Psalms 9:20 - Die Bybel 2020-vertaling

²⁰ Staan op, Here, mense moet nie die oorhand kry nie; laat nasies voor U teregstaan.

Bybel vir almal

²⁰ Here, U moet nou iets doen, U moet die mense laat besef dat hulle nie sterk is nie, U moet die volke voor U laat kom staan en U moet hulle oordeel.

Afrikaans 1933-1953

²⁰ Staan op, Here, laat die mens nie sterk word nie; laat die heidene voor u aangesig geoordeel word!

Afrikaans 1983

²⁰ Gryp tog in, Here, sodat die mens hom nie verhef nie. Laat die nasies voor U teregstaan.

Contemporary Afrikaans Bible 2023

²⁰ Wees hulle bevrees, HERE, sodat die nasies kan weet dat hulle maar mense is. Sela.

Die Boodskap

²⁰ Gryp nou in, Here! Anders dink party mense dat hulle baie sterk is. Maak almal bymekaar wat U nie dien nie. Wees ’n regverdige regter. Oordeel hulle!

Psalms 9:20 Kruisverwysings

2 Kronieke 14:10

Asa het teen hom uitgetrek, en hulle het gevegslinies opgestel in die vallei van Sefata by Maresa.

Psalms 3:8

Staan op, Here, verlos my, my God, want U het al my vyande op die wang geslaan; die tande van die goddeloses het U gebreek.

Psalms 62:9

Vertrou te alle tye op Hom, o volk, stort julle hart voor Hom uit. God is vir ons 'n skuilplek. Sela

Psalms 76:12

Lê geloftes af aan die Here julle God, en kom dit na. Almal wat rondom Hom is, moet geskenke bring vir die Ontsagwekkende.

Eksodus 15:16

Verskrikking en vrees sal hulle oorval; vanweë u magtige arm raak hulle stil soos 'n klip, totdat u volk, Here, verbytrek, totdat die volk wat U gekoop het, verbytrek.

Eksodus 23:27

“Die vrees vir My sal Ek voor jou uit stuur en Ek sal elke volk by wie jy kom, in verwarring bring. Ek sal sorg dat al jou vyande die hakskene vir jou wys.

Jesaja 31:3

Die Egiptenare is mense, nie God nie; hulle perde is vlees en nie gees nie. En die Here – as Hy sy hand uitstrek, struikel die helper, val dié een wat gehelp word; saam gaan hulle almal tot niet.

Jeremia 32:40

Ek sal 'n ewige verbond met hulle sluit: Ek sal My nooit daarvan weerhou om aan hulle goed te doen nie, en Ek sal ontsag vir My in hulle harte gee, sodat hulle nie van My af sal wegdraai nie.

Esegiël 28:2

“Mensekind, sê vir die leier van Tirus, ‘So sê my Heer, die Here: “Omdat jou hart hoogmoedig geraak het, het jy gesê, ‘Ek is 'n god; in die tuiste van die gode woon ek in die hart van die seë.’ Maar jy is net 'n mens, nie 'n god nie. Jy stel jou insig gelyk aan die insig van gode!

Esegiël 28:9

Sal jy steeds sê, ‘Ek is 'n god’, in die teenwoordigheid van hom wat jou doodmaak, en as jy – 'n mens, nie 'n god nie – in die hande is van hulle wat jou deurboor?

Esegiël 30:13

“ ‘ So sê my Heer, die Here: “Ek sal die afgodsbeelde vernietig, die nikswerd afgode uit Nof laat verdwyn; en 'n leier uit Egipteland sal daar nie meer wees nie. Ek sal vrees laat posvat in Egipte.

Deuteronomium 2:25

Van vandag af sal Ek sorg dat julle vrees inboesem by elke volk onder die son, en dat hulle vir julle ontsag het. Wanneer hulle die gerug oor julle hoor, sal hulle aan die bewe gaan en ineenkrimp van angs vir julle.’