Rigters 7:16 - Die Bybel 2020-vertaling

¹⁶ Hy verdeel toe die driehonderd man in drie eenhede, en gee vir almal ramshorings in die hand en leë kruike met fakkels in die kruike.

Bybel vir almal

¹⁶ Gideon het die 300 manne verdeel in drie groepe, en hy het vir elke man 'n ramshoring en 'n leë kruik gegee. Daar was 'n fakkel in elke kruik.

Afrikaans 1933-1953

¹⁶ En hy het die driehonderd man verdeel in drie dele en aan hulle almal ramshorings en leë kruike, met fakkels binne-in die kruike, in die hand gegee

Afrikaans 1983

¹⁶ Gideon het die drie honderd man in drie groepe verdeel en aan elkeen 'n ramshoring en 'n leë erdekruik met 'n fakkel daarbinne gegee.

Contemporary Afrikaans Bible 2023

¹⁶ En hy het die drie honderd man in drie dele verdeel en elkeen 'n basuin in die hand gesit, met leë kruike en lampe binne-in die kruike.

Die Boodskap

¹⁶ Gideon het die 300 soldate in drie groepe gedeel. Hy het vir elke soldaat ’n trompet en ’n leë kleipot met ’n fakkel daarin gegee.

Rigters 7:16 Kruisverwysings

Genesis 14:15

In die nag het hy en sy dienaars in verskillende groepe teen die konings verdeel en hulle aangeval. Hy het hulle agtervolg tot by Hoba, wat noord van Damaskus is.

2 Samuel 18:2

Toe het Dawid die manskappe uitgestuur, 'n derde onder bevel van Joab, 'n derde onder bevel van Abisai, seun van Seruja en broer van Joab, en 'n derde onder bevel van Ittai, die man uit Gat. Die koning het vir die manskappe gesê: “Ek gaan beslis ook saam met julle uittrek.”

2 Korinthiërs 4:7

Hierdie skat het ons in kleipotte, sodat die buitengewone krag duidelik van God kom en nie van ons nie.

Rigters 7:15

Toe Gideon die vertelling oor die droom en die uitleg daarvan hoor, het hy dadelik in aanbidding neergebuig. Hy het na die kamp van Israel teruggegaan en gesê: “Staan op! Want die Here het die kamp van die Midianiete in julle hand gegee.”

Rigters 7:17

Hy sê vir hulle: “Hou my dop, en maak so: Doen presies wat ek doen wanneer ek by die kant van die kamp kom.

1 Samuel 11:11

Die dag daarna het Saul die manskappe in drie eenhede opgestel. Hulle het die kamp teen die laaste nagwaak binnegeval en die Ammoniete bly neervel tot die dag op sy warmste was. Dié wat oorgebly het, is so uitmekaar gedryf dat daar nie twee van hulle meer bymekaar was nie.