Rigters 17:2 - Die Bybel 2020-vertaling

² Hy het vir sy moeder gesê: “Daardie eenduisend eenhonderd sikkel silwer wat van ma gesteel is, en waaroor ma 'n vloek uitgespreek het, wat ma ook ten aanhore van my herhaal het – kyk, die silwer is hier by my. Dit is ek wat dit gevat het.” Sy moeder het gesê: “Geseënd is my seun, deur die Here.”

Bybel vir almal

² Hy het vir sy ma gesê: “Ma, onthou jy daardie 1 100 stukke silwer wat iemand van jou gesteel het? Ek het gehoor toe jy daardie dief vervloek het. Daardie silwer is by my, ek het dit gevat.” Toe sê sy ma: “Die Here sal jou seën, my seun.”

Afrikaans 1933-1953

² Dié het aan sy moeder gesê: Die elfhonderd sikkels silwer wat van u geneem is en waaroor u 'n vloek uitgespreek het en dit ook voor my ore gesê het — hier is die geld by my, ék het dit geneem. Toe sê sy moeder: Mag jy geseënd wees deur die Here, my seun!

Afrikaans 1983

² Hy het vir sy ma gesê: “Daar is dertien kilogram silwer van Ma gesteel. Ek het gehoor hoe Ma dit vervloek, maar dit is by my. Ek het dit gevat.” Toe sê sy ma vir hom: “Mag die Here jou seën, my seun.”

Contemporary Afrikaans Bible 2023

² En hy sê vir sy moeder: Die elf honderd sikkels silwer wat van jou weggeneem is, waaroor jy gevloek en ook voor my ore gespreek het, kyk, die silwer is by my; Ek het dit gevat. En sy moeder sê: Geseënd is jy deur die HERE, my seun!

Die Boodskap

² Op ’n dag het hy vir sy ma gesê: “Ek het gehoor hoe Ma die persoon vervloek wat daardie dertien kilogram silwer van Ma gesteel het. Wel, hier is dit terug, want ek is die een wat dit gesteel het.” “Mag die Here jou seën omdat jy dit teruggegee het, my seun,” het sy gesê.

Rigters 17:2 Kruisverwysings

Genesis 14:19

Hy het Abram geseën en gesê: “Geseënd is Abram deur God, die Allerhoogste, skepper van die hemel en die aarde.

Nehemia 13:25

Ek het hulle verwyt, hulle vervloek, sommige van die mans geslaan en hulle hare uitgepluk. Ek het hulle by God besweer: “Julle mag nie julle dogters aan hulle seuns gee nie, en julle mag nie van hulle dogters as vroue neem vir julle seuns of vir julleself nie.

Psalms 10:3

Ja, 'n goddelose spog oor sy hartsbegeertes, en terwyl hy wins maak, vervloek en verag hy die Here.

Eksodus 20:7

Jy mag die Naam van die Here jou God nie misbruik nie, want die Here sal hulle wat sy Naam misbruik, nie ongestraf laat nie.

Spreuke 28:24

Wie sy vader en moeder beroof en sê, “Dit is geen oortreding nie”, is die bondgenoot van 'n verwoester.

Jeremia 48:10

Vervloek is hy wat die Here se werk met laksheid doen, en vervloek is hy wat sy swaard weerhou van bloed.

Matteus 26:74

Daarop begin hy vloek, en sweer: “Ek ken die man nie!” En onmiddellik het 'n haan gekraai.

Romeine 9:3

Ek sou inderdaad wou bid om self vervloek te wees, verwyder van Christus, in belang van my broers, my volksgenote na die liggaam.

1 Korinthiërs 16:22

As iemand die Here nie liefhet nie, laat hom vervloek wees. Marana ta!

Deuteronomium 27:16

“ ‘Vervloek is die een wat sy vader en moeder minag.’ En die hele volk moet ‘Amen’ sê.

2 Johannes 1:11

Want wie hom groet, het aandeel aan sy bose werke.

Rigters 17:1

Daar was 'n man uit die heuwelland van Efraim. Sy naam was Miga.

Rigters 17:3

Hy het toe die eenduisend eenhonderd sikkel silwer teruggegee vir sy moeder, maar sy moeder het gesê: “Ek wy die silwer volledig aan die Here. Dit is uit my hand vir my seun, om daarvan 'n gesnede beeld en 'n gegote beeld te maak. Ek gee dit dan nou weer vir jou.”

Rigters 5:23

‘Vervloek Meros, ’ sê die •engel van die Here, ‘vervloek sy inwoners volkome; want hulle het nie gekom ter ondersteuning van die Here nie, ter ondersteuning van die Here teen die helde nie.’

Rut 3:10

Hy sê toe: “Mag jy geseën word deur die Here , my dogter. Jou trou aan die familie blyk nou nog duideliker as voorheen, aangesien jy nie agter jong mans, of hulle arm of ryk is, aanloop nie.

1 Samuel 14:24

Die manne van Israel was daardie dag onder druk, want Saul het die manskappe 'n eed opgelê deur te sê: “Vervloek is die man wat iets eet voor vanaand, en voordat ek my op my vyande gewreek het.” Nie een van die manskappe het toe sy mond aan iets gesit nie,

1 Samuel 14:28

Een van die manskappe reageer toe en sê: “Jou pa het die manskappe streng onder eed geplaas deur te sê, ‘Vervloek is die man wat vandag iets eet.’ Dit is waarom die manskappe moeg geword het.”

1 Samuel 15:13

Toe Samuel by Saul kom, sê Saul vir hom: “Mag u geseënd wees deur die Here! Ek het die opdrag van die Here uitgevoer.”

1 Samuel 23:21

Saul het gesê: “Mag julle deur die Here geseën word, omdat julle medelye met my het.

1 Samuel 26:19

“ Daarom moet my heer die koning asseblief na die woorde van sy dienaar luister: As dit die Here is wat u teen my aangehits het, laat Hy die geur van 'n •graanoffer ruik. Maar as dit mense is, vervloek is hulle voor die Here, want hulle het my vandag verdryf, weg van deelname aan die erfenis van die Here deur te sê, ‘Gaan dien ander gode!’