Psalms 96:6 - Die Bybel 2020-vertaling

⁶ Luister en glans is voor Hom; krag en heerlikheid is in sy heiligdom.

Bybel vir almal

⁶ Almal wat Hom dien, weet dat Hy Koning is, almal in sy tempel weet dat Hy die sterk Koning is.

Afrikaans 1933-1953

⁶ Majesteit en heerlikheid is voor sy aangesig, sterkte en sieraad in sy heiligdom.

Afrikaans 1983

⁶ Majesteit en luister straal van Hom uit, krag en glans vul sy heiligdom.

Contemporary Afrikaans Bible 2023

⁶ Eer en majesteit is voor Hom, sterkte en skoonheid is in sy heiligdom.

Die Boodskap

⁶ As ’n mens by die Here is, word jy oorweldig; oorweldig deur hoe Hy oor alles heers, hoe belangrik Hy in vergelyking met enigiemand anders is, hoe sterk Hy is en hoe mooi alles by Hom is.

Psalms 96:6 Kruisverwysings

1 Kronieke 16:27

Luister en glans is voor Hom; krag en blydskap is in sy heiligdom.

Psalms 104:1

Loof die Here, o my siel! Here, my God, U is baie groot; U is met luister en glans beklee,

Psalms 19:1

Vir die •musiekleier. 'n Psalm. Van Dawid.

Psalms 27:4

Een ding het ek van die Here gevra en dit sal ek bly nastreef: om al die dae van my lewe in die huis van die Here te woon, om die lieflikhede van die Here te aanskou en daaroor na te dink in sy •tempel.

Psalms 29:9

Die stem van die Here laat wildsbokke lam, dit stroop bosse kaal. Sy hele paleis sê: “Heerlikheid!”

Psalms 50:2

Vanuit Sion, plek van volmaakte skoonheid, laat God sy lig straal.

Psalms 63:5

so sal ek U prys in my lewe; in u Naam sal ek my hande ophef.

Psalms 8:1

Vir die •musiekleier. Op Haghittiet. 'n Psalm. Van Dawid.

Psalms 93:1

Die Here regeer; Hy is met majesteit beklee. Die Here beklee Hom, met krag omgord Hy Hom. Ja, die wêreld staan vas, dit wankel nie.

Hebreërs 1:3

Hy is die uitstraling van God se heerlikheid, en die ewebeeld van sy wese. Hy hou alles in stand deur sy magtige woord; en nadat Hy die reiniging van sondes bewerk het, het Hy gaan sit aan die regterhand van die Majesteit in die hoogtes.