1 Kolinita 14:30 - Loina Tabu Auwauna NT

³⁰ Ta 'abo 'ebweuna tai tapwalolo solanaya 'imiyami be mwalatoi auwauna 'iloba, 'ida toolo be yage nina 'ida simana apwese, be tologuguya nina 'ida 'alaenono.

1 Kolinita 14:30 Kruisverwysings

1 Kolinita 14:26

Gosegwao, 'abo tapwalolo manuna walulugu, 'ebweu tai wali 'ida alalagasi, 'ebweuna 'ida e'ita, 'ebweuna lotoona auwauna 'ida simana apwese, be 'ebweuna mali 'enana 'enega 'ida ona, be 'ebweuna ona nina 'ida gibuni, be 'enega guinuwa nidi 'ediyega boda sida lemedi.

1 Kolinita 14:29

Ta wate tologuguyao 'eluwa nai 'etoi sida ona, be 'enega maibo'ami 'idi ona nidi wada nonodi, be manudi wada nuwanuwa.

1 Kolinita 14:31

Ta maibo'ami sawesawemiya be 'ebweuna 'ebweuna nuwanuwa bobo'ana 'ediyega wada loguguyae, be wada giepa'alimi.

1 Kolinita 14:6

'Enega gosegwao wada nuwa'i'isi 'abo yawawai 'emiya, be mali 'enana 'enega yaonaona 'emiya, nai geya'abo lema 'enega walobaloba. Ta esi 'abo yawawai 'emiya be lotoona auwauna nai mwalatoi nai loguguya nai e'ita ya'ebwa'emi, gete 'ebe lema 'emiya.