1 Pita 2:1 - Loina Tabu Auwauna NT

¹ 'Enega 'imi to'umalinao be 'imi kabokaboyao onega be guinuwega, be 'imi e'ipi'ipiyao, be 'imi 'awato'umaliyao wada guitoyasedi,

1 Pita 2:1 Kruisverwysings

Madiu 15:7

“Ona'ai'aila 'omi tokabokabo. Lowaenei Aisea palopita manumi 'ionaupaupa 'ai'aila, tuta nina Yaubada 'ina ona 'isimanena, 'igwae,

Madiu 23:28

'Omi 'ami 'ita tomota matadiya 'aene toanuganao bobo'ami, ta solamiya kabo be to'umalina yauna simiyami.

Madiu 24:51

'iabe anuwega 'ipa'i be e'isa to'umalina 'i'ebwa'e tokaboyao 'idi senaya, sena gote 'ena sidedoi be siesala'i'ita 'elouya 'enega.

Madiu 7:5

Ona'ai'aila 'oyo 'ebweu tokabo, aga? Ta esi kegabugabu matamuyega 'uda gimi'ewa yaule, be 'enega 'udune 'ai'aila ta muliyega tasimuna matanega kaiwe senasenamina 'u'ewayaule.

Maki 12:15

Takisi nina taemaisi Kini 'enaya, nai nigeya?” Ta Yesu 'idi kabo ni'atu 'imwalatonina, 'enega 'ieonedi, 'igwae, “To'ase manuna watootoogu? Abaga mani nina wame'e be ya'ita.”

Luke 11:44

“Ona'ai'aila sa'i nuwa'ole'olemi, manuna 'atemi 'atuwa nadigega 'ali'ali mapwatulidi, tomota 'ediyega sitautauya ta nigeya simwalamwalatoni 'aene 'ali'ali.”

Luke 12:1

Pwalu sinabwa wawasae sideli egogonama ga siegigigila, ta Yesu 'iona nugana 'ina tononoyao 'ediya, 'igwae, “Wada 'ita'i'isimi ta Palisiyao 'idi guinuwa kabokabo geya'abo waguiguinuwedi, manuna 'idi guinuwa 'atuwa nadigega pwalawa 'ana 'ebe gieseseya. 'Ebe gieseseya nina 'abo to'ase nadigega gidalina 'iabe 'igiesinabwa,

Luke 6:42

'Enega geya'abo tasiyo 'ueonai be 'ugwae, ‘Tasigu, 'ilobwenegu be 'aene kaiwe senasenamina matamuyega ya'ewayaule,’ manuna 'oyo wate kegabugabu sinabwana matamuya 'imiyami nigeya 'u'ita'ita. Ona'ai'aila 'oyo 'ebweu tokabo, aga? Ta esi kegabugabu matamuyega 'uda gimi 'ewayaule, be 'enega 'udune 'ai'aila ta muliyega tasimuna matanega kaiwe senasenamina 'u'ewayaule.

Yoni 1:47

Ga tuta nina Yesu Nataniela 'i'itena ga tomota 'ieonedi Nataniela manuna, 'igwae, “Tai gote tauna goma Isileli ta nigeya 'ebweu wate kabo 'enaya.”

Loma 1:29

'Enega bubuna to'umalina maibo'ana 'iloemaedi, nadigega tomatagwegwe be, tobubuna geyogeyoi be, nadigega taudi e'ipi'ipi 'aledi be, loemwawasa 'aledi be, toegewagewana be, toekabokabo be, taudi toe'idi'idi be, taudi tolomugiyao be,

1 Kolinita 14:20

Gosegwao, geya'abo 'imi nuwanuwa gogama nadigega, ta esi wada nuwanuwa tai sinabwadi nadigega. Ta geya'abo guinuwa to'umalina manudi wanuwanuwa be 'aene wamwalatonidi.

1 Kolinita 5:8

'Enega 'ida sagali nina tada guinuwe, nigeya ma ida bubuna kadekadelina ta to'umalina 'ediyega, ta esi ma ida bubuna bobo'ana ta palupaluna 'ediyega.

