1 Kolinita 15:3 - Loina Tabu Auwauna NT

³ Tetela gete 'alena ya'ita lobena 'enega yasimanena 'emiya 'aene Keliso 'ida to'umalinao manudi 'imwawasa, nadigega Buki Tabu 'ina simana,

1 Kolinita 15:3 Kruisverwysings

Madiu 26:24

'Abo'agu Tomota Natuna ma'etamo yatatauya 'eda nina lowa Buki Tabu 'ena 'igimisimanena, ta esi 'agu tosipupu nina nuwa'ole'olena sa'i, ta bobo'ana 'abo lowa sinana geya'abo 'ida enaenatune.”

Madiu 26:28

Gete lalagu, loina auwauna manuna, 'idaudau tomota yaumi 'imi to'umalinao 'adi 'ebe nuwatau manuna.

Luke 24:25

'Enega Yesu 'ediya 'igwae, “Kwanikwanimi, manuna nigeya gimi palopitao 'idi onao wada emisedi.

Yoni 1:29

Ga mali 'asiyataya Yoni Yesu 'i'itena 'imeemai 'enaya, ga Yoni tomota 'ieonedi, 'igwae, “Tai gote tauna Yaubada 'ina Lami, be me bale'u manuda 'imwamwawasa be 'ida bubuna to'umalina maibo'ana 'i'ewayauledi.

Guinuwa 17:2

'Enega Paulo 'idi lotapwalolo 'ena 'ilugu, nadigega sena yauyaudi 'ediya 'iguiguinuwa'esa, ga nada tapwalolo 'etoi 'ediya Buki Tabu 'enega 'ie'ie'ita be ma'ediya siegewagewana,

Guinuwa 3:18

Ta wanuwa'i'isi 'aene Yaubada 'ina palopitao 'ediyega 'igimi simanena 'aene To'etoseyana nina 'ina 'elouyao 'ida lobadi, 'enega ona nina 'ana 'ai'aila ni'atu 'iapwesa.

Guinuwa 8:32

ta sawa nina ni'atu 'isawena gete nadigega 'igwae, “Tauna 'atuwa sipi 'iabe siunu, nai nadigega lami, 'abo unuununa 'ana to'upwa matanaya 'itootoolo, nigeya 'ebweu wate 'enana 'ida ona apwesena.

Loma 3:25

Ona'ai'aila, Yaubada natuna 'itagwalena be 'aene 'ina mwawasega 'ida 'au'ewa limada Yaubada 'enaya be ma'eda tada egosigosiyana, nate 'abo Yesu taemise. Gete 'enega Yaubada 'ina bubuna bobo'ana 'ie'iteda, manuna lowaenei 'ida bubuna to'umalina manudi nigeya 'ie'ie'isa, ta esi 'ie'alama'i'itana ga 'ana laba Yesu Keliso 'ietunenama 'edaya.

Loma 4:25

Ta 'abo'ada 'ida to'umalina manuna Yesu 'imwawasa, ga mwawasega Yaubada 'igietoolo limena be gete 'enega 'igie'esaseda ga 'i'awa palupaluyeda.

1 Kolinita 11:2

Kagutoki gosegwao, manuna e'itao nidi ya'ebwa'emi ni'atu wanuwa'i'isidi ta wagiyaidi.

1 Kolinita 11:23

'Ida 'Inapwana Yesu 'ina 'e'ai 'ana mwalatoi ni'atu 'ie'itegu ga 'abo'agu yae'itemi, nate boiboi nina Yudasa 'isipupuyena, Yesu nina beledi 'i'ewena,

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

Galetia 1:12

manuna nigeya tomota 'idi simanao nai 'idi e'itao 'ediyega, ta esi Yesu Keliso 'ina e'ita 'eguya 'enega.

Galetia 1:4

Manuna Tamada Yaubada 'ina nuwanuwa gete nadigega, ga Yesu tauna 'itagwalena ga 'imwawasa 'ida loegesiyao manudi, be 'enega tuta gete to'umalina 'ina waiwaiyega 'i'etoseyeda,

Galetia 3:13

Ta nigeya sawesawenaya be loina maibo'adi taematamatanedi, 'enega Keliso nina 'ilopa'eluda ga 'i'etoseyeda loina 'ana mwau 'enega. Loina 'ana mwau gete 'eguma nigeya tada ematamatanediya tamwamwawasa, 'enega Keliso 'abo'ada manuda 'imwawasa nadigega taudi toto'umalidi sinabwadi 'adi loemwawasa kelose 'ediya. Buki Tabu lowa 'ina ona gete manuna 'igwae, “'Abo yaisigedi kelose 'ediya sisa'udi be simwamwawasa, tomwawasa nidi 'awa to'umali siloba Yaubada 'enega.” Ga Keliso 'abo'ada manuda mwau nina 'ilobena.

Epeso 1:7

ta Natunana lalanega 'ili'amida 'ida loegesiyao 'ediyega, ga Yaubada 'inuwataudi, nate tauna 'ina oboboma sinabwa wawasae 'i'ebwaya 'edaya. Ta 'ana sinabwa nigeya 'ana 'etopwapwamo.

Epeso 5:2

be wate wada eoboobobomemi nadigega Keliso 'ioboboma 'eseda, ga tauna 'itagwalena ga 'italiyaena Yaubada 'enaya manuda, ga 'imwawasa.

Ibeliu 5:1

Totaliyao sinabwadi Yaubada 'iesinuwedi ga 'iaseyedi, be tauna matanaya sitalitaliya 'abo'ada tomota 'ida bubuna to'umalidi manudi.

Ibeliu 5:3

'Enega taudi 'idi to'umalinao manudi, ta wate tomota yaudi 'idi to'umalinao manudi, sitalitaliya Yaubada 'ena.

1 Pita 1:11

Ta Keliso yaluyaluwana 'atediya 'igimi e'itedi 'ina 'elouyao be 'ina esaesa muliyega manudi, ga palopitao nidi mwalatoi si'ebesa to tuta 'ena be mwa'adega 'etoseyana nina 'ida apwesa'esa.

1 Pita 2:24

Ona'ai'aila, Keliso tauna oonega 'ida to'umalinao 'i'aalidi kelose 'enaya, be gote 'enega 'aene 'ida bubuna to'umalidi sigugumwala, ta bubuna palupaluna 'enega tatatauya. Tauna 'ana badi 'enega 'imi bobo'ana walobena.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

1 Yoni 2:2

be 'ida to'umalinao 'inuwataudi, manuna Yesu tauna 'italiyaena 'ida to'umalinao manudi, be wate me bale'u maibo'adi manudi.

E'ita'ita 1:5

Ta Yesu Keliso tauna Tosimana 'ai'aila, ta wate tauna mwawasega 'igimi toololimana, ta bale'u 'ana toloinao 'idi kini. Tauna Yesu nina 'iobobomeda ga 'ida loegesiyao lalanega 'i'utu yauledi.