebwa'edi, 'igwae, “Watatauya sena maibo'ana 'ediya be teteligu tomota maibo'adi 'ediya waguguyae.

Luke 1:77

ta wate 'ina tomotaiyao 'uemataluwedi be 'aene 'idi bubuna to'umalina 'adi nuwatau 'ediyega 'etoseyana siloba.

Luke 14:23

'Enega 'inapwana nina wate 'igwae, ‘'Eda maibo'adi 'ediya 'uda tauya be tomotai 'ueonadi be simama, be 'enega 'igu anuwa sida loemaa.

Luke 24:47

be 'enega 'ana esanega tetela bobo'ana, nuwa'ebuni be to'umalina 'ana nuwatau manudi sida guguyae. 'Idi guguya nina sida e'ale Yelusalema 'enega be 'ida sakowasi bale'u maibo'ana 'enaya.

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Yoni 17:17

Ta yasida 'emuya be 'imu ona 'ai'ailega 'uda giebobo'anedi be 'imu bodao 'esasedi.

Yoni 6:37

Tomota nidi taudi Tamagu 'i'ebwa'egu ma'etamo 'eguya simama be geya'abo sa'i yae'idi'idiyedi.

Loma 11:14

be 'enega me Yudia, 'omi nigeya me Yudia sida e'ipi'ipiyemi, be 'idi e'ipi'ipi nina 'enega 'ida giesana iledi, be 'etoseyana siloba Yaubada 'enega.

1 Timoti 4:10

manuna tuta gete 'enaya ma ida etapewa be ma ida gwaunuwa, manuna Yaubada miyamiya atayana tebweuna, tomota maibo'ada 'ada To'etoseyana, 'abo taemise. 'Enega 'ida nuwayaina 'enaya ni'atu tasa'una be 'i'etoseyeda.

2 Timoti 2:25

Ta wate 'ada talauwalao 'ediya 'ida bubuna ma'anuwaena 'enega tagiepaludi, be 'enega Yaubada, 'abo kapekapeyana, 'ilemedi be sinuwa'ebuni, be e'ita 'ai'aila simuliyedi,

2 Timoti 3:7

'enega e'ita dumadumadi be dumadumadi 'ana tononoyao, ta 'enega nigeya sawesawediya be e'ita 'ai'aila simwalatoni.

Taito 1:1

Natugu Taito, 'imu leta gete 'eguyega. 'Abo'agu Yaubada 'ina toguinuwa ta Yesu Keliso 'ana tosimana, 'igu guinuwa nina 'i'ebwa'egu be taudi Yaubada 'ana esiesinuwao yagiepa'alidi, be siemisa 'ai'aila, ta nuwadi 'isabwalena, be 'enega mwalatoi 'ai'ailega sida bubuna palupalu.

Taito 2:11

Yaubada 'ina oboboma nina ni'atu 'iapwesama tomota 'ada 'etoseyana manuna,

Ibeliu 10:26

Be 'abo tanuwa sabwaleni to'ase Yaubada 'ana tetela 'ai'aila, be muliyega tatagwaleda bubuna to'umalina 'enaya, nigeya 'ebweu wate taliya 'imiyami sabi gie'esaseda,

Yemesa 3:14

Ta 'eguma wae'ipi'ipi be wagamwasowala mali tomota 'ediya, ta wate taumi 'imi nuwanuwao 'igiegagasimi be e'ita palupaluna wagiegie to'umaliye,

2 Pita 3:9

'Aina tomota 'idi nuwanuwa 'aene Yaubada geya'abo 'iguiguinuwedi yage nidi lowa 'iona upaupaediya. Ta 'omi geya'abo Yaubada 'ina guinuwa so'iso'i manudi wanuwanuwa, ta sa'i ma ina e'alama'i'ita 'iyamwayamwami be maibo'ami wada nuwa'ebuni, ta geya nuwana be 'ebweu yaita 'iloseye.

2 Yoni 1:1

'Abo'agu 'imi 'ena'i, ta 'oyo waine Yaubada 'iesinuwemu manatumwao 'emiya leta gete ya'etoladinawa. Ona'ai'aila, yaobobomemi sinabwana. Nadigega wate taudi 'eda 'ai'aila 'ana tomuliyao siobobomemi,

E'ita'ita 14:6

'Enega wate 'ebweu anilose ya'itena etanega 'itaetaeya, ta tetela bobo'ana ta miyamiya atayana 'ime'ena be 'ida simana me bale'u yauyaudi 'ediya, nate 'ebeloinao be susu be boda 'ebweuna 'ebweuna 'enaya.