1 Timoti 1:15 - Loina Tabu Auwauna NT

¹⁵ Ona gete ona 'ai'aila, ta 'ilobwenena be taemise, manuna Yesu Keliso ni'atu bale'uya 'imai toto'umalidi sabi 'etoseyedi, ta toto'umalidi maibo'adi 'ediyega 'abo'agu toto'umali wawasae.

1 Timoti 1:15 Kruisverwysings

Madiu 1:21

Be ma'etamo natuna me'olotona 'ienatune, be 'ana esana 'ueese Yesu, manuna tauna 'ina tomotaiyao 'idi loegesiyao 'ediyega 'ida 'etoseyedi.”

Madiu 18:10

“Gogama gete nadigega geya'abo 'ebweuna 'ediyega wae'idi'idiye. Ona'ai'aila, gogama nidi 'idi aniloseyao tuta maibo'ana galewaya Tamagu matanaya simiyami, ta siduneduneye.

Madiu 18:11

(-)

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Madiu 9:13

'Enega 'ilobwenemi be Yaubada 'ina ona wanuwa sabwaleni Buki Tabu 'ena 'igwae: ‘Nuwanuwagu 'atenuwa'ole'ole, ta geya nuwagu taliya.’ Gete yamaiya nigeya topalupaludi manudi, ta esi toto'umalidi sabi lemedi.”

Maki 2:17

Ta Yesu ona gete 'inonona ga 'ieonedi, “Taudi bobo'adi geya nuwadi togile'oasa, ta tole'oasao esiya nuwanuwadi togile'oasa. 'Abo'agu yamaiya nigeya topalupaludi manudi, ta toto'umalidi sabi lemedi.”

Luke 15:2

'Enega Palisiyao be loina 'ana toe'itao silomugi, sigwae, “Tai gete toto'umalidi 'iegosigosiyanedi ta wate ma'enao si'e'ai.”

Luke 19:10

Ona'ai'aila 'abo'agu Tomota Natuna, ta yamai be kwanikwanidi yada 'ebesedi be ya'etoseyedi, nadigega tai gete.”

Luke 5:32

'Abo'agu yamaiya nigeya topalupaludi manudi, ta esi toloegesiyao sabi lemedi, be 'aene nuwa 'ebuniyega sida bobo'ana.”

Yoni 1:12

Ta esi tomota pu'epu'edimo 'ina ona siemisena 'aene tauna To'etoseyana nina, ga 'ediya 'itagwala be taudi Yaubada natunao.

Yoni 1:29

Ga mali 'asiyataya Yoni Yesu 'i'itena 'imeemai 'enaya, ga Yoni tomota 'ieonedi, 'igwae, “Tai gote tauna Yaubada 'ina Lami, be me bale'u manuda 'imwamwawasa be 'ida bubuna to'umalina maibo'ana 'i'ewayauledi.

Yoni 12:47

Ta 'abo yaita tauna 'enagu 'inononaya ta nigeya 'iematamatanedi, geya'abo 'ina to'umalina manuna yaetaetalae. Manuna 'abo'agu yamai nigeya sabi etala, ta esi tomotai sabi 'etoseyedi.

Yoni 3:36

be 'enega 'abo yaita tauna 'iemisena yawasina ataya 'ida loba, ta 'abo yaita tauna 'iguitoyasena geya'abo wate yawasina ataya 'ilobaloba, ta esi Yaubada 'ina gamwasowala 'enaya geya'abo 'isawasawala.”

Guinuwa 11:1

Ta Yesu 'ana tosimanao, ta wate toekalesiyao, taudi Yudia 'ana tomiyanao, ni'atu tetela sinonona 'aene 'aidi tomota taudi nigeya me Yudia ni'atu Yaubada 'ina ona siemisena.

Guinuwa 11:18

Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Guinuwa 3:26

Ta Yaubada 'ina 'ali'ei Yesu mwawasega 'igietoolo limena, ga 'omi me Yudia 'emiya 'igimi etunenama, be 'ina oboboma 'emiya nate 'aene 'imi loegesiyao 'ediyega wada nuwa'ebuni, ta mali bodao muliyega.”