2 Kolinita 12:20

Ona'ai'aila ya'atesa'ala, ta geya nuwagu yawawai be 'imi bubuna ya'italoba 'aene nigeya bobo'ana, be 'igu wai manuna wada nuwamwau, 'abo taumimo waegewagewana be wae'ipi'ipi ta wagamwasowala, nai walogwegwe diidiga, ta gosemiyao wa'awa to'umaliyedi, be wanuwatu'e, nai waguinuwa besobeso.

Epeso 4:31

Ta wate to'umalina getedi wada guitoyasedi: nuwato'umali, gamwasowala, 'asona, 'awa to'umalina, ta wate ona sinala,

1 Tesalonaika 2:3

nigeya kaboega, nai nigeya ona to'umalina 'enega, ta esi ona'ai'aila 'enega.

1 Timoti 3:11

Mwanediyao wate ma idi nuwanuwa palupaluna, be geya'abo gosediyao si'awa'awa to'umaliyedi, ta geya'abo bwasi waiwai sinumanuma diidiga, ta esi sida gwaunuwa 'ai'aila.

Taito 2:3

Kaiyaleyao wate 'ueonadi be 'idi bubuna ma idi 'amayaba, be geya'abo tomota si'awa'awa to'umaliyedi, be geya'abo oine sinumanuma diidiga, ta 'ilobwenedi be bubuna bobo'ana sie'itaedi iine enatunadaya 'ediya,

Ibeliu 12:1

Ga 'enega toemisao yaudi galewega siduneduneyeda, be 'ilobweneda yage mwaudi 'edega tada gisinedi, be 'enega tada pili waiwai epili nina 'ana 'eda 'enega, ta wate bubuna to'umalina nidi sigiyagiyaida tada gisinedi.

Yemesa 1:21

'Enega 'imi bubuna be 'imi guinuwa to'umalidi wada pilisinedi, be wada tagwalemi Yaubada 'enaya, ta wate Yaubada ona nina 'atemiya 'iasonaya wada emisei, be wada ematamatane, be 'enega 'etoseyana waloba.

Yemesa 3:14

Ta 'eguma wae'ipi'ipi be wagamwasowala mali tomota 'ediya, ta wate taumi 'imi nuwanuwao 'igiegagasimi be e'ita palupaluna wagiegie to'umaliye,

Yemesa 4:11

Tasigwao, geya'abo tasimiyao wa'awa'awa to'umaliyedi, manuna 'abo yaita tauna tasina 'i'awa to'umaliyei, nai 'iloinei, tauna nigeya Yaubada 'ina loina 'imulimuliyei, ta esi loina nina 'i'awa'awa to'umaliye.

Yemesa 4:5

'Enega geya'abo Buki Tabu 'ina simana wa'awa'awa gidale tuta nina 'igwae, “Yaluyaluwa nina Yaubada 'isa'una 'edaya nuwanuwana sinabwana 'abo'ada.”

Yemesa 5:9

Ta tasigwao, geya'abo taumimo waelomulomugiyemi, 'abona nai 'ida 'Inapwana 'ida bwa'omatami, ta Tobwa'omatana nina ni'atu be 'iapwesama.

1 Pita 2:16

Ta 'omi esi ni'atu Yaubada 'ili'amimi be 'aene taumimo wada loinemi, ta esi geya'abo guinuwa to'umalidi 'ediya watautauya, ta wada guinuwa tuga nadigega Yaubada 'ina toguinuwao.

1 Pita 2:22

Manuna tauna nigeya 'ina to'umalinamo ta wate nigeya kabo 'awanega 'ida apwesa.

1 Pita 3:10

Nadigega Buki Tabu 'ena 'isimana, 'igwae, “'Abo yaita tauna nuwanuwana be 'ida gwausowala 'asiyata maibo'ana 'ediya, 'ilobwenena be ona besobeso be kabo 'ida losa'u,

1 Pita 4:2

'Enega 'ida tuta maibo'ana bale'uya tamiyami, tada tagwaleda Yaubada 'enaya be tauna 'ida loineda, ta 'ida yalakwaiya geya'abo 'iloiloineda.

1 Pita 4:4

Ta tomiya apwesa nidi sinuwa owana 'abo 'omi nigeya ma'emiyao yage nidi to'umalidi waguiguinuwedi, 'enega si'awa to'umaliyemi.

E'ita'ita 14:5

Taudi nigeya 'ebweu wate kabo 'ediya, ta nigeya 'ebweu wate 'idi to'umalinamo.