Rigters 4:5 - Die Bybel 2020-vertaling

⁵ Sy het altyd onder die palm van Debora gesit, tussen Rama en Bet-El in die heuwelland van Efraim , en die Israeliete het na haar opgegaan vir beslissings.

Bybel vir almal

⁵ Sy het altyd onder 'n palmboom gesit, die Debora-palm, en die Israeliete het na haar toe gegaan wanneer hulle probleme gehad het. Die Debora-palm was in die Efraim-berge tussen Gorma en Bet-El.

Afrikaans 1933-1953

⁵ en sy het gesit onder die palm van Debóra, tussen Rama en Bet-el, op die gebergte van Efraim; en die kinders van Israel het na haar opgegaan vir regspraak.

Afrikaans 1983

⁵ Sy het altyd onder die Deborapalm in die Efraimsberge tussen Rama en Bet-El gesit, en die Israeliete het daarheen gekom sodat sy hulle geskille kon bylê.

Contemporary Afrikaans Bible 2023

⁵ En sy het gewoon onder die palmboom van Debóra tussen Rama en Bet-el op die gebergte van Efraim, en die kinders van Israel het na haar opgetrek vir oordeel.

Die Boodskap

⁵ Sy het altyd onder die palmboom van Debora tussen Rama en Bet-El in die berge van Efraim gesit. Daar het die Israeliete na haar toe gekom om raad te vra en om hulle te help om hulle probleme op te los.

Rigters 4:5 Kruisverwysings

Genesis 35:8

Debora, die oppasser van Rebekka, is daar oorlede. Sy is begrawe onderkant Bet-El, onder die eikeboom. Hulle het dit die Eikeboom van Gehuil genoem.

Eksodus 18:13

Die volgende dag het Moses gaan sit om as regter op te tree vir die mense. Die mense het van die oggend af tot die aand toe om Moses gestaan.

Eksodus 18:16

Wanneer hulle 'n geskil het, kom dit voor my; dan beslis ek tussen die persoon en sy naaste, en maak God se vaste voorskrifte en wette bekend.”

Eksodus 18:19

Luister nou na my! Ek sal vir jou raad gee, en mag God met jou wees! Tree jy vir die volk in by God, en bring jy die sake voor God.

Eksodus 18:26

Hulle het te alle tye die volk se regsake behartig. Die moeilike sake het hulle na Moses gebring, maar oor al die maklike sake het hulle self beslis.

Jeremia 31:15

So sê die Here: “'n Stem word gehoor in Rama, 'n treurlied, 'n bittere gehuil. Ragel huil oor haar kinders; sy weier om vertroos te word oor haar kinders, omdat hulle nie meer daar is nie.”

Josua 16:2

Vanaf Bet-El strek dit verder na Lus en gaan dan verby die gebied van die mense van Ereg na Atarot.

Josua 18:22

Bet-Araba, Semarajim, Bet-El,

Josua 18:25

verder nog Gibeon, Rama, Beërot,

Rigters 4:4

Debora, 'n profetes, die vrou van Lappidot, het in daardie tyd vir Israel as rigter opgetree.

1 Samuel 1:1

Daar was 'n sekere man uit Ramatajim Sofim, in die heuwelland van Efraim. Sy naam was Elkana, seun van Jerogam, seun van Elihu, seun van Togu, seun van Suf, uit Efraim.

1 Samuel 1:19

Hulle het vroeg die volgende môre opgestaan, voor die Here in aanbidding gebuig, en weer na hulle huis in Rama gegaan. Elkana het met sy vrou Hanna gemeenskap gehad, en die Here het aan haar gedink.

1 Samuel 22:6

Saul het gehoor dat Dawid, en ook die manne wat by hom was, opgemerk is. Saul het in Gibea op die hoogte onder 'n tamarisk gesit met sy vegspies in sy hand, met al sy amptenare wat daar by hom staan.

1 Samuel 25:1

Samuel het gesterf. Die hele Israel het byeengekom en oor hom gerou. Hulle het hom by sy huis in Rama begrawe. Dawid het gereedgemaak en na die Paranwoestyn afgegaan.

1 Samuel 7:17

voordat hy teruggekeer het na Rama; want sy huis was daar. Daar het hy Israel gerig en daar het hy vir die Here 'n altaar gebou.