Psalms 73:1 - Die Bybel 2020-vertaling

¹ 'n Psalm. Van Asaf. God is waarlik vir Israel goed, vir hulle wat rein harte het.

Bybel vir almal

¹ 'n Psalm van Asaf. God is goed vir Israel, dit is seker, Hy is goed vir mense wat aan Hom behoort.

Afrikaans 1933-1953

¹ 'n PSALM van Asaf. Waarlik, God is goed vir Israel, vir die wat rein van hart is.

Afrikaans 1983

¹ 'n Psalm van Asaf. God is vir Israel baie goed, vir dié wat rein van hart is.

Contemporary Afrikaans Bible 2023

¹ ('n Psalm van Asaf.) Waarlik, God is goed vir Israel, ook vir die wat rein van hart is.

Die Boodskap

¹ God is goed vir almal wat doen wat Hy sê. Vir seker!

Psalms 73:1 Kruisverwysings

1 Kronieke 15:17

Die Leviete het toe Heman, seun van Joël, laat aantree, en uit sy stamgenote Asaf, seun van Beregja, asook Etan, seun van Kusaja, uit die nageslag van Merari, hulle stamgenote;

1 Kronieke 16:37

Dawid het Asaf en sy stamgenote daar voor die verbondsark van die Here laat bly om deurentyd voor die ark diens te doen volgens die vereistes van elke dag.

1 Kronieke 16:7

Op daardie dag, juis toe, het Dawid die eerste keer vir Asaf en sy stamgenote aangestel om die Here soos volg te prys:

1 Kronieke 6:39

Sy stamgenoot Asaf is die een wat aan sy regterkant gestaan het. Asaf was die seun van Beregja, seun van Sima,

2 Kronieke 29:30

Koning Hiskia en die leiers het vir die Leviete gesê om die Here te loof met die woorde van Dawid en van Asaf, die siener. Hulle het toe die Here met vreugde geloof, gekniel en in aanbidding gebuig.

Psalms 2:6

“Ek self het my koning gesalf op Sion, my •heilige berg.”

Psalms 24:4

Die mens met skoon hande en 'n rein hart wat nie na nietigheid hunker en nie sweer by wat vals is nie,

Psalms 42:11

Dit sny tot op die been, as my teenstanders my tart deur die hele dag lank vir my te vra: “Waar is jou God?”

Psalms 50:1

'n Psalm. Van Asaf. Die God van die gode, die Here, het gepraat en die aarde opgeroep – van waar die son opkom tot waar dit ondergaan.

Psalms 51:10

Laat my weer uitroepe van vreugde en blydskap hoor; laat die gebeente wat U verbrysel het, juig.

Psalms 73:18

Waarlik, U laat hulle op gladde plekke beland, U bring hulle tot 'n val oor hulle geknoei.

Psalms 83:1

'n Lied. 'n Psalm. Van Asaf.

Psalms 84:11

want 'n dag in u voorhowe is beter as duisend daarbuite. Ek wag liewer op die drumpel van die huis van my God as om te woon in die tente van goddeloosheid.

Jeremia 4:14

“Spoel jou hart skoon van kwaad, Jerusalem, sodat jy gered kan word! Hoe lank gaan planne van onheil nog in jou midde vertoef?

Matteus 5:8

Gelukkig is dié wat suiwer van hart is, want hulle sal God sien.

Lukas 12:32

Moenie bang wees nie, klein kuddetjie, want julle Vader het dit goedgevind om die koninkryk aan julle te gee.

Johannes 1:47

Jesus het Natanael na Hom sien aankom, en sê toe van hom: “Kyk, hy is waarlik 'n Israeliet in wie daar geen bedrog is nie.”

Romeine 4:16

Daarom het die belofte op geloof berus, sodat dit volgens genade kon vasstaan vir Abraham se hele nageslag, nie net vir hulle wat op grond van die wet leef nie, maar ook vir hulle wat op grond van Abraham se geloof leef. Hy is ons almal se vader,

Titus 3:5

het Hy ons verlos – nie op grond van werke wat ons uit •geregtigheid gedoen het nie, maar op grond van sy ontferming – by wyse van die afwassing deur die weergeboorte en vernuwing deur die Heilige Gees,

Jakobus 4:8

Nader tot God, dan sal Hy tot julle nader. Reinig julle hande, sondaars, en suiwer julle harte, dubbelhartiges!