Loma 11:14

be 'enega me Yudia, 'omi nigeya me Yudia sida e'ipi'ipiyemi, be 'idi e'ipi'ipi nina 'enega 'ida giesana iledi, be 'etoseyana siloba Yaubada 'enega.

Loma 5:6

Manuna Keliso 'ina tuta 'ilobena ga 'imwawasa, ta esi 'abo'ada 'etamo 'ida nenetao simiyami, ga Keliso nina 'imwawasa 'ida to'umalinao manudi.

1 Kolinita 15:9

Ta wate 'abo'agu tai to'umaligu. Manuna Yaubada 'ana toemisao yagie'elouyaedi 'enega Keliso 'ana tosimanao maibo'adi sibobo'ana sinegu.

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

1 Timoti 1:13

Tuta lowa nigeya nadigega, manuna tuta nina 'ena Keliso ya'awa to'umaliyena ta 'ina bodao yaetalauwaledi, ta tuwa tuga Yaubada 'imwalatonina 'aene yage nidi to'umalidi yaguinuwedi taugu 'igu emwagemwageyega, ta wate nigeya yaemiemise, 'enega 'i'atenuwa 'ole'oleyegu,

1 Timoti 1:19

ma imu emisa waiwaina ta ma imu nuwanuwa bobo'ana, tuta maibo'ana 'ediya. Manuna 'aina gosedao nuwanuwa bobo'ana siguitoyasena, 'enega 'idi emisa 'ineneta ga sibe'u.

1 Timoti 3:1

Ona'ai'aila, 'eguma yaita nuwanuwana be 'ietoanugana, nate paisewa bobo'ana,

1 Timoti 4:9

Ona gete ona'ai'aila, 'enega tada tagwaleda 'enaya,

1 Timoti 6:13

'Oyo Timoti yaloineyo Yaubada matanaya, tauna yage yauna yawasidi 'ana to'ebwaya, ta wate Yesu Keliso matanaya, tauna lowa Ponitio Pailato 'enaya ona 'ai'ailega 'iona.

2 Timoti 2:11

Ona getedi ona'ai'aila 'aene: “'Eguma Keliso ma'edai tamwamwawasa, ma'etamo ma'edai yawasida bobo'ana taloba.

Taito 3:8

Ona gete maibo'adi ona 'ai'aila, 'enega 'uewaiwai 'adi loguguya 'ena, be 'enega taudi Yaubada 'ana toemisao ona nidi sida muliyedi be guinuwa bobo'adi sida guinuwedi. Gete yage bobo'ana ta tomota 'adi 'ebe lema.

Ibeliu 7:25

Ta Yesu nina tuta maibo'ana sawesawenaya 'i'etoseyeda, 'eguma 'ana emisega talulugu Yaubada matanaya, manuna Yesu miyamiya atayana, ta tuta yauna manuda 'isidasida Yaubada 'ena.

1 Yoni 3:5

Ta wate tamwalamwalatoni 'aene Keliso nina 'imai 'ida bubuna to'umalidi sabi 'ewayauledi, ta tauna nigeya 'ebweu wate 'ina to'umalinamo.

1 Yoni 3:8

Ta toto'umalidi nate taudi Seitani 'ina bodao, manuna gimituta 'enega ga batuwa Seitani tauna toto'umalina. 'Enega Yaubada Natuna 'ietunena ga bale'uya 'imai Seitani 'ina guinuwao sabi 'ausepaledi.

1 Yoni 5:11

Ta 'ina simana nina 'aene Natunana 'enega yawasida ataya 'i'ebwa'eda.

E'ita'ita 21:5

'Enega 'ebemi esaesa 'ana tomiya nina 'igwae, “Yage yaudi yada gieauwaudi”, ga wate 'igwae, “Ona getedi 'u'etoladidi, manuna ona 'ai'aila ta palupaluna.”

E'ita'ita 22:6

'Enega anilose nina 'ieonegu, 'igwae, “Ona getedi ona 'ai'aila ta palupaluna, manuna 'Inapwana Yaubada tauna yaluyaluwana 'ana to'ebwaya palopitao 'ediya, ga 'ina anilose 'ietunena be 'ina toguinuwao 'ediya 'ida e'ita to'ase 'iabe 'iapwesama manuna.”

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.