1 Pita 3:8 - Loina Tabu Auwauna NT

⁸ Gete 'igu ona 'ana 'ebe losalowa 'emiya 'aene 'imi nuwenuwega be 'ami lotoonega wada e'ebweu be wada eoboobobomemi, be ma imi nuwamwa'uta wada 'atenuwa 'ole'oleyemi.

1 Pita 3:8 Kruisverwysings

Madiu 18:33

'enega 'oyo wate 'ilobwenemu be gosiyamuna 'uda 'atenuwa 'ole'oleye be 'ina lowaga wate 'uda nuwatau.’

Luke 10:33

Ta muliyega 'ebweu goma Samelia 'iapwesama ga tai nina 'i'itena ta 'i'atenuwa 'ole'oleyena,

Guinuwa 2:1

Ga muliyega 'emasula 'ana esana Penitikosi 'ana 'asiyata 'enaya Yesu 'ana toemisao maibo'adi ni'atu sideli egogonama,

Guinuwa 27:3

Ta tomwa 'iulisina ga Saidoni 'ena 'alugu, ta Yuliasi Paulo 'i'atenuwa 'ole'oleyena ga 'itagwalena ga 'itauya gosenao 'ediya, be sida 'ita'i'isina.

Guinuwa 28:7

Salu nina 'ana 'inapwana 'ana esana Pubiliasi, ta 'ina 'asa sena nina 'ena 'alugu selabenaya, ga Pubiliasi nina 'i'au'ewema, ga 'asiyata 'etoi 'ediya 'i'ita'i'isi 'ai'ailima.

Guinuwa 4:32

Boda nidi Yesu siemisena, ta 'idi nuwanuwa maibo'ana leleleya, ta nigeya sida egewagewana be sida gwae, “'Igu yage gete, ta 'omi nigeya.” Ta esi 'idi gwegwe maibo'adi sitagwaledi boda maibo'adi 'idi guinuwa manudi.

Loma 12:10

Gosemiyao wada oboboma 'ai'ailedi be wada 'amayabedi,

Loma 15:5

'Enega tanuwa'i'isi 'aene Yaubada tauna 'alama'i'ita be giepa'ala 'alena, 'enega tauna sawesawenaya be 'igiepa'alida be tada nuwanuwa 'ebweuna, nadigega Yesu Keliso 'ina nuwanuwa,

1 Kolinita 1:10

Tasigwao, gete 'igu loguguya 'emiya 'ida 'Inapwana Yesu Keliso 'ana esanega be 'aene wanuwanuwa leleleya be waona leleleya, ta esi geya'abo waegewagewana nai waweyaweyalimi.

1 Kolinita 12:26

manuna 'abo welawela'ada 'ebweuna 'iuuya ooda wate maibo'ana si'elouya. Wate 'abo welawela'ada 'ebweuna ma ina gwausowala ooda wate maibo'ana sigwausowala.

Epeso 4:2

ma imi nuwamwa'uta, be ma imi 'atetagwala, be ma imi 'alama'i'ita, be 'ebweuna 'ebweuna wada eobooboboma, be wada 'atenuwa'ole'ole gosemiyao 'ediya,

Epeso 4:31

Ta wate to'umalina getedi wada guitoyasedi: nuwato'umali, gamwasowala, 'asona, 'awa to'umalina, ta wate ona sinala,

Epeso 4:32

ta esi wada eobooboboma, be 'atenuwa 'ole'oleyega gosemiyao 'idi to'umalina wada nuwatau 'ebweuna 'ebweuna 'enaya, nadigega Yaubada 'imi to'umalinao Keliso 'enega 'inuwatau'esedi.

Pilipai 2:3

Geya'abo wanuwanuwa tu'e nai wae'ipi'ipi, ta esi wanuwa mwa'uta, be gosemiyao 'adi esanao wagilagasidi.

Pilipai 3:16

Ta sa'i 'ilobweneda be yage nidi talobediya tagiyai 'i'isidi.

Kolose 3:12

Ta 'omi Yaubada 'ina obobomega 'iesinuwemi tauna manuna, 'enega 'ilobwenemi be wa'atenuwa 'ole'ole, be waeobooboboma, be wanuwamwa'uta ma imi 'atetagwala ta ma imi e'alama'i'ita,

Ibeliu 13:1

'Enega wada eobooboboma taumimo 'emiya.

Yemesa 2:13

Manuna 'abo yaita nigeya gosenao 'i'ate'atenuwa 'ole'oleyedi, Yaubada nadigega geya'abo tai nina 'i'ate'atenuwa 'ole'oleye. Ta 'abo yaita to'atenuwa 'ole'ole, geya'abo Yaubada 'ina bwa'omatana 'imatamataute.

Yemesa 3:17

Ta 'abo yaita 'ina sinasinapu galewega 'imai, tauna 'ina bubuna nugana 'esasena, ta wate nuwasiwalowa 'alena, bubuna nuwana 'alena, egosigosiyana 'alena, 'atenuwa'ole'ole 'alena, ta 'aina wate uwanao bobo'adi siapweapwesa, ta nigeya gosenao 'ida e'idi'idiyedi nai 'ida kaboedi.

Yemesa 5:11

Ta 'abo yaisigedi taudi nadigega tada eesedi togwausowala, manuna mwau nidi 'ediyega sitoolopa'ala. Ta gete wate 'ebweu 'ebe'ita Yobi 'ina 'alama'i'ita manuna. Ni'atu wamwalatonina 'aene Yobi nina 'ina miyamwau 'ana 'ebe losalowa 'enaya, 'ana 'etoseyana 'ilobena 'ida 'Inapwana 'enega. Manuna tauna 'Inapwana nina oboboma ta 'atenuwa'ole'ole 'alena.

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

1 Pita 2:17

'Enega tomota maibo'adi wada 'amayabedi, ta gosemiyao taudi Yesu 'ana toemisao wada obobomedi. Yaubada 'ena wada 'amayaba sinabwana, be wate kini wada 'amayabe.

1 Pita 5:5

'Enega 'omi wate tubu lagalagao 'inapwanao wada 'amayabedi, be maibo'ami wada nuwamwa'uta be 'ebweuna 'ebweuna 'emiya wada elemalema. Nadigega tuga Buki Tabu 'isimana, 'igwae, “Yaubada tonuwatu'e 'i'etobodedi, ta esi tonuwamwa'uta 'iobobomedi.”

2 Pita 1:7

esikisina egosigosiyana, ta 'ebe losalowa oboboma.

1 Yoni 3:14

Ta tamwalamwalatoni 'aene mwawasa 'ina sena ni'atu taebesinena, manuna 'atedega gosedao taoboobobomedi, ga yawasida ataya ni'atu talobena. Ta 'eguma yaisigedi taudi nigeya oboboma 'atediya, taudi tuga ma'etamo mwawasa 'ina sena 'ena simiyami.