Psalms 92:12 - Die Bybel 2020-vertaling

¹² My oog kyk neer op my teenstanders, op hulle wat teen my opstaan; my oor hoor met vreugde van die kwaaddoeners.

Bybel vir almal

¹² Ek het gesien hoe my vyande val, ek het gehoor hoe skree die mense wat téén my is, die mense wat slegte dinge doen.

Afrikaans 1933-1953

¹² En my oog sien met welgevalle neer op die wat my voorlê, my ore hoor van die wat teen my as kwaaddoeners opstaan.

Afrikaans 1983

¹² Ek kyk op my teëstanders neer, ek luister sonder vrees na die mense wat niks ontsien nie, wat in opstand teen my is.

Contemporary Afrikaans Bible 2023

¹² Die regverdige sal floreer soos 'n palmboom, soos 'n seder op die Líbanon groei hy.

Die Boodskap

¹² Ek geniet dit as mense wat my probeer onderkry, my nie stukkend kan trap nie. Ek is nie bang vir hulle nie, al ondermyn hulle my omdat hulle teen my in opstand kom.

Psalms 92:12 Kruisverwysings

1 Konings 4:33

Hy het gedig oor bome – van die seder wat op die Libanon is tot die marjolein wat uit die mure groei. Hy het gedig oor diere, oor voëls, oor kruipende diere en oor visse.

1 Konings 6:29

Aan die mure van die tempel het hy reg rondom versierings van gerubs en palmette en blomkelke in houtsneewerk aangebring, aan die binne- en buitekant.

Ester 9:5

Die Jode het op hulle vyande toegeslaan en met die swaard dood en verwoesting gesaai; hulle het met hulle haters gedoen net wat hulle wou.

Psalms 1:3

So iemand sal wees soos 'n boom geplant langs watervore, wat sy vrugte op sy tyd gee en waarvan die blare nie verdor nie. Alles wat hy aanpak, gedy.

Psalms 104:16

Die bome van die Here word versadig, die seders van die Libanon wat Hy geplant het,

Psalms 148:9

berge en al die heuwels, bome wat vrugte dra en al die seders;

Psalms 37:34

Wag op die Here, en hou by sy pad, dan sal Hy jou aansien gee om grond te besit. Jy sal toekyk wanneer goddeloses uitgeroei word.

Psalms 52:8

Regverdiges sal dit sien en ontsag hê, oor hom sal hulle die spot dryf:

Psalms 72:7

In sy tyd sal regverdiges floreer, daar sal vrede in oorvloed wees tot die maan nie meer daar is nie.

Psalms 92:7

'n Dom mens weet nie, en 'n dwaas verstaan dit nie:

Jesaja 55:13

In die plek van doringstruike sal sipresse groei; in die plek van distels sal mirtebome opkom. Dit sal vir die Here tot roem wees; as 'n ewige teken, sal dit nie afgekap word nie.”

Jesaja 65:22

Hulle sal nie bou, sodat 'n ander dit bewoon nie, of plant, sodat 'n ander dit eet nie. Want soos die lewensdae van 'n boom, sal die lewensdae van my volk wees. Die arbeid van hulle hande sal my uitverkorenes self geniet.

Jeremia 17:8

Hy sal wees soos 'n boom wat geplant is langs water, wat sy wortels uitstoot na die voor. Hy merk nie eers op dat die hitte kom nie; sy blare bly groen. In 'n jaar van droogte raak hy nie angstig nie, en hy hou nie op om vrugte te dra nie.”

Amos 2:9

Ek is die Een wat die Amoriete, so lank soos sederbome en so sterk soos eikebome, uitgeroei het voor hulle uit. Ek het hulle uitgeroei – hulle vrug bo en hulle wortels onder.

Miga 7:10

My vyand sal dit sien en deur skaamte oorval word, sy wat vir my vra: “Waar is die Here jou God?” My oë sal met genoegdoening na haar kyk. Sy sal dan vertrap word soos modder op straat.

Numeri 24:6

Soos palmbome is hulle uitgesprei, soos tuine langs 'n rivier, soos adelhout wat die Here geplant het, soos seders langs water